Morgunblaðið - 04.09.2014, Blaðsíða 78
Morgunblaðið/Þórður
Undirstaðan „Byrjendur í crossfit verða líka að taka fjögurra vikna inngangsnámskeið. Þar byrjum við hægt og
leggjum ofuráherslu á vandaða tækni. Rétt tækni kemur alltaf fyrst, á undan þyngd og hraða,“ útskýrir Hrönn.
Ásgeir Ingvarsson
ai@mbl.is
E
kki ætti að hafa farið framhjá
neinum hversu miklar vin-
sældir crossfit hefur öðlast
hér á landi. Það er ekki
lengra síðan en árið 2007 að áhuga-
menn um líkamsrækt byrjuðu að
gera tilraun með þetta nýja æf-
ingakerfi, en síðan þá hafa crossfit-
æfingastöðvar, eða „box“ eins og
þær eru kallaðar, sprottið upp víða.
Hrönn Svansdóttir, fram-
kvæmdastjóri og einn eigenda
CrossFit Reykjavíkur, segir Íslend-
inga líklega eiga heimsmet í fjölda
crossfit-stöðva, miðað við höfðatölu.
Og enn virðist áhuginn vera að
aukast. „Alltaf eru nýir að koma til
okkar og prófa. Sumum líkar vel og
ílengjast hjá okkur, og aðrir snúa
sér að einhverju öðru, eins og geng-
ur og gerist. Í Bandaríkjunum, þar
sem crossfit byrjaði fyrir fjórtán ár-
um, er markaðurinn sennilega mett-
aður í dag. Ísland var snemma á
ferðinni að tileinka sér crossfit, en á
enn töluvert inni. Svo er útbreiðslan
rétt að byrja víða annars staðar í
heiminum.“
Blanda af því besta
Crossfit blandar saman æfingum
úr ýmsum greinum. Í tímum eru
m.a. gerðar fimleikaæfingar, þolæf-
ingar, hjólað, róið, synt, stundaðar
ólympískar lyftingar og kraftlyft-
ingar. „Crossfit blandar saman á
mjög kröftugan hátt æfingum sem
reyna bæði á þol, snerpu og styrk.
Æfingarnar eru fjölbreyttar og í
samræmi við þá stefnu að stunda sí-
breytilega og náttúrulega hreyfingu,
sem framkvæmd er af alefli.“
Crossfit-box um allan heim skipu-
leggja æfingarnar fyrir vikuna eins
og hálfgerðan matseðil, þar sem æf-
ing hvers dags hefur sínar áherslur.
„Hjá okkur varir æfingin í um 55
mínútur og þar af verjum við að
jafnaði um 15 til 20 mínútum í „æf-
ingu dagsins“, með upphitun á und-
an og teygjum og liðleikaæfingum í
lokin,“ útskýrir Hrönn. „Okkar stöð
býður líka upp á þann möguleika að
korthafar geta komið og æft eftir
eigin hentisemi á þeim tíma sólar-
hringsins sem þeim hugnast best,
frá sex að morgni til níu að kvöldi.“
Tæknin í forgrunni
Æfingarnar þykja krefjandi og
þegar átökin eru mikil skiptir öllu
að tæknin sé rétt. Leggur Hrönn á
það áherslu að crossfit-þjálfarar
verða að vita sínu viti, og hlutverk
þeirra er ekki síst að gæta þess að
iðkendur á æfingum beiti lík-
amanum á réttan hátt. „Byrjendur í
crossfit verða líka að taka fjögurra
vikna inngangsnámskeið. Þar byrj-
um við hægt og leggjum ofur-
áherslu á vandaða tækni. Rétt
tækni kemur alltaf fyrst, á undan
þyngd og hraða. Þegar tæknin og
formið er í lagi getum við svo smám
saman byggt þar ofan á.“
Líkum hefur verið leitt að því að
þessi fjölbreytta blanda æfinga,
áhersla á rétt form, hvatning og
samheldni í tímum og hátt
áreynslustig skýri helst hvers
vegna crossfit virðist virka vel til að
móta líkamann í fegurra horf. Með-
limir stöðvarinnar eru líka að fá
mikla þjónustu og aðhald. „Crossfit
er nokkuð dýrara en t.d. áskrift að
hefðbundnum líkamsræktar-
stöðvum, en það skýrist m.a. af því
að við höfum hátt hlutfall þjálfara á
móti þátttakendum á æfingum og
að nýting korta er mjög mikil.
Suma daga fer nýtingin upp í 50%
sem er fáheyrð tala hjá líkamsrækt-
arstöðvum.“
Byrja á tækninni og byggja þar ofan á
Hrönn hjá CrossFit Reykjavík segir alls kon-
ar fólk stunda crossfit, unga sem aldna,
sumir séu miklir kroppar og aðrir í mýkri
kantinum sem stunda fjölbreyttar og
skemmtilegar æfingar í góðu andrúmslofti.
Átök Í crossfit má greina
áhrif úr ýmsum áttum, s.s.
frá fimleikum og lyftingum.
Oft gengur mikið á.
78
MORGUNBLAÐIÐ FIMMTUDAGUR 4. SEPTEMBER 2014
Eins og náttúran hafði í hyggju
• Magnesíumsprey sem virkar strax!
• Slakandi, bætir svefn og slær á
fótaóeirð og sinadrátt
• Frábær upptaka
Sefurðu illa?
MagnesiumOil
Spray
Fæst í flestum apótekum, Lifandi Markaði, Heilsuhúsinu,
Fjarðarkaup og Systrasamlaginu
Nánari upplýsingar á www.gengurvel.is
og á Facebook síðunni Better You Ísland
P
R
E
N
T
U
N
.IS
Goodnight
HUGSAÐ UM HEILSUNAhaust 2014