Fréttablaðið - 12.04.2014, Síða 112

12. apríl 2014 LAUGARDAGUR| MENNING | 68
LAUGARDAGUR 12. APRÍL
18:00 Marie Krøyer, Danmörk (2012)
20:00 Dom över död man,
Svíþjóð (2012)
Allar kvikmyndirnar eru sýndar með
enskum texta og er frítt inn á hátíðina.
Nánari upplýsingar á norraenahusid.is.
NORRÆN
KVIKMYNDA
HÁTÍÐ
3.–15. APRÍL 2014
NORRÆNA HÚSIÐ
KYNNIR:
SUNNUDAGUR 13. APRÍL
20:00 Call Girl, Svíþjóð (2012)
Allar kvikmyndirnar eru sýndar með
enskum texta og er frítt inn á hátíðina.
Nánari upplýsingar á norraenahusid.is.
NORRÆN
KVIKMYNDA
HÁTÍÐ
3.–15. APRÍL 2014
NORRÆNA HÚSIÐ
KYNNIR:
MENNING
„Þetta er barna- og fjölskyldu-
sýning sem byggð er á verki
Williams Shakespeare um Ham-
let,“ segir Bergur Þór Ingólfs-
son, leikstjóri Hamlets litla, sem
jafnframt samdi leikgerðina í
samstarfi við leikhópinn. „Við
miðuðum við sirka ellefu ára
krakka þegar við vorum að búa
sýninguna til en yngri krakkar
sem eru vanir að horfa á Harry
Potter og Hungurleikana munu
eflaust kunna að meta þessa sýn-
ingu líka.“
Spurður hvort efnið sé fært í
nútímabúning dregur Bergur Þór
við sig svarið. „Við erum svolít-
ið bara í leikhúsinu,“ segir hann.
„Ég get orðað það sem svo að við
færum leikritið þegar það gerð-
ist til nútímans. Ellefu ára dóttir
mín bað um það að Hamlet yrði
í almennilegum Hamletbúningi,
sem ég lét eftir henni, og við
erum að leika okkur með tímann
og leikhúsið inni í verkinu. Þann-
ig að við ávörpum samtímann en
erum alls staðar í tíma.“
Og haldið þið ykkur nokkuð
staðfastlega við söguna eins og
Shakespeare setur hana fram?
„Já, það sem ég hélt mig við
var að segja söguna af vinunum
Hamlet, Ófelíu og Laertesi. Sög-
una af Hamlet sem missir pabba
sinn og er um það bil að missa
mömmu sína í trölla hendur og
hvernig harmurinn yfir því hleð-
ur utan á sig. Þegar einhver hell-
ir eitri í eyra annars þá getur það
nefnilega endað með því að eng-
inn á möguleika lengur.“
Bergur Þór segir verkið þó
vera á gamansömum nótum á
köflum en engu að síður sé þetta
harmleikur. „Þetta er risastórt
leikrit um risastóra hluti og við
erum að reyna að segja alla sög-
una.“
Hamlet á gamansömum nótum?
Má það? „Já, já. Okkur langar að
vera ærslafull í leik okkar. Fara
inn í dótaherbergi og búa til sýn-
ingu sem gæti verið bæði fynd-
in og harmræn. Sumu af þessu
sem Hamlet lendir í hafa aðrir
krakkar lent í og það er hægt
að læra af sögu Hamlets hvern-
ig hægt er að koma í veg fyrir
að hlutirnir hlaði utan á sig og
vaxi manni yfir höfuð með því
að nýta sinn ærslafulla lífsvilja.
Ég flokka ekki lífið í annaðhvort
harm eða gleði. Við eigum svo
mikið af hvoru tveggja og það er
mjög sterkt að blanda því saman.
Við getum tekist á við harm með
húmor.“
Bergur Þór fékk Kristjönu
Stefánsdóttur söngkonu til liðs
við sig og hún sér um tónlistina
í verkina auk þess að leika í því.
Er þetta Hamlet með söngleikja-
ívafi? „Ja, það eru söngnúmer í
sýningunni,“ segir Bergur Þór.
„Það eru öll meðöl leikhússins
notuð á Litla sviðinu þessa dag-
ana.“
Hamlet litli verður frumsýnd-
ur í dag og verða almennar sýn-
ingar einungis um helgar í fram-
haldinu. Á virkum dögum er hins
vegar öllum börnum í 5. bekkjum
grunnskóla Reykjavíkur boðið í
Borgarleikhúsið þar sem þau
fá skoðunarferð um húsið sem
endar inni á Litla sviði þar sem
þau sjá Hamlet litla. „Þetta er
nefnilega leikritið sem allir halda
að þeir þekki, eða halda að þeir
eigi að þekkja,“ segir Bergur Þór.
„Og þarna fá krakkarnir mögu-
leika á að koma og fá smá krass-
kúrs í því hver söguþráðurinn í
Hamlet er.“
fridrikab@frettabladid.is
Við getum tekist á
við harm með húmor
Hamlet litli verður frumsýndur á Litla sviði Borgarleikhússins í dag. Höfundur
leikgerðar og leikstjóri er Bergur Þór Ingólfsson sem segist fylgja upprunalegu
verki Shakespeares; sögunni af drengnum Hamlet sem verður fyrir miklum harmi.
LEIKARARNIR
Kristín Þóra
Haraldsdóttir,
Sigurður Þór
Óskarsson
og Kristjana
Stefánsdóttir
túlka persónur
verksins.
MYND/GRÍMUR
BJARNASON
„Við syngjum almenn íslensk og
erlend kórlög og svo tónlist sem
hefur verið samin sérstaklega
fyrir hreyfinguna, til dæmis eftir
Mozart sem var frímúrari,“ segir
Stefán Halldórsson, einn félaga
Frímúrarakórsins. Kórinn heldur
tónleika í regluheimilinu klukkan
14 og 17 í dag, Jónas Þórir stjórnar.
Finnski frímúrarakórinn SCF
kemur líka fram og syngur meðal
annars lög eftir Síbelíus undir
stjórn Gunnars Dörabrip og
þekktir tónlistarmenn á borð við
Kristján Jóhannsson tenór, Rabbe
Österholm barítón, Hjörleif Vals-
son fiðluleikara og Ólaf Flosason
óbóleikara svo aðeins fáir séu
nefndir koma fram.
Finnski kórinn syngur jafn-
framt á styrktartónleikum fyrir
krabbameinssjúk börn í Bústaða-
kirkju annað kvöld, 13. apríl,
klukkan 20. - gun
Tónleikar tveggja
frímúrarakóra
Frímúrarakórinn heldur tvenna tónleika á morgun
í regluheimilinu að Skúlagötu 55. Finnskur kór og
kunnir söngvarar og hljóðfæraleikarar koma fram.
FRÍMÚRARAKÓRINN Æft var í Bústaðakirkju í fyrrakvöld en tónleikarnir verða í
húsakynnum reglunnar við Skúlagötu. MYND/ÚR EINKASAFNI
Þetta er nefnilega
leikritið sem allir halda
að þeir þekki, eða halda
að þeir eigi að þekkja.