Læknablaðið - 15.06.2003, Síða 63

UMRÆÐA & FRÉTTIR / SÉRLYFJASKRÁ
Lyfjastofnun
Sérlyfjaskrá gefin út á bók og á netinu
Sérlyfjaskráin er gamall kunningi lækna sem situr
víða á borðshornum og er flett upp í oft á dag. Nú
sakna margir vinar í raun því skráin hefur ekki kom-
ið út síðan 2001. Þá er hægt að hugga með því að
skráin er væntanleg úr prentun í þessum mánuði og
það sem meira er: um svipað leyti verður opnaður
nýhannaður og aðgengilegur vefur á heimasíðu
Lyfjastofnunar www.lyfjastofnun.is þar sem hægt
verður að nálgast alla sérlyfjatexta og raunar mun
ítarlegri upplýsingar um öll lyf sem eru á íslenskum
markaði.
Þau Guðrún Edda Guðmundsdóttir ritstjóri Sér-
lyfjaskrár og Pétur S. Gunnarsson deildarstjóri upp-
lýsingadeildar Lyfjastofnunar greindu blaðamanni
Læknablaðsins frá því að þau væru nú að leggja loka-
hönd á endurskipulagningu þessarar nauðsynlegu út-
gáfu. Þegar því verki verður lokið mun útgáfan
byggjast á svonefndum SPC-textum (Summary of
Product Characteristics) sem eiga að fylgja öllum
lyfjum. Textarnir hafa hlotið samþykki Lyfjastofnun-
ar og oft einnig annarra lyfjastofnana í Evrópu.
Þessir SPC-textar eru mjög ítarlegir og hafa verið
að lengjast talsvert á síðustu árum. Þess eru dæmi að
texti með einu lyfi fylli 20 síður í bók. Þeir verða
geymdir í heild sinni á heimasíðu Lyfjastofnunar á
íslensku en úr þeim verða síðan teknir viðeigandi
kaflar og birtir í bókarformi Sérlyfjaskrár. Reglu-
gerðir kveða á um að ákveðnir óstyttir hlutar SPC-
texta eigi að fylgja öllum auglýsingum en auk þess er
SPC-textinn notaður sem grunnur fyrir upplýsingar
til neytenda í fylgiseðlum fyrir lyf sem eiga að vera í
öllum lyfjapakkningum. Með þessu móti verður öll
birting og notkun textanna samræmdari og þægilegri
í vinnslu, en hingað til hefur Lyfjastofnun unnið sér-
stakan texta fyrir Sérlyfjaskrána. Slíkt býður heim
hættu á ósamræmi en mikil áhersla er lögð á það á
vettvangi Evrópusambandsins að samræma þessa
upplýsingagjöf og við tökum þátt í því verki vegna
aðildar okkar að Evrópska efnahagssvæðinu.
Sérlyfjaskrá 2002-2003 sem kemur út á næstu dög-
um verður því um margt frábrugðin þeirri eldri. Hún
verður í minna broti og upplýsingarnar verða tak-
markaðri. Það sem upp á vantar verður hins vegar að
finna á heimasíðu Lyfjastofnunar. Þess má geta að
framvegis verður verð lyfjanna eins og það var í árs-
byrjun birt með lyfjatextanum.
Grunntextarnir eru að sjálfsögðu í sífelldri endur-
skoðun og taka örum breytingum við það að ný lyf
koma til sögunnar, eldri lyf hverfa af markaði og var-
úðarreglur eða annað breytist í ljósi nýrra rann-
sókna. Á heimasíðunni geta læknar og aðrir sem á
þurfa að halda skráð sig á póstlista og fengið tölvu-
póst mánaðarlega þar sem greint er frá nýjum sér-
lyfjatextum, hvað hefur breyst og hvaða lyf eiga að
hverfa af markaði.
Guðrún Edda og Pétur sögðu að stofnunin von-
aðist til að með þessum hætti væri hægt að koma
þessum upplýsingum hratt og vel til notenda. Enn er
þó talin ástæða til að gefa Sérlyfjaskrána út á bók því
læknar og aðrir notendur hennar væru mislangt
komnir í tölvutækninni. Oft hagaði líka þannig til á
deildum sjúkrahúsa eða heilsugæslustöðvum að þar
væru fáar tölvur til almennrar notkunar og ef þær
væru uppteknar væri gott að grípa til bókarinnar.
Guðrún Edda Guðmunds-
dóttir ritstjóri Sérlyfjaskrár
og Pétur S. Gunnarsson
deildarstjóri upplýsinga-
deildar Lyfjastofnunar.
Forsíða heimasíðu Lyfjaslofmmar. Hún mun ekki breytast
en aðgangur að sérlyfjatextum verður allur annar og betri ÞrÖStur
eftir að nýju síðurnar koma ígagnið sent verður fijótlega. Haraldsson
Læknablaðið 2003/89 535