Læknablaðið - 15.06.2004, Side 61

UMRÆÐA & FRÉTTIR / FRÁ HEILBRIGÐIS- OG TRYGGINGARÁÐUNEYTINU / ÞING
e) Þörf á langvinnri notkun bólgueyðandi gigtar-
lyfja í hæstu skömmtum sem mælt er með.
2. Almennt er ástæða til að forðast bólgueyðandi lyf
hjá fólki sem tekur stera eða blóðþynningarlyf.
Ef notkun bólgueyðandi lyfs er nauðsynleg ætti
einungis að nota eitt bólgueyðandi lyf á hverjum
tíma og í lægsta skammti sem nægir til virkni.
3. Fólk með slitgigt eða liðagigt sem býr við mikla
áhættu á alvarlegum aukaverkunum frá melt-
ingarvegi ætti að nota lyf er geta dregið úr slíkum
aukaverkunum, svo sem misoprostol, prótón
pumpuhamla, H2 viðtakahamla, eða sýklóoxy-
genasa 2 hamla.
4. Óvissar vísbendingar eru um aukna tíðni ein-
kenna hjá fólki með hjarta- og æðasjúkdóma sem
tekur sýklóoxygenasa 2 hemla. Astæða er til var-
kárni hjá slíkum einstaklingum.
Byggt er á leiðbeiningum frá National Institute
for Clinical Excellence (NICE), 2001 en ítreka verð-
ur að hér er um drög að ræða sem tekin verður end-
anleg afstaða til á næstu vikum.
Samráð - heildarendurskoðun
Eins og kom fram hér framar er framundan vinna
við stefnumörkun og heildarendurskoðun lyfjalaga
og nýútkomin skýrsla Ríkisendurskoðunar verður
lögð til grundvallar. Markmið endurskoðunarinnar
er meðal annars að stuðla að ábyrgari notkun lyfja
á faglegum forsendum og um leið að ná fram verð-
lækkun á lyfjum og draga úr útgjöldum almennings
og hins opinbera vegna lyfja.
Á undanförum vikum hafa ýmsir tekið þátt í
þjóðfélagsumræðunni um lyfjamál, þar á meðal hags-
munafélög sjúklinga og fagfélög lækna. Margir hafa
lýst sig reiðubúna til að eiga samstarf og viðræður við
yfirvöld og leita leiða til að sporna við síhækkandi
lyfjareikningi landsmanna. Á komandi mánuðum
munu fulltrúar heilbrigðis- og tryggingamálaráðu-
neytisins leggja sig fram um að eiga samstarf við þá
aðila. Ráðuneytið væntir góðs af þessu samstarfi og
vonast til að með skynsamlegri lyíjanotkun og hóf-
legu lyfjaverði verði áfram unnt að tryggja aðgang
að þeirri góðu heilbrigðisþjónustu sem Iandsmenn
búa við.
Norrænt þing um hagnýtan lækningahúmor
Þau eru ekki mörg norrænu samtökin þar sem
íslendingar eru með næstflesta þátttakendur. Þannig
er það þó í Nordisk selskap for medisinsk humor
(NSMH) en íslenska deildin, Hið íslenska félag um
lœkningahúmor (HIFL), er næstfjölmennasta deildin
á eftir Norðmönnum. Danir eru heldur fámennari en
íslendingar, Svíar eru mun færri og enginn Finni er
í samtökunum. Þetta er greinilega verðugt verkefni
fyrir þjóðarsálfræðinga að skoða og skilgreina.
Því er á þetta minnst hér að dagana 9.-13. júní
ætla þessi samtök að halda þriðja norræna þingið um
lækningahúmor hér á landi, nánar tiltekið í Hringsal
Barnaspítala Hringsins. Yfirskrift þingsins er Praktisk
bruk av medisinsk humor sem útleggja mætti Hagnýti
lcekningahúmors á íslensku og verða fluttir margir
fyrirlestrar um efnið. Meðal fyrirlesara eru forystu-
menn samtakanna á Norðurlöndum, Mats Falk,
Stein Tyrdal og fleiri, og tveir heimsþekktir menn á
sviði húmor- og hláturlækninga, Indverjinn Madan
Kataria og prófessor Rod Martin frá Kanada.
Doktor Madan Kataria er stofnandi hreyfingar
sem nefnd er Hláturklúbbarnir en sjálfur hefur hann
verið kallaður Guru of Giggling. Hann er heimilis-
læknir að mennt og hefur þróað sérstaka hláturtækni
sem byggð er á grunnþáttum jógaspekinnar. Nú eru
starfandi yfir 2500 hláturklúbbar víða um heim, þeir
eru til á öllum Norðurlöndunum nema hér á landi.
Dr. Kataria er þekktur fyrirlesari og veitir mörgum
stórfyrirtækjum ráðgjöf á sviði heilsueflingar og
streitumeðferðar.
Doktor Rod Martin er klínískur sálfræðingur og
kennir við háskóla í Ontario í Kanada. Hann hefur
samið tugi fræðigreina og bókarkafla um sálfræði
húmors, einkum hlutverk hans í streitumeðferð og
tengsl húmors og hláturs við andlega vellíðan og góða
heilsu. Undanfarin ár hefur hann rannsakað muninn
á neikvæðum og jákvæðum húmor og á þinginu mun
hann fjalla um leiðir til að greina þar á milli.
Auk þess munu íslenskir íyrirlesarar koma við sögu,
þeirra á meðal Sigurður Guðmundsson landlæknir,
Óttar Guðmundsson geðlæknir, Pétur Lúðvígsson
barnalæknir, Hildur Helgadóttir hjúkrunarforstjóri
og Bragi Skúlason sjúkrahúsprestur.
Bjarni Jónasson er formaður Hins íslenska félags
um lækningahúmor en á því hvílir ábyrgðin á þing-
haldinu. „Þetta er í þriðja sinn sem NSMH heldur
norrænt þing og þau fyrri hafa verið mjög skemmti-
leg. Þingið er opið öllum, ekki bara læknum, enda
er það stefna okkar að útvíkka lækningahúmorinn
þannig að hann snúist ekki einvörðungu um lækna.
Hann snýst fyrst og fremst um jákvæð lífsviðhorf og
að nota húmor til að auka starfsánægjuna, bæta sam-
skiptin við sjúklinga og samstarfsfólk og hamla gegn
streitu. Þetta er ekkert „djók“ heldur tökum við á
húmornum af mikilli alvöru,“ segir Bjarni.
Merki Norrœnna samtaka
um lœkningahúmor.
Læknablaðið 2004/90 517