Læknablaðið - 15.06.2006, Side 31

^urðuverk”, segir Halli íAndra
því hve illa gengur að ná blóðfitunni niður og ég segist
varla geta átt langt eftir svona staddur. Hann spyr mig
hvort ég hafi prófað þetta nýja blóðfitulyf, Crestor.
Nú, ég hringi í doktorinn og hann lætur mig hafa Crestor.
Eg byrja á 40 milligrömmum og blóðfitan byrjar bara
strax að lækka. Næst fer ég í 20 millgrömm og fitan
lækkar og lækkar og í síðustu blóðprufu, sem var tekin
fyrir um þremur mánuðum, er ég kominn enn meira niður.
Það er víst þvert á venjur að lækka svona milligrömmin
en doktorinn segir að ég sé wonderkeis. Eg er kominn
niður í 10 milligrömm núna og ég bíð spenntur eftir að
sjá resúltatið út úr því. Best er þó að ég hef alveg sloppið
við þetta indælis kál... ég hefði nú seint torgað því magni
af káli sem hefði samsvarað þessum árangri, segir Halli
°g hristist af hlátri.
Pabbi dó úr kransæðastíflu 53 ára og það er nú t.d. einn
nteð mér í sundlaugunum sem var skorinn rétt um fertugt,
Pabbi hans dó fjörtíu og tveggja ára, þannig að það er
náttúrulega bara genetíkin sem ræður. Ætli það sé ekki
einn mesti óvinur mannsins að vita ekki að eitthvað sé
að honum og það er mikil ástandsbreyting að vita þó alla
vega að það er nokkurn veginn í lagi með mann.
Rappari eða ráðherra
Það er varla hægt að lýsa því hvað hestamennska gefur,
segir Halli. Það er sko þessi værð og ró þegar maður er
kannski bara að fetríða og ekkert að gera nema láta tímann
líða. Ég veit ekki hvort maður er yfir höfuð nokkuð að
hugsa. Svo eru það náttúrulega ferðalögin. Ég ríð mikið út
með fólki fyrir norðan og það er þessi umpólun, allt annað
fólk, allt annað umhverfi. Þá er maður svo gjörsamlega
lokaður frá öllu og laus úr símasambandi. Það er allt
svo afslappað í hestamennskunni, ekkert kynslóðabil,
engin stéttaskipting. Þú ert kannski í ferð með ráðherra
eða forstjóra á aðra hönd og rappra eða ýtumann á hina.
Allir eru bara að njóta útivistar og samveru því hestar eru
hópdýr og við mennirnir líka.
30 fi CRESTOR
Sérlyfjatexti á bls.504