Læknablaðið - 15.06.2006, Qupperneq 60

UMRÆÐA & FRÉTTIR / FUNDAHÖLD
Fundur norrænu læknablaðanna
Hávar
Sigurjónsson
Ritstjórnir norrænu læknablaðanna hittust
á sameiginlegum fundi dagana 17.-19. maí.
Fundurinn fór fram í þægilegu umhverfi á
Högberga Gárd sem er ráðstefnuhótel á eyjunni
Lidingö rétt utan við Stokkhólm.
Ritstjórar blaðanna fimm höfðu gert grein fyrir
því helsta sem einkennt hafði starfsemi hvers blaðs
frá síðasta fundi fyrir tveimur árum og var fljótt
ljóst að áherslur eru ólíkar eftir löndum og aðstæð-
um. Stjórn norska læknablaðsins tók þá ákvörðun
fyrir hálfu öðru ári að fella niður alla umfjöllun og
viðtöl og birta eingöngu vísinda- og fræðigreinar.
Sænska og danska læknablaðið hafa hinsvegar
farið allt aðra leið og ritstjórar þeirra beggja koma
úr stétt blaðamanna og þar er lögð mikil áhersla
á umfjöllun, viðtöl og blaðamannagreinar auk
hins fræðilega hluta sem skipar enn stóran sess.
Danska og sænska blaðið koma út vikulega en
hið norska hálfsmánaðarlega. Segja má að finnska
blaðið fari bil beggja og svipi í þeim efnum helst til
okkar íslenska læknablaðs sem þó skipar sérstöðu
sem mánaðarblað og getur því ekki keppt við aðra
fjölmiðla á sviði frétta. Þar leggja Danirnir og
Svíarnir mikla áherslu og horfa stíft til helsta sam-
keppnisaðilans sem er vikublaðið Dagens medicin
sem gefið er út í öllum fjórum löndunum.
Breski ritstjórinn og læknirinn Kumran Abbasi
hélt fróðlegan fyrirlestur undir yfirskriftinni Opinn
aðgangur á netinu og hvatti eindregið til þess að
allar vísindagreinar sem birtar væru í læknablöð-
unum væru samstundis aðgengilegar á netinu án
nokkurra takmarkana fyrir notendur. íslenska rit-
stjórnin gat tekið heilshugar undir þetta enda allt
efni Læknablaðsins sett á heimasíðuna jafnskjótt
og blaðið er komið út. I hinum stóra enskumæl-
andi heimi er þessu á annan veg farið og mikil átök
um hvort þetta skuli gera eður ei.
Abbasi á að baki glæsilegan feril sem einn af rit-
stjórum BMJ og er núverandi ritstjóri The Journal
of the Royal Society of Medicin http://www.jrsm.
org/ og hefur þegar vakið mikla athygli fyrir skörp
og hressileg efnistök þrátt fyrir stuttan tíma í rit-
stjórastólnum.
Hann hamraði á mikilvægi þess að skiptast á
upplýsingum og vitnaði í breska leikskáldið Georg
Bernard Shaw. „Ef ég á eitt epli og þú átt eitt epli
og við skiptumst á eplum þá eigum við eftir sem
áður eitt epli hvor. En ef ég á eina hugmynd og þú
átt eina hugmynd og við skiptumst á hugmyndum
þá eigum við tvær hugmyndir hvor.“
Hann lauk máli sínu með því að segja að þau
læknablöð sem tækju ekki tillit til breytinga sem
væru í farvatninu í heimi fjölmiðlunar myndu
deyja drottni sínum fyrr en seinna.
488 Læknablaðið 2006/92