Læknablaðið - 15.01.2009, Síða 46

U M R Æ Ð U R
LANDSPÍTA
O G F R É T T I
L I N N
R
Kröftugir kandídatar á Landspítala
Engilbert
Sigurðsson
sviðsstjóri á skrifstofu
kennslu, vísinda og þróunar
engilbs@landspitali.is
Sigrún
ingimarsdóttir
verkefnastjóri á skrifstofu
kennslu, vísinda og þróunar
signjni@iandspitaii.is
Inga Sigurrós Þráinsdóttir
hjartalæknir, Ingvar
Hákon Ólafsson heila- og
taugaskurðlæknir og
Tryggvi Egilsson öldrunar-
læknir taka við verðlaun-
unum úr hendi Engilberts
Sigurðssonar sviðsstjóra
SKVÞ.
Ljósmyndari: Inger Helene
Bóasson.
Vaskur hópur læknakandídata starfar nú á
Landspítala. Hópurinn hefur staðið fyrir ýmsum
viðburðum og verið liðtækur í umbótastarfi. Hafa
þau látið til sín taka, innan sem utan spítalans, og
frumkvæði þeirra vakið verðskuldaða athygli.
I haust stóðu þau fyrir upplýsingafundi með
4. árs læknanemum og þau hafa jafnframt unnið
að því að taka saman leiðbeiningar um starf
kandídata á deildum. Þar verður meðal annars að
finna gagnlegar upplýsingar um aðstöðu starfs-
fólks, efni sem tengist klínísku starfi og annað
sem læknanemar og kandídatar þurfa á að halda.
Jafnframt er hópurinn vakandi fyrir umbótum
á fræðsluefni og upplýsingum sem Skrifstofa
kennslu vísinda og þróunar (SKVÞ) hefur tekið
saman fyrir kandídata.
í nóvemberhefti Læknablaðsins 2008 var
viðtal við Árdísi Ármannsdóttur um átakið
„Gleðispítalann" en þá mæltust kandídatar til
þess að starfsmenn spítalans mættu til starfa í
bleikum klæðnaði. Þennan dag mátti sjá bleikar
slaufur, borða, sloppa og boli um allan spítalann.
Eldri kollegar létu margir hverjir ekki sitt eftir
liggja og mættu í skyrtum eða með bindi í bleikum
lit. í desember bættu þau um betur, en þá stóð
Félag ungra lækna fyrir „rauðum dögum" sem
voru liður í verkefninu „Gleði og gjafmildi í des-
ember". Starfsfólk og nemendur Landspítala voru
með þessu hvattir til að gefa blóð og láta gott af sér
leiða í jólamánuðinum.
Fimmtudaginn 4. desember síðastliðinn bauð
skrifstofa kennslu, vísinda og þróunar (SKVÞ)
hópnum í heitt súkkulaði og þjóðlegar jólaveit-
ingar. Veitt voru verðlaun fyrir klíníska kennslu
kandídata, að fengnum tilnefningum frá þeim.
Verðlaunin hlutu Inga Sigurrós Þráinsdóttir
hjartalæknir, Ingvar Hákon Ólafsson heila- og
taugaskurðlæknir og Tryggvi Egilsson öldrunar-
læknir.
Páll Matthíasson geðlæknir var fenginn til að
halda fyrirlestur um hamingjuna og voru kandí-
datar spurulir um efnið. Við sama tækifæri var
tekin mynd af hópnum.
Á Landspítala starfa nú árlega 50-60 kandídat-
ar. SKVÞ hefur unnið að umbótum á kandídats-
árinu á undanförnum árum sem hefur skilað sér
í vaxandi ánægju þeirra með árið. Móttökudagar
hafa verið haldnir tvisvar á ári þar sem farið er yfir
atriði eins og fagmennsku, sýkingavamir, lyfja-
fyrirmæli og endurlífgunarferli og námskeið
haldin í notkun forritanna Sögu og Therapy.
Kandídatar eru boðaðir í viðtal tvisvar á starfs-
tímanum, um frammistöðu, ánægju og framtíð-
aráform. Óskað er eftir ábendingum frá kandídöt-
unum um það sem vel er gert og hvað betur
megi fara. Upplýsingarnar eiga að bæta þjálfun á
46 LÆKNAblaöið 2009/95