Læknablaðið - 15.09.2011, Side 44

FRÁ SIÐANEFND LÍ
Frá siöanefnd LÍ
Árið 2011, fimmtudaginn 9. júní, kom Siðanefnd Læknafélags
íslands saman að Hlíðasmára 8 í Kópavogi. Nefndina skipa
Allan V. Magnússon, formaður, Hulda Hjartardóttir læknir og
Stefán B. Matthíasson læknir.
Fyrir var tekið erindi Skúla Bjarnasonar læknis vegna
ummæla Magnúsar Kolbeinssonar læknis og kveðinn upp
svohljóðandi:
ÚRSKURÐUR
Hinn 21. febrúar sl. barst Siðanefnd Læknafélags Islands
svofellt bréf frá Skúla Bjamasyni sérfræðilækni á bráðadeild
LSH Fossvogi:
Þann 31.01.2011 leitaði til Slysadeildar ungur prúður maður (A) (sjá
meðfylgjandi læknabréf, sem eru send ykkur með samþykki sjúklings).
Eins og fram kemur í læknabréfi frá 31.01 var honum bent á að leita
læknis í Neskaupsstað til eftirlits eftir 10 daga sem hann gerði.
Á Neskaupsstað var honum sem fyrr, tjáð að hann væri ekki brotinn
og hann spurður hver hefði sinnt honum á slysadeild og sagði hann
lækninum, Magnúsi Kolbeinssyni það og samkvæmt sjúklingi voru
viðbrögð Magnúsar þau að hann sagði. Skúli er enginn bæklunarlæknir,
hann er fyllibytta úr Borgamesi. Ekki fékk sjúklingur úrlausn sinna
mála, þ.e.a.s. eftirfylgni sem til var ætlast.
Sjúklingur leitaði síðan til slysadeildar 14.02.2011 og sá þá ástæðu
til að segja mér frá þeim orðum sem Magnús Kolbeinsson viðhafði um
undirritaðan.
Ég hringdi því á Magnús vegna þessara orða hans. Hann sagði að
um misskilning væri að ræða hjá sjúklingi. Ég spurði hann þá hvort
misskilningurinn fælist í orðinu fyllibytta eða Borgamesi. Heldur var
lítið um svör af viti þannig að ég tjáði honum að þetta mál færi til
siðanefndar og lagði símtólið á.
Sendi ykkur þetta til þeirrar meðferðar sem siðanefnd telur við hæfi.
Meðfylgjandi sjúkraskrá Bráðadeildar (send með samþyki sjúklings.)
Magnúsi Kolbeinssyni var send kæra Skúla ásamt fylgi-
gögnum og sendi hann nefndinni svohljóðandi bréf, dagsett
8. apríl sl:
Varðandi kvörtun Skúla Bjarnasonar á hendur Magnúsi
Kolbeinssyni.
A datt á olnbogann 23-01-2011 á Neskaupsstað.
Leitaði til vakthafandi læknis (ekki MK) sem sagði honum að skv
rtg mynd og skoðun væri ekki um brot að ræða.
Þessi greining var studd viðtali við bæklunarlækni á FSA og
staðfestan úrlestur rtg myndar-rannsóknar lesna af (B) sérfr. í
myndgreiningu og mati vakthafandi læknis á FSN.
Sjúklingur virðist hafa verið óánægður með þessa þjónustu og fer
alla leið til LSH Fossvogi-bráðamóttöku til að fá second opinion.
Þar er greining (C) að fyrir liggi nánast ódislocerað brot í processus
coronoideus ulna sin.
Sett gifsspelka og ráðið að fara í kontrol á FSN 12 02 2011.
12-02 er ég með vaktina á FSN og tek á móti honum.
Bendi honum á þau gögn sem fyrir mér lágu (vide supra) og
ræddi þetta lengi við sj
Benti honum á að consensus sé á milli bæklunarskurðlækis frá
FSA, mér, vakthafandi læknis í fyrstu komu (minnir að það hafi verið
(D) og (B) (frábærum sérfræðingi í myndgreiningu) að ekki sæist brot.
Hann benti á að (C) og Skúli hefðu greint brot, en sama-sem
odislocerað.
Hvort heldur er rétt (sagt við sjúkling) þarft þú ekki spelku, nema
þér finnist hún minnka verkina.
Virtist enn mjög óánægður og þá sagði ég við hann að (B),
orthopedinn á FSA hefðu unnið í sérgreinum sínum (með námstíma)
í FULLA 2 áratugi, en Skúli hefði í FULLA 3 áratugi unnið í Borgamesi
sem heilsugæslulæknir, að hann væri ekki orthoped né rtg læknir og
því treysti ég betur orthoped frá FSA (símhringing) og staðfestum
úrlestri (C).
Aftur flýgur sjúklingur (1-2 dögum síðar) til að fá third opinion
á bráðamóttöku LSH.
Þá er spelkan fjarlægð og sjúklingur ánægður með það, enda var
rétt að gera það.
Um leið og sjúklingur var á leiðinni út á flugvöll til að komast
aftur til Neskaupsstaðar hringir Skúli Bjamason í mig og spyr mig
hvort ég hafi sagt að hann sé enginn bæklunarlæknir og hann sé
fyllibytta úr Borgamesi. Þá segir Skúli að lítið hafi verið um svör og
síðan skellt á mig símanum. Ég náði þó að segja Skúla að ég hafi
aldrei sagt að hann sé eða hafi verið fyllibytta.
Ég tjáði Skúla, að ég hafi sagt sj að Skúli væri ekki Orthoped. Ég
sagði, að Skúli hefði verið heilsugæslulæknir í Borgamesi í FULLA
3 áratugi á meðan þessir læknar hefðu verið í sínu námi og síðan
aktivu starfi í orthopediu annars vegar og myndgreiningu hins vegar.
Misskilningur er ekki í orðinu Borgames heldur heilsugæslulæknir
í FULLA 3 áratugi (sem virðist að sj. hafi misskilið-hugsanlega vegna
reiði sinnar), en ÉG HEF ALDREI SAGT AÐ SKÚLI SÉ NÉ HAFI
NOKKURN TÍMA VERIÐ FYLLIBYTTA.
Addendum,
Ræddi við lögfræðing í dag, sem taldi að skella á mig áður en
ég gat skýrt mál mitt mjög óprofessionelt af SB og gæti alveg varðað
upptöku hjá siðanefnd L.í.
Þá benti hann á, að ef siðanefndin ávítar mig fyrir augljósan
misskilning sjúklings (eða Skúla sjálfs) vilji hann fá leyfi mitt að
fjalla um þetta mál í fjölmiðlum og spyrða þar inn brotthvarf SB
frá Borgarnesi til Blönduóss og aftur þaðan (Blönduóss) til fölmenns
vinnustaðar í Reykjavík.
Ég tjáði honum, að ef hann vilji taka upp einhver mál, sem ég
þekki ekki til sé það ekki mitt að gefa leyfi fyrir slíku þá miklu frekar
LÍ eða SB sjálfur, hafi þessir aðilar einnig áhuga á að fjallað verði um
þessi mál (sem ég veit ekki hver eru) í fjölmiðlum.
Með bréfi Skúla Bjarnasonar dagsettu 19. apríl sl. barst
Siðanefnd eftirfarandi:
496 LÆKNAblaðiö 2011/97