Þjóðlíf - 01.05.1987, Síða 54

I N N L E N T
Skagabændur
í hafnargerð
SAMDRÁTTUR sá sem átt hefur sér stað í
landbúnaði að undanförnu hefur komið illa
við fámenn og afskipt sveitarfélög úti á
landi. Sem kunnugt er hefur verið gripið til
ýmissa ráðstafana til að mæta þessum vanda
og þá helst bryddað upp á nýjum búgrein-
um.
í Skefilsstaðahreppi á Skaga norður, hafa
bændur beitt sér að eflingu útgerðar, sem
þar stendur raunar á gömlum merg. Fram til
þessa hefur slæm aðkoma af sjó og aðstöðu-
leysi í landi sniðið sjávarútvegi á Skaga
þröngan stakk svo einungis hefur verið kom-
ið við litlum bátum. Til að bæta úr þessu
hafa ellefu einstaklingar á átta bæjum í
hreppnum tekið sig saman um hafnargerð í
svokallaðri Selvík. Að sögn heimildarmanns
fréttaritara, Ásgríms Ásgrímssonar á Mal-
landi, eru hafnarskilyrði þar nokkuð góð frá
náttúrunnar hendi en batna til muna með
tilkomu 75 metra langs grjótgarðs sem verið
er að ljúka við um þessar mundir. Hér er um
töluvert mannvirki að ræða en alls munu
fara um átta þúsund rúmmetrar af efni í
sjálfan garðinn auk þess sem leggja þurfti
hálfs kílómeters langan veg niður að víkinni
og gera athafnasvæði í landi sem er um 15
hundruð fermetrar.
Það er Bragi Þór Haraldsson, bygging-
artæknifræðingur á Sauðárkróki, sem
teiknaði mannvirkin en Króksverk sér um
framkvæmdina. Kostnaðaráætlun nemur
tveimur og hálfri milljón króna.
■ Ingi Vilhelm Jónasson/Sau&árkróki
HAFÐU
ÖRYGGIÐ
í FYRIRRÚMI
Ertu aö selja íbúöarhúsnæöi?
Gakktu þá úr skugga um aö
kaupandinn hafi skriflegt
lánsloforö Húsnæöisstofnunar í
höndum áður en þú gengur frá
sölusamningnum.
Þaö er vissara.
£% Húsnæðisstofnun
ríkisins
Stór áform í fiskeldi á Suðurlandi
Orkustofnun veitir 8,8 milljónum í undirbúningsrannsóknir
FISKELDI ER ört vaxandi atvinnugrein á
Suðurlandi og þar eru fjölmargar fiskeldis-
stöðvar annað hvort komnar í notkun eða á
byggingarstigi. Víða í landshlutanum eru
hagstæð skilyrði til fiskeldis og hafa einstök
sveitarfélög látið kanna fyrir sig hvar þau
eru ákjósanlegust. Loks áætlar Orkustofnun
að veita 8,8 milljónum króna til undirbún-
ingsrannsókna fyrir fiskeldi í kjördæminu.
Segja má að í Ölfusinu séu flestar fisk-
eldisstöðvarnar staðsettar og eru þær þegar
orðnar talsverður þáttur í atvinnulífi íbúa
þar. í uppsveitum Árnessýslu er einnig kom-
in mikil hreyfing á hlutina og til dæmis er nú
að rísa í Grímsnesinu ein stærsta seyðaeldis-
stöð landsins á vegum fyrirtækisins Fjalla-
lax. Hér er um tugmilljóna króna fram-
kvæmd að ræða og eiga íslenskir aðilar 51
prósent í fyrirtækinu en Norðmenn 49
prósent.
f Biskupstungum lét sveitarfélagið kanna
fyrir sig þá möguleika sem þar eru til staðar í
fiskeldi og leiddi könnunin m.a. í ljós að það
getur ef til vill veitt tug manns atvinnu í
framtíðinni. Málin eru þó enn á umræðustigi
en þegar eru hafnar eldistilraunir að ein-
hverju marki og hafa þær tekist vel til þessa.
Þá má einnig geta þess að í grunnskólanum á
Kirkjubæjarklaustri fer fram skipuleg
kennsla í fiskeldi og er það kannski vísbend-
ing um að t.d. Fjölbrautarskóli Suðurlands á
Selfossi taki upp kennslu í greininni.
Eins og fyrr segir hyggst Orkustofnun
veita 8.8 milljónum króna til fiskeldis-
rannsókna á Suðurlandi í ár. Þetta framlag
er þó háð því að hagsmunaaðilar heima í
héraði leggi fram sinn skerf sem yrði þá m.a.
í formi ýmiskonar fyrirgreiðslu. Markmið
verkefnisins er að vinna og taka saman á
einn stað öll helstu gögn um jarðhita og
ferskvatn á einstökum landsvæðum þannig
að áhugasamir aðilar geti betur áttað sig á
því hvar náttúruleg skilyrði til fiskeldis eru
best. Þau svæði á Suðurlandi sem kanna á
eru Vestur Skaftafellssýsla, uppsveitir Ár-
nes- og Rangárvallasýslu, Ströndin 1
Flóanum og Ölfus og Grafningur. Niður-
stöðurnar verða aðallega birtar á formi
korta og taflna og er gert ráð fyrir að þsr
liggi fyrir um næstu áramót.
Eins og margoft hefur komið fram bæði i
ræðu og riti býður fiskeldi uppá mikla mögu-
leika en kapp er þó best með forsjá og sölu-
og markaðsmál verður líka að taka með i
reikninginn.
■ Sveinn Helgason/Selfossi
54