Þjóðlíf - 01.09.1988, Blaðsíða 20

INNLENT
Barist til síöasta manns: Jóhann teflir við tékkneska stórmeistarann Ftacnik á Olymp-
íumóti fyrir fjórum árum. Helgi Ólafsson, sem hefur nýlokið við að sigra Hort, fylgist
með.
helsta styrk Jóhanns sem skákmanns, þ.e.
mikið baráttuþrek og hæfni til að „bíta á
jaxlinn“ og bjarga sér úr erfiðleikum. Þó má
gæla við þá hugsun að hann eigi erfitt með að
einbeita sér að verkefni þar sem reiknað er
með auðveldum sigri hans. Hvort Karpov er
eins viss sjálfur má draga í efa, a.m.k. tók
hann ekki í mál að tefla einvígið á heimavelli
Jóhanns, bar fyrir sig þau rök að í janúar væri
of kalt hér á Fróni fyrir sig. Má þó telja víst
að hann hafi vitað betur, enda vitna veður-
skýrslur um að þá er töluvert hlýrra hér en á
heimaslóðum Karpovs sjálfs!
Jóhann óhræddur
Hvernig skyldi Jóhann kunna við þessa að-
stöðu — að undirbúa sig fyrir einvígi sem
flestir telja fyrirfram tapað? Honum er vita-
skuld kunnugt um spádóma fræðinganna og
finnst þeir eðlilegir. „Ég er í rauninni í frekar
þægilegri aðstöðu. Karpov verður að vinna
svo hann teflir undir meiri pressu en ég,“
segir Jóhann þegar þetta er borið undir
hann. Hann sér einnig ýmsa ávinninga af
þátttöku sinni í áskorendamótinu, jafnvel
þótt hann kunni að tapa fyrir Karpov. Sjálfur
öðlast hann mikilvæga reynslu og í því efni
vegur einvígi við margefldan fyrrum heims-
meistara að sjálfsögðu þungt. Vinni hann sér
sæti í áskorendakeppni að nýju mun þessi
reynsla verða honum ómetanleg.
Enginn vafi er á að Jóhann hefur með
árangri sínum aukið stórlega veg íslenskrar
skákhreyfingar og sýnt með fordæmi sínu
hvers við erum megnug. Hann hefur að vissu
leyti rutt brautina fyrir aðra stórmeistara
okkar sem munu setja stefnuna á áskorenda-
keppnina þegar ný umferð hefst í keppninni
um heimsmeistaratitilinn snemma á næsta
ári.
Skákstríð við Eyjahaf
Fram að einvíginu í Seattle bíða Jóhanns og
íslenskrar skákhreyfingar tvö stórverkefni.
Næsta ólympíuskákmót fer fram í borginni
Þessaloníku í Makedóníu í nóvember og þá
verður mikils vænst af sveitinni sem varð í
fimmta sæti í Dubai fyrir tveimur árum. A
Olympíumótum gefst okkur tækifæri til að
bera okkur saman við aðrar þjóðir stórar
sem smáar. Þetta mót skipar sérstakan heið-
urssess í íslensku skáklífi, enda er almenn-
ingur hér heima jafnan vel með á nótunum
þegar „litla—Island“ spjarar sig vel í slíkum
samanburði. Sveitin verður væntanlega í átt-
unda sæti í styrkleikaröð þátttökuþjóða og
gæti ef vel byrjar barist um veðlaunasæti.
Jóhann Hjartarson mun að sjálfsögðu tefla á
fyrsta borði og „fjórmenningaklíkan" skipa
aðalliðið. Það verður því harðsnúin og ekki
síður þrautreynd sveit sem þar teflir undir
merki íslands.
Stjörnustríð í Reykjavík
í næsta mánuði hefst í Reykjavík þriðja
heimsbikarmótið í skák. Hin tvö fyrri hafa
farið fram í Brussel og frönsku borginni Bel-
fort fyrr á árinu. Mót þessi voru sett á lagg-
irnar af nýstofnuðu sambandi stórmeistara
þar sem Kasparov er forseti en belgískur
fjármálamaður, Bessel Kok, framkvæmda-
stjóri. Þátttökurétt í mótunum, sem verða
sex talsins, eiga 25 sterkustu skákmeistarar
heims. Verðlaun eru geysihá og miklar kröf-
ur gerðar um aðbúnað allan og framkvæmd,
enda aðalmarkmið stórmeistarasamban-
dsins að auka veg skáktaflsins sem„ hágæða-
sports“. Þeir Jóhann Hjartarson og Margeir
Pétursson rnunu kljást við sextán erlenda
„ofurstórmeistara" í þessu móti og fer þar
fremstur heimsmeistarinn Garrí Kasparov.
Karpov verður hins vegar fjarri góðu gamni
eins og Bjarni Fel. mundi segja.
Þegar áætlun um heimsbikarkeppnina var
hleypt af stokkunum fékk bandaríski stór-
meistarinn Kavalek það hlutverk að finna
aðila sem vildu standa fyrir þessum „ofur-
mótum“ og gátu kostað því til sem þurfti, en
mót af þessu tagi kostar vart undir 30 millj-
ónum. Þar sem honum er vel kunnugt um
skákáhugann hér á landi, spurði hann Frið-
rik Ólafsson um möguleika á að halda slíkt
mót hér. Friðrik vissi um brennandi skák-
áhuga Páls Magnússonar fréttastjóra Stöðv-
ar 2 og færði málið í tal við hann. Éftir nokkr-
ar bollaleggingar þar á bæ var ákveðið að slá
til og gengið til samninga við stórmeistara-
sambandið í byrjun þessa árs. Sú staðreynd
að mót þetta fer fram hér á íslandi er því
engin tilviljun, heldur afleiðing af sterkri
stöðu okkar í skákheiminum og um leið
stöðu skákarinnar í okkar litla landi. Mótið
verður í 144. styrkleikaflokki og án tvímæla
sögulegastur skákviðburður á íslenskri
grund síðan Fischer og Spassky elduðu hér
grátt silfur saman fyrir sextán árum.
Fréttaflutningur af mótinu verður meiri og
beinni en áður hefur þekkst og það er e.t.v.
tímanna tákn að sjónvarpsstöð sem miðlar
afþreyingu til fjöldans skuli nú standa fyrir
skákmóti. í tíð Kasparovs hefur andrúms-
loftið breyst á hinu alþjóðlega skákheimili.
Hann brosir framan í fréttaljósin og baðar sig
ófeiminn í skini frægðarinnar. Heimur skák-
arinnar og diskótekanna hafa færst nær hvor
öðrum. Hvort sem það verður Kasparov,
Jóhann Hjartarson eða einhver annar sem
stelur senunni í Borgarleikhúsinu á næstu
vikum er víst að íslenskir skákunnendur eiga
veislu í vændum á komandi vetri.
Áskeil Örn Kárason.
Keppendur á heimsbikarmóti Stöðvar 2, í röð skv. Elo-stigum:
Garrí Kasparov (Sovétr.) 2760
Alexander Beljavskí (Sovétr.) 2655
Jonathan Speelman (England) 2645
Jan Timman (Holland) 2640
Lajos Portich (Ungverjal.) 2635
Zoltan Ribli (Ungverjal.) 2630
Ulf Andersson (Svíþjóð) 2625
John Nunn (England) 2625
Jóhann Hjartarson 2620
Artúr Júsúpov (Sovétr.) 2615
Predrag Nikolic (Júgósl.) 2610
Mikhaíl Tal (Sovétr.) 2610
Gyula Sax (Ungverjai.) 2600
Andrei Sókolov (Sovétr.) 2600
Viktor Kortsnoj (Sviss) 2595
Jaan Ehivest (Sovétr.) 2580
Boris Spassky (Frakkland) 2560
Margeir Pétursson 2530
20