Þjóðlíf - 01.09.1988, Blaðsíða 73

UPPELDISMÁL
Börnin útbjuggu hafið og svamla þar undir yfirborðinu — í þykjustunni.
Gerðuberg
Iðar af lífi og fjöri
Námskeið í sumar í listrænni
sköpun. Margvísleg starfsemi í
vetur.
Menningarmiðstöðin Gerðuberg í Breiðholti
var opnuð fyrir fimm árum og þar fer fram
mjög víðtæk félags- og menningarstarfsemi.
í sumar var m.a. námskeið fyrir krakka
„gagn og gaman í Gerðubergi“ í margs konar
listrænni sköpun og á vetrardagskránni
stendur margvísleg skemmtun og menning-
arstarfsemi fyrir dyrum í Gerðubergi.
Húsið er um 1400 fm að stærð og stendur í
hjarta Breiðholts. Þegar blaðamaður Þjóð-
lífs kom þangað í byrjun september voru
iðnaðarmenn að vinnu utan húss við að
leggja síðustu hönd á nýja álmu hússins, sem
tekin var í notkun nú í haust og þegar inn var
komið iðaði staðurinn bókstaflega af lífi. Þar
mátti sjá fólk á öllum aldri, allt frá ungum
börnum upp í ellilífeyrisþega og allir áttu sitt
erindi í Gerðuberg.
Að sögn forstöðumanns menningarmið-
stöðvarinnar, Elísabetar Þórisdóttur, koma
hátt á annað hundrað manns í húsið á dag að
meðaltali, enda er alltaf eitthvað um að vera
þar allan daginn, alla daga vikunnar.
Reykjavíkurborg sér um rekstur hússins og
sagði Elísabet að hlutverk Gerðubergs væri
að stuðla að menntun og listum í sem víðtæk-
ustu formi. I húsinu er glæsilegt útibú frá
Borgarbókasafni Reykjavíkur, sem þjónar