Frjáls verslun - 01.05.2012, Síða 62

62 FRJÁLS VERSLUN 5. TBL. 2012
nálgast verkefnin af
jákvæðni og heiðarleika
Sigríður Olgeirsdóttir, framkvæmdastjóri rekstrar­
og upplýsingatæknisviðs Íslandsbanka:
Sigríður Olgeirsdóttir segir að það sem stendur upp úr hjá Íslands­
banka á árinu sé samruni bankans og BYR. „Við lögðum af stað
með að taka það besta frá báðum. Samruninn hefur tekist mjög vel
bæði hvað varðar viðskiptavini og starfsfólk bankans sem og hinn
tæknilegi samruni sem var mjög flókin aðgerð.“
Hvað varðar ráð í stjórnun nefnir Sigríður mikilvægi þess að treysta fólki og nálg ast
verkefnin af jákvæðni og heiðar leika.
„Ég fékk besta ráðið varðandi stjórn­
un frá tengdaföður mínum heitn um
og hef ég það sem leiðarljós. Hann
sagði að besti mælikvarðinn á hvort
mér hefði tekist vel til sem fram ­
kvæmda stjóri væri þegar ég færi frá
og fyrirtækið myndi halda áfram að
blómstra. Þetta var djúpviturt ráð og
skýrir sig í raun sjálft. Þetta snýst um
traust, að dreifa ábyrgð og vera til
staðar.“
Hvað varðar stjórnarsetu ráðleggur
Sigríður fólki að taka ekki sæti nema
það hafi tíma til þess að sinna henni.
„Þetta er ábyrgðarhlutverk og það
skiptir miklu máli að stjórnir séu
öfl ugar. Stjórnir og stjórnarseta eru
mikil vægir þættir sem stundum hefur
verið litið á sem aukavinnu.“
Þegar Sigríður er spurð út í brýnustu
verkefnin við stjórn efnahagsmála
næstu mánuði segir hún: „Ég myndi
vilja sjá stjórnmálamenn taka ábyrgð
og fara að hugsa um hag þjóðarinnar
en ekki flokkspólitíkina, hætti að
tala allt niður og verði jákvæðari.
Síðan vil ég sjá stjórnmálamenn taka
aðildarviðræðurnar af alvöru og festu
og leggja allt sitt í þær hvenær svo sem
við förum í kosningar um að ildina.
Ég held að það sé bjartara fram­
undan en menn vilja vera láta. Mér
finnst neikvæðnin of mikil. Það eru
mörg jákvæð teikn á lofti og það þarf
að horfa meira á þau, byggja upp
þjóðar stolt og rífa sig upp úr nei­
kvæðn inni.“
Sigríður er í stjórn Barnaheilla.
Jónína s. lárusdóttir,
frkvstj. lögfræðisviðs Arion banka.
margrét sveinsdóttir,
frkvstj. eignastýringar sviðs
Arion banka.
Sigríður Olgeirsdóttir, framkvæmdastjóri rekstrar­
og upplýsingatæknisviðs Íslandsbanka.