Frjáls verslun - 01.01.2011, Blaðsíða 30
30 FRJÁLS VERSLUN 1.tbl.2011
Hvernig metur þú stöðu flokksins núna komi
til kosninga? Er hann tilbúinn?
„Ég met hana sterka. Það er enginn vafi
á að við erum að sækja í okkur veðrið og
málefnastaða okkar er sterk. Við erum
eini stjórnmálaflokkurinn sem hefur bætt
verulega við sig fylgi í könnunum frá kosn
ingum og mælumst með mest fylgi allra
flokka. Ég hef enga trú á öðru en að það
skili sér þótt venjan sé að flokkurinn mælist
yfirleitt með aðeins meira fylgi í könn unum
en kosningum. Flokkurinn er tilbúinn!“
Ertu sjálfur tilbúinn til að leiða nýja ríkisstjórn?
„Já, ég er það. Ég er á góðum aldri, með
fjölbreytta reynslu, hef bæði verið í stjórn
málum í meðbyr og andstreymi í efna hags
lífinu og verið í forystu flokksins þegar
hann hefur gengið í gegnum sitt erfið asta
tímabil sennilega frá stofnun. Það hefur
fært mér reynslu sem ég bý að til að leiða
nýja ríkisstjórn. Fólk vill eðli lega sjá árangur
og skynja af verkum manna að þeir séu
traustsins verðir. Ég er þess meðvitaður
að traust kemur ekki með því einu að vera
kosinn formaður á lands fundi.“
Sú skoðun heyrist oft að það sé til lítils að slíta
núverandi stjórn því ekki liggi fyrir hvað taki við
– og að Sjálfstæðisflokkurinn hafi hvorki áhuga né
getu til að taka við.
Það er hluti af herfræðinni gegn okkur að þessi ríkisstjórn sé sú eina sem geti
stýrt landinu og að aðrir kostir séu ekki í
stöðunni. Andstaðan við Sjálfstæðis flokk
inn sameinar stjórnar flokkana en ekki
málefnaleg staða þeirra til atvinnulífsins;
sem er ólík. Það er blátt áfram átakanlegt að
horfa upp á þann grundvallarágreining sem
ríkir milli stjórnarflokkanna um stærstu mál
ríkisstjórnarinnar.
Við höfum bæði getu og áhuga á að taka
við. Stund endurreisnar er runnin upp.
Áhugi fólks er núna meiri á framtíðinni en
fortíðinni; fólkið í landinu hugsar um kjör sín
í dag og hvernig þau verða bætt í framtíðinni
með því að byggja upp atvinnu lífið.“
Það eru nokkrir þingmenn Sjálfstæðisflokksins
sem mörgum kjósendum og flokksmönnum
finnst hafa glatað trausti vegna styrkjamálsins og
sterkra tengsla við bankana fyrir hrun og veikja
flokkinn komi til kosninga. Viltu sjá þetta fólk
draga sig í hlé?
„Það sem skiptir mestu fyrir þá, sem hafa
setið undir ásökunum um að hafa mistekist
eða glatað trausti eftir hrunið, er að endur
nýja umboð sitt í prófkjörum innan flokks ins.
Það er ekki mitt að óska eftir því að ein hverjir
dragi sig í hlé. Flokkurinn verður að nota
lýðræðislegar reglur gagnvart þeim sem
hafa glatað trausti. Það er aðferð flokksins
við uppgjör. Ef þeir endurnýja umboð sitt
verða þeir að fá að njóta þess og fá stuðning.
Það er aldrei hægt að afskrifa neinn í pólitík.
Winston Churchill orðaði þetta ágætlega
þegar hann sagði að eini mun urinn á pólitík
og stríði væri sá að í stríði dæju menn bara
einu sinni.“
MEÐFERÐIN Á GEIR H. HAARDE
Það hlýtur að verða erfitt fyrir þig að mynda
nýja ríkisstjórn því varla getur Sjálfstæðis-
flokk urinn unnið með Vinstri grænum eða
Sam fylkingu í ljósi þess að þeir líta á ykkur
sem höfuðandstæðing sinn og drógu fyrr ver-
andi formann flokksins, Geir H. Haarde, fyrir
Landsdóm og settu hann þar með á sakam anna-
bekk. Þið getið ekki gleymt því.
„Það urðu mér mikil vonbrigði að upplifa
það sem gerðist í Landsdómsmálinu. Ekki
einvörðungu hversu röng niðurstaðan
var heldur fannst mér þeir þingmenn sem
studdu hana alls ekki trúir sannfæringu
sinni. Þeir virtust vinna þetta út frá þeirri
hugs un að þetta þyrfti bara að gera og hjá
þessu yrði ekki komist vegna þess að það
væri uppi krafa um það í þjóðfélaginu. Þetta
var í hina röndina ákvörðun um að klekkja
á pólitískum andstæðingi. Pólitíkin var
færð inn í réttarsalinn. Ég dreg enga dul á
að í þessu máli myndaðist djúp gjá á milli
manna.“
Er sú gjá ekki ennþá til staðar?
„Jú, það er ekki gróið um heilt.“
En er þá ekki komin upp ákveðin pattstaða við
stjórnarmyndun?
„Ákæran á hendur Geir gerir samstarf við
þá sem stóðu að henni erfiðara. En á móti
verður að spyrja: Höfum við leyfi til að grafa
skotgrafir út af einstökum málum og festast
í þeim? Það er hagur þjóðarinnar að þingið
geti myndað starfhæfa ríkisstjórn; það hlýtur
að vera í fyrirrúmi. Það besta í stöðunni núna
væri hins vegar að efna til kosninga og brjóta
upp þá stöðnun sem ríkir á þinginu og hjá
þessari ríkisstjórn.“
Á ekki Sjálfstæðisflokkurinn frekar samleið
með Framsóknarflokknum en núverandi
stjórnarflokkum?
„Við höfum átt samleið með Framsókn
ar flokknum um ýmis mikilvæg efnahags
mál í þinginu og ég myndi gjarnan vilja sjá
framsóknarmenn sækja meira í sig veðrið
á kostnað afturhaldssamari afla. Það eru
hins vegar úrslit kosninga sem skera úr um
hverjir hefja stjórnarmyndunarviðræður.“
STEINGRÍMUR J. OG JÓHANNA
Áttu von á því að það verði formannaskipti hjá
stjórnarflokkunum, að Steingrímur J. og Jóhanna
séu á útleið sem formenn sinna flokka?
Ég veit það ekki en mér finnst aug ljós lega farið að síga á seinni hlutann hjá þeim –
og er ekki einn um það. Hvað þetta snertir
er áberandi munur á stjórnar flokk unum
og stjórnarandstöðunni, sem er með nýja
forystu og nýtt fólk.“
Gætir þú unnið með þeim báðum, Steingrími J.
og Jóhönnu?
„Mér hefur alltaf gengið vel að eiga per són
uleg samskipti við þau bæði og treysti mér
til að vinna með þeim báðum á þeim nótum
– en pólitískt hefur mér líkað afar illa við
margt af því sem þau hafa gert undanfarin
tvö ár og það hefur auðvitað áhrif. En á end
anum hlýtur samstarf flokka að ráðast af
má lefnum.“
Það er því grund
vallaratriði að
kynna sér stöðu
þrota búsins þegar
áhættan er metin.
Nú er talið að búið
muni standa undir
tæplega 90% af
öllum höfuðstól
kröf unnar. Það
mat er að mínu
áliti mjög var
færið.