Frjáls verslun - 01.01.2011, Blaðsíða 69

FRJÁLS VERSLUN 1.tbl.2011 69
HJÁLPARHELLAN
Vinir og ættingjar eru gulls ígildi fyrir þann
sem misst hefur vinnuna. Þeir þurfa að
vera reiðubúnir að hlusta áður en þeir
byrja­að­gefa­góð­ráð.­Ekki­gefast­upp­ef­
atvinnu laus vinur eða ættingi fer að loka
sig­af.­Drekktu­kaffi,­horfðu­á­sjónvarp­og­
farðu út í göngutúr með viðkomandi eða
gerðu eitthvað annað skemmtilegt. Haltu
samband inu lifandi. Sá sem misst hefur
vinnuna er kannski ekki fær um það strax.
Gættu þess hins vegar að viðkomandi
finnist­ekki­sem­þú­stjórnir­lífi­hans.
NÝTTU ÞÉR TENGSLANETIÐ
Það er um að gera að senda atvinnuum­
sókn­til­fyrirtækja­þótt­þau­hafi­ekki­auglýst­
eftir starfsmönnum. Það getur jafnframt
ver ið kostur að senda umsókn í fyrirtæki
þar sem þú þekkir starfsmann sem getur
mælt með þér. Uppfærðu ferilskrána. Fáðu
ráð hjá þeim sem vita hvernig ferilskrár
eru­gerðar­nú.­Það­er­líka­hægt­að­finna­
upplýsingar um slíkt á netinu. Nefndu fyrst
það sem þú starfaðir við síðast og hafðu í
huga að þú þarft að miða atvinnuumsókn­
ina við það starf sem þú ert að sækja um.
Láttu það breiðast út að þú sért að leita
að­starfi.­Það­getur­opnað­ýmsar­leiðir.­
Karlar eru óduglegri en konur við að nýta
sér tengslanetið þegar þeir leita sér að
starfi.­Það­er­ein­af­ástæðunum­fyrir­því­að­
upp sögn og atvinnuleysi virðist valda þeim
meiri­erfiðleikum.
Farðu í frí. Atvinnuleit getur verið lýjandi.
Gleymdu ekki að gera eitthvað skemmti­
legt til tilbreytingar um helgar og farðu í frí af
og til.
HREYFÐU ÞIG REGLULEGA
Til þess að vera stöðugt virkur í atvinnuleit
og til að draga úr depurðinni þarf heil­
mikinn kraft. Þess vegna er nauðsynlegt
að byggja upp þolið með því að hreyfa sig
reglulega og neyta næringarríks matar.
Farðu­rólega­af­stað.­Hafir­þú­lítið­sem­
ekkert hreyft þig áður skaltu byrja á því
að fara út að ganga þrisvar í viku. Fjörutíu
mín útna ganga nægir fyrstu tvær vikurnar
en þú skalt auka hraðann seinni vikuna.
Þriðju vikuna skaltu fara í fjörutíu mínútna
göngu fjórum sinnum í viku. Auktu hraðann
enn frekar.
Fimmtu vikuna skaltu ganga fjórum
sinn um í viku á meðalhraða. Gakktu enn
hraðar sjöttu vikuna.
Sjöundu vikuna bætirðu annaðhvort einum
göngu degi við og gengur í 50 mínútur eða
gengur fjórum sinnum í viku eins og áður en
þá 60 mínútur í senn. Áttundu vikuna eyk ­
urðu svo hraðann.
Eftir­þessa­átta­vikna­törn­ætti­þolið­að­
hafa aukist til muna og þá er kominn tími
til þess að fara að huga að annars konar
líkamsrækt til viðbótar. Ýmis stéttarfélög
veita aðildarfélögum styrk til kaupa á korti
í líkamsræktarstöð. Þar ertu innan um fólk
sem vill koma sér í form. Sumum þykir
betra að fara út í göngutúr eða í líkams­
ræktarstöð með einhverjum öðrum. Gerðu
það ef þú telur þig þurfa stuðn ing.
Svo gefst auðvitað tækifæri til þess að
spjalla við aðra í sundlaugum, að minnsta
kosti­í­heitu­pottunum.­En­gleymdu­ekki­að­
synda.
NÁMSKEIÐ OG ÁHUGAMÁL
Karlar sækja nú í síauknum mæli ýmiss
konar­styrkingarnámskeið­til­þess­að­efla­
andlegan þrótt sinn. Samkvæmt nám­
skeiðs höldurum litu karlar áður svo á að
slík námskeið væru aðallega fyrir konur
en nú eru þeir orðnir jafnmargir konunum
á þessum námskeiðum. Þeir eru búnir að
uppgötva að það er ekkert athugavert við
það að leita sér aðstoðar.
Á meðan sótt er um vinnu er tilvalið að fara
á námskeið til þess að styrkja stöðu sína á
vinnumarkaðnum eða til þess að stytta sér
stundir. Lærdómur kemur alltaf að gagni.
Mælt er með því að atvinnulausir hlúi
sérstaklega að áhugamálum sínum. Með
því gætu opnast nýjar dyr. Sumir hafa
upp götvað að áhugamálið getur skapað
at vinnutækifæri og jafnvel farið í nám tengt
áhugamálinu til þess að styrkja sig á þeim
vettvangi.
NOKKRAR VIÐVÖRUNARBJÖLLUR
Lokaðu þig ekki inni. Það er slæmt fyrir
heilsuna og dregur úr möguleikunum á að
fá nýja vinnu ef menn draga sig í hlé og
hætta að umgangast fólk.
Bældu­ekki­niður­tilfinningar­þínar.­Þú­
þarft að horfast í augu við vanlíðan þína.
Að missa vinnuna er ákveðið sorgarferli
sem menn ganga í gegnum.
Farðu ekki á fyllirí þegar búið er að segja
þér upp. Aukin drykkja og lyfjaneysla er
hættuleg og gerir ástand þitt verra.
Það kemur fyrir að menn horfast ekki í
augu við staðreyndir og mæta í vinnuna
þótt­þeim­hafi­verið­sagt­upp.­Undir­slíkum­
kring umstæðum er ástæða til þess að rifja
upp með sjálfum sér atburði síðustu daga.
Farðu strax til læknis eða leitaðu þér
hjálpar annars staðar ef depurðin eykst og
verður langvarandi.