Frjáls verslun - 01.01.2011, Blaðsíða 32

32 FRJÁLS VERSLUN 1.tbl.2011
„Besti flokkurinn fékk meira fylgi en ég
átti von á. Þegar ég heyrði fyrst að Jón
Gnarr ætlaði að gefa kost á sér hugs aði
ég með mér að hann fengi talsvert fylgi
en þó ekki það sem hann náði. Mað­
urinn er húmoristi og góður leikari. Það
voru kjöraðstæður fyrir hann eins og
andrúmsloftið var. Síðan finnst mér að
hann hafi haldið áfram að vera í aðal­
hlut verki en borgin í aukahlutverki. Það
gengur ekki miklu lengur fyrir hann að
leika það leikrit.“
Finnst þér sem embætti borgarstjóra hafi sett
ofan sem virðulegt embætti með tilkomu Jóns
Gnarrs í það?
Ég er ekki svo ferkantaður að ég sjái alltaf fyrir mér sömu konuna í sömu
dragt inni eða sama jakkafataklædda
mann inn í embættinu. Við þekkjum dæmi
þess víða annars staðar frá að borgarstjórar
þurfa ekkert endilega að vera uppstrílaðir og
alvöru gefnir. En stjórn borgarinnar og borgar­
stjóraembættið mun setja ofan ef alvöru­
mál eru meðhöndluð af léttúð og grínið er í
aðalhlut verki. Mér finnst þeir búnir að ganga
allt of langt nú þegar.“
FRAMBOÐ PÉTURS BLÖNDAL
Á LANDSFUNDI
Landsfundur verður annaðhvort í haust eða
byrjun næsta árs. Sérðu fyrir þér framboð gegn
þér til formanns flokksins á næsta landsfundi
Sjálfstæðisflokksins?
„Ætli það sé ekki betra að gera ráð fyrir
því fremur en ekki. Það er mikil virkni í
flokknum.“
Einhver sérstakur sem þú átt von á að bjóði sig
fram gegn þér?
„Nei.“
Á síðustu stundu fékkst þú óvænt mótframboð
af hálfu Péturs Blöndal á síðasta landsfundi og
hann náði furðu góðum árangri; fékk um 30%
atkvæða á meðan þú fékkst 60%. Varla varstu
ánægður með þá útkomu!
„Ánægður var ég ekki, en þetta var þó
afgerandi stuðningur.“
Þú bættir í raun ekki nema um 2% við þig
í fylgi frá landsfundinum vorið 2009 þegar
Kristján Þór Júlíusson bauð sig fram gegn þér.
Er hægt að túlka stuðninginn við Pétur sem
óánægju með þig?
„Með góðum vilja má eflaust túlka
þetta út og suður. Þessi landsfundur var
haldinn til að kjósa varaformann en ég
bauð mig einnig fram til formanns, sem ég
þurfti ekki að gera, til að fá endurnýjað og
óskorað umboð sem formaður flokksins.
Það fékk ég með afgerandi hætti.
Það er heldur engin ástæða til að gera
lítið úr Pétri. Hann á mikið fylgi innan
flokksins. Hann er vinsæll og hefur staðið
sig mjög vel í starfi í fjölda ára og verið
áberandi. Hann er einstaklega duglegur
maður og vinnur mikla vinnu sem er ekki
öllum augljós. Hann er að frá því eld­
snemma á morgnana og fram á nætur.
Hann mætir á alla fundi. Hann tekur að
sér og leysir öll verkefni sem til hans rata.
Jafn vel þótt hann sé að kafna í verkefnum
er hann æstur í að fá að gera meira. Hann
er hamhleypa til verka. Hvers vegna ætti
hann ekki að fá drjúgan stuðning?“
Efaðist þú eitthvað um stöðu þína sem
formaður fyrir síðasta landsfund þegar þú
vildir endurnýja umboðið?
„Nei, en ég vildi hafa mín mál og minn
stuðning á hreinu innan flokksins. En fyrst
þú spyrð svona get ég sagt þér að það
kemur mér á óvart hve oft menn halda að
maður sé hræddur við þetta eða hitt í þessu
starfi. Ég stjórnast ekki af hræðslu og ég
tók þá ákvörðun einn og óstuddur að láta
reyna á umboð mitt á síðasta landsfundi.
Sá sem er sáttur við sjálfan sig hefur ekkert
að óttast í stjórnmálum. Reyndar á það við
í miklu víðara samhengi.“
STJÓRNLAGAÞINGIÐ
Víkjum aðeins að stjórnlagaþinginu. Hver er
afstaða þín til þessa þings?
„Stjórnlagaþingið er óþarfi og fyrst og
fremst gæluverkefni forsætisráðherra. Það
er óþarfi að efna til stjórnlagaþings með
allri þeirri fyrirhöfn og tilkostnaði sem
því fylgir. Ég tala nú ekki um með svona
kosningafyrirkomulagi sem var í gangi
– og hvað þá þegar tilgangurinn með öllu
þessu tilstandi er sá einn að gefa Alþingi
hugmyndir að nýrri stjórnar skrá. Samkvæmt
stjórnarskránni á Alþingi að breyta
stjórnarskránni en ekki stjórnlaga þingið.“
Ertu þá á móti því að endurtaka kosninguna til
stjórnlagaþings?
„Já, ég er það. Það var mjög dræm kosn­
ingaþátttaka síðast sem sýndi að fólk
hafði sáralítinn áhuga á stjórnlagaþinginu.
Enda er hlutverk þess fyrst og fremst að
vera ráðgefandi. Það er Alþingis að breyta
stjórnarskránni og þingið á að einhenda sér
í það verk sem fyrst. Niðurstaðan hlýtur
einnig að draga úr áhuga á bæði per sónu­
kjöri og landinu sem einu kjör dæmi.“
STJÓRNARSKRÁIN
Nú sast þú í stjórnarskrárnefnd á árunum 2005
til 2007 og sú nefnd lauk ekki störfum. Hvers
vegna var það?
Hún lauk ekki störfum enda verkið mjög umfangsmikið. Ég dreg ekki dul
á að það voru líka átök innan nefndarinnar
um hlutverk forseta Íslands. Þegar nefndin
hóf störf voru aðeins nokkrir mánuðir frá
því að forsetinn hafði neitað að skrifa undir
fjölmiðlalögin. Þá voru vinstriflokkarnir
mjög harðir á því að það væri ætlun okkar í
Sjálfstæðisflokknum að vega að forsetanum
með breytingum á stjórnarskránni. Ekkert
slíkt vakti fyrir okkur. Við vildum hins
vegar skýra betur ákvæði um þjóðar­
at kvæðagreiðslur og ræddum m.a.
hvort fella ætti brott 26. greinina sem
fjallar um að forsetinn geti neitað lögum
staðfestingar. Í staðinn kæmi nýtt ákvæði
sem tryggði að mikilvæg mál færu í dóm
þjóðarinnar.
Ég minnist þess þegar þáverandi forseti
Alþingis, Halldór Blöndal, fjallaði um
beitingu 26. greinar við þingsetningu
haust ið 2004 og gerði athugasemdir við
inngrip forseta Íslands vegna fjölmiðla­
máls ins. Undir ræðunni gekk drjúg ur hluti
stjórn arandstæðinga úr þingsal, hvorki
meira né minna, af vanþóknun. Kaldhæðni
örlag anna er að margir þeirra sitja á þingi
í stjórnarmeirihlutanum og eru núna á
móti þjóðaratkvæðagreiðslu og framgöngu
forseta Íslands.“
Hvað voruð þið komnir langt með þessar
breytingar á sínum tíma?
Við vorum búin að vinna talsverða vinnu í að skilgreina verkefnið og byrj­
uðum svona á minna umdeildum atriðum.
Allt liggur þetta fyrir í áfanga skýrslu sem
gefin var út. Ákvæðið í 26. grein var eitt
af mörgum málum sem nefndin ræddi.
Um þjóðaratkvæðagreiðslur almennt verð
ég að segja að umræðan er oft á tíðum út
í hött. Ákvörðun forsetans um að beita
greininni og þær tafir sem orðið hafa á
því að setja um þetta almenn lög eða nýtt
stjórnarskrárákvæði hafa valdið okkur
talsverðum vandræðum. Þessu verður
að breyta. Það þarf að vera skýrt hvenær
þjóðaratkvæðagreiðslur eiga rétt á sér. Hver
getur gert til þess tilkall og í hvers konar
málum. Ég vil opna fyrir það og skýra
réttarstöðuna hvað þetta snertir. En ég er þó
íhaldsmaður hvað þetta snertir. Það eiga alls
ekki öll mál erindi í þjóðar atkvæði.“