Frjáls verslun - 01.01.2011, Blaðsíða 31

FRJÁLS VERSLUN 1.tbl.2011 31
Finnst þér íslensk pólitík einkennast of mikið af
skotgröfum á milli flokka og manna?
Það hafa ávallt verið miklar skotgrafir í pólitíkinni. Það er ekkert nýtt undir
sólinni í þeim efnum en ég skynja mikla
þreytu hjá almenningi gagnvart slíku. Nú­
ver andi stjórnarflokkar gagnrýna þessa
pólitík oft en mynda engu að síður harða
víglínu gagn vart Sjálfstæðisflokknum, and­
staðan við Sjálfstæðisflokkinn sameinar þá
frekar en mál efni þar sem þeir eru langt í
frá sam stiga.“
KOSNINGAR SÍÐAR Á ÁRINU?
Áttu von á kosningum á þessu ári?
„Svona hálft í hvoru.“
En þessi ríkisstjórn virðist lifa öll vandræði sem
hún ratar í!
„Hún lifir ekki endalaust af – ekki frekar
en bifreið sem ekur um með ónýtan hljóð­
kút og skröltandi hjól. Slík bifreið er ekki
líkleg til langferðar. Það er þessi ríkisstjórn
ekki heldur.“
Hvað fellir þá þessa ríkisstjórn?
„Árangursleysi!“

Árangursleysi í hverju?
„Í því að byggja upp atvinnulífið, bæta
lífskjörin og gefa fólki trú á að við séum á
réttri leið. Helsta ósk kjósenda er að endur­
heimta kaupmáttinn, skapa ný störf og slá
þannig á atvinnuleysið. Sterkt atvinnulíf
leggur grunn að áframhaldandi velmegun.
Þessi ríkisstjórn er líkleg til að hækka
skatta áfram og veikja atvinnulífið jafnt og
þétt – sem aftur minnkar skattstofninn. Þetta
er aðferðafræði sem leiðir til síendur tekins
niðurskurðar á hverju hausti. Þetta er spírall
niður á við. Stefnan er niður en ekki upp.
Ríkisstjórninni tekst ekki að skapa hagvöxt.
Hún vinnur gegn atvinnu lífinu og blæs ekki
fólki kapp í brjóst. Meginmeinsemdin felst í
því að sjá ekki að það verður einkaframtakið
sem mun leiða lífskjarasóknina en ekki
aukin opin ber umsvif og forsjárhyggja.“
HVAÐ ÖÐRU VÍSI?
Hvernig myndir þú gera hlutina öðru vísi en
núverandi ríkisstjórn?
„Ég legg höfuðáherslu á að beita örvandi
aðgerðum og hvötum. Meginmunurinn
liggur í skattastefnunni. Okkar fyrsta verk
yrði að afnema skattahækkanir þessarar
ríkisstjórnar á næstu tveimur árum. Það
er líka búið að flækja skattkerfið og leggja
nýjar byrðar á skattstofna sem bera þá ekki.
Það verður að vinda ofan af þessu, bæði
fyrir fjölskyldur og fyrirtæki.“
Núverandi stjórn telur algerlega óraunhæft að
lækka skatta á meðan fjárlagahallinn er svona
mikill.
Það er útilokað að örva hagkerfið með því að hækka skatta eins og þessi stjórn
gerir. Við þurfum heilbrigt, einfalt skatt kerfi
með lágum sköttum. Við festum krepp una
með því að hækka skatta á mestu sam­
dráttartímum á Íslandi. Fjárlagahallinn er ekki
vegna þess að skattar séu of lágir. Hann er
vegna þess að 20 þúsund störf hafa tapast
og dregið hefur úr umsvifum hagkerfisins.
Lausnin er ekki skattahækkun heldur
hagvöxtur. Við höfum líka bent á mögu­
leik ann til breytinga á skattlagningu á
séreignar sparn aði sem leið en á það var
ekki hlustað. “
En nú hefur Sjálfstæðisflokkurinn í hinum
ýmsu bæjarfélögum, eins og á Seltjarnarnesi,
farið þá leið að hækka útsvar líkt og stjórnar-
flokkarnir. Er hægt að treysta ykkur til að efna
þetta kosningaloforð um að lækka skatta?
„Fyrst þú nefnir Seltjarnarnes held ég að
það sé rétt að taka það fram að þar hefur
ævinlega verið stefnan að hafa útsvarið
sem lægst. Það gerir það væntanlega að
verkum að þegar kreppir að er svigrúmið
minna. Það hefur verið rauði þráðurinn
hjá okkar fólki í sveitarfélögum um allt
land að halda sköttum í lágmarki. Þá leið
fór t.d. Sjálfstæðisflokkurinn í borgarstjórn
Reykjavíkur, og það eftir hrun. Samt náði
hann einstaklega góðum árangri í rekstri
borgarinnar, enda var farin sú leið að skera
niður í stað þess að hækka skatta. Allt annað
er upp á teningnum nú, og verið að keyra
útsvarið í Reykjavík upp í topp undir stjórn
Besta flokksins og Sam fylkingarinnar. Hvað
landsmálin varðar sé ég ekki aðra leið en að
hvetja atvinnulífið áfram og bæta umgjörð
þess til verðmætasköpunar. Samstarf við
mig í ríkisstjórn um annað kemur ekki til
greina.“
NÝR FLOKKUR AÐ
HÆTTI JÓNS GNARRS?
Ef efnt verður til kosninga á næstunni sérðu
framboð eins og hjá Jóni Gnarr koma fram á
sjónarsviðið og spila á óánægju og litla trú fólks
á stjórnmálamönnum?
„Já, ég held að það eigi að gera ráð fyrir
því. Mér heyrist Jón Gnarr hafa rætt um
að bjóða fram á landsvísu í næstu alþingis­
kosningum.“
Óttast þú fyrir hönd þíns flokks slíkt framboð?
„Nei, ég óttast það ekki, þrátt fyrir að
Besti flokkurinn hafi náð góðum árangri
í borgarstjórnarkosningunum. Satt best
að segja finnst mér það bara spennandi
tilhugsun að takast á við ný öfl.“
Reykjavík er höfuðvígi Sjálfstæðisflokksins.
Hver voru viðbrögð þín við árangri Besta
flokksins sem þegar eftir kosningarnar útilokaði
samstarf við Sjálfstæðisflokkinn?
Sjálfstæðisflokkurinn í Reykjavík hafði unnið vel undir stjórn Hönnu Birnu
Krist jánsdóttur og hún var vinsæll borgar ­
stjóri. Þess vegna fann ég til með frambjóð­
endum okkar í Reykjavík þegar úrslitin og
nýr meirihluti lá fyrir. Ástandið á landsvísu
bitnaði nokkuð á þeim. Rannsóknarskýrsla
Alþingis var nýútkomin og þau mál sem
tengdust henni voru að mestu órædd. Það
var mikil dramatík við útkomu skýrsl unnar
og borgarfulltrúar okkar þurftu að glíma
við þá umræðu. Það var ósann gjarnt því
þeir höfðu staðið sig mjög vel í aðdraganda
kosninganna þótt því verði ekki neitað
að kjörtímabilið í heildina einkenndist af
óstöðugleika í borgar mál unum.“
Áttir þú von á svo góðum árangri Jóns
Gnarrs og Besta flokksins?