Frjáls verslun - 01.01.2011, Blaðsíða 34

34 FRJÁLS VERSLUN 1.tbl.2011
Gestrisni er Íslendingum í blóð borin og okkur er umhugað
um að þeir sem sækja okkur heim eigi góðar minningar um
dvöl sína hér – hvort sem það tengist starfi eða leik. Við hjá
Gestamóttökunni sjáum um að skipuleggja og halda utan
um ráðstefnur, fundi, ferðir og viðburði. Okkar er að sjá til
þess að þú getir notið þín til fulls í hlutverki gestgjafans, svo
saman fari gleði og árangur.
Ráðstefnur og fundir
- Komdu á okkar fund! Sími: 551 1730 | gestamottakan.is
H
u
g
sa
s
é
r!
Gleði og árangur
Ráðgjöf
Bókanir
Umsýsla
Rafræn skráning
Heimasíða fyrir ráðstefnuna
og margt fleira
Gestó0211.indd 3 17.2.2011 15:58
Fundir - Móttökur - Veisluþjónusta
Jómfrúin | Lækjargata 4 | 101 Reykjavík | Afgreiðslutími 11-18 | Sími: 55 10 100 | Fax: 55 100 35 | jomfruin@jomfruin.is | www.jomfruin.is
taka ákvörðun. Hann horfði á mig og sagði:
Ég sé að þú ert búinn að taka ákvörðun. En
það var ekki rétt hjá honum.“
Hefðir þú farið gegn honum?
„Það er ekki útilokað. Geir er mjög vand­
aður maður og mér gekk vel að vinna með
honum. En eftir hrunið og í ljósi stöðu
flokks ins í kjölfarið fannst mér eðlileg krafa
að það yrði kosið um formennskuna. Það
er þó ekki víst að ég hefði farið fram en það
skiptir svo sem engu í dag.“
HELSTU RÁÐGJAFAR OG GÓÐ RÁÐ
Hverjir eru þínir helstu og nánustu ráðgjafar í
pólitíkinni?
„Ég vil ekki tala mikið um hjá hverjum
ég leita oftast ráða. En flestir þeirra sem ég
leita ráða hjá eru gamalgrónir vinir mínir,
samstarfsmenn á þingi og annars staðar.
Ég ræði við marga en mest ræði ég auðvitað
við þá flokksmenn sem ég starfa nánast
með á þinginu. Loks hefur konan mín mikið
næmi og ég ber hluti reglulega undir hana.“
Þú nefnir eiginkonu þína, Þóru Margréti
Baldvinsdóttur. Hvernig nálgast hún málin?
Hún er með mjög næmt auga og tilfinn­ingu fyrir málum. Hún greinir þau
ekki í þaula en er mjög snögg að koma
auga á aðal atriðin, kjarna málsins. Og hún
hikar ekki við að segja hvað henni finnst
rétt að gera. Þegar ég var í laganámi og
braut til mergjar lögfræðileg álitaefni
undraðist ég oft hvað hún var fljót að sjá
aðalatriðin, hvort einhver væri bótaábyrgur
t.d. að hennar mati. Hún nálgast erfið mál út
frá hyggju vitinu og með því að fá tilfinningu
fyrir þeim. Hún bætir mig upp og ég von­
andi hana, eins og það á að vera í góðu
hjónabandi.“
Hvernig myndir þú lýsa sjálfum þér sem
stjórnanda?
Ég er enginn einræðisherra og tel að ég leiði flokkinn án þess að fólk finni mjög
fyrir mér sem stjórnanda – en skynji samt
að það er agi og að hlutum sé komið í verk.
Ég vil vera hvetjandi og tek ekki ákvarð­
anir fyrr en að yfirlögðu ráði og helst ekki
fyrr en það er þörf á að taka ákvörðun – og
hvað þá ef hún er mikilvæg. Ég er ekki
áhættufælinn og tel mig fremur dipló mat­
ískan og sveigjanlegan í sam skiptum; og
kannski stundum um of til að laða það
besta fram. En ég veit innra með mér hvar
mörkin liggja í þeim efnum. Ég legg mikið
upp úr heilindum í öllu samstarfi og trausti
– og veit að það er grunnurinn að góðum
samskiptum við aðra. Sumir segja að ég sé
of nákvæmur, jafnvel tæknilegur í því að
greina mál og skilja áður en ákvörðun er
tekin. Það hefur með það að gera að ég vil
vanda mig.“
Nefndu nokkur góð ráð sem þú hefur fengið í
stjórnun?
„Að mestu máli skipti að fylgja sann fær­
ingu sinni. Að reyna ekki að gera eitthvað,
sem öðrum þykir vera rétt, en þú sjálfur
hefur slæma tilfinningu fyrir. Að vera með­
vitaður um að stjórnandi verði að geta
lagað sig að aðstæðum. Stundum gildir að
sýna mikla hörku og ákveðni en stundum
næst besti árangurinn með því að sýna
þolinmæði og mýkt. Að bera skynbragð á
ólíkar aðstæður er einn lykillinn að árangri.
Í mínu starfi er einnig lífsnauðsynlegt að
dreifa álaginu og treysta samstarfsfólki. Velja
gott fólk og treysta því síðan til að gera vel.“
Þú varst fyrirliði og leiðtogi í íþróttafélaginu
Stjörnunni þegar þú lékst knattspyrnu. Hvað
tókstu með þér úr íþróttunum út í lífið sjálft?
„Í íþróttunum lærði ég að takast á við
tap og að það þyrfti að sækja sigra; þeir
koma ekki fyrirhafnarlaust. Að leggja á sig
er grunnur þess að ná árangri og uppskera.
Ánægjan af að landa sigri er aldrei eins mikil
og þegar fyrir honum er haft. Ég man sæt­
ustu sigrana eins og þeir hefðu gerst í gær.
Íþróttir kenna mönnum að treysta á félaga
sína og skynja hvað liðsheild er mikil væg.“
FRAMTÍÐARSÝN ÍSLANDS
Hver er framtíðarsýn Íslands? Hvernig sérðu
stöðu mála hér á landi árið 2020?
Framtíðin er björt og það er gott að búa á Íslandi. Við höfum lent í áföllum en
við getum örugglega á næstu árum byggt
upp lífskjör sem jafnast á við það besta í
heim inum. Sá árangur næst hins vegar ekki
sjálf krafa frekar en í íþróttunum og án þess
að fyrir honum sé haft. Skýr framtíðarsýn er
mikilvæg til að plægja akurinn, sá og upp­
skera síðar í takt við óskir okkar.
Mér finnst besta leiðin að horfa til fram tíðar
með því að horfa á hlutina langt aftur og
spyrja sig: Hvernig komumst við hingað? Við
vorum fátækasta þjóð í Evrópu en náðum
að renna stoðum undir atvinnu vegina
og samfélagið. Ég nefni sjávarútveginn,
orkufrekan iðnað, ferða þjón ustu, aðra
þjónustu, smáiðnað, hugverk og hugbúnað.
Það sem ber uppi út flutning okkar núna
er augljóslega sjávarútvegur, ál, stóriðja og
ferðaþjónusta. Þessar stoðir þurfa að vera
sterkar og það þarf að hlúa að þeim.
Við hljótum öll að spyrja okkur hvernig
við getum fjölgað þessum stoðum. Það er
ekki hægt að reikna með stórauknum vexti í
sjávarútvegi; stærð fiskistofnanna takmarkar
vöxtinn og við veiðum ekki miklu meira
magn. Vöxturinn er sömu leiðis takmarkaður
í stóriðjunni þótt þar séu vissulega
sóknarfæri ennþá. Menntun er lykilorðið
þegar kemur að hagvexti framtíðarinnar á
Íslandi; af henni spretta sprotar, nýsköpun
og tækni; ný fyrirtæki og atvinnutækifæri;
velmegun og fjölbreyttara mannlíf. Þess
vegna er það skammsýni að draga úr
framlögum til menntunar. Hún laðar fram
hugmyndir að atvinnusköpun og gleymum
því aldrei að fyrirtækin fæðast hjá fólkinu –
ekki í stjórnarráðinu. Mennt er máttur.“