Frjáls verslun - 01.01.2011, Blaðsíða 50

50 FRJÁLS VERSLUN 1.tbl.2011
RÁÐSTEFNULANDIÐ ÍSLAND
JÓN HÁKON MAGNÚSSON og starfs­
menn KOM fengu það verkefni að setja
upp, skipuleggja og hafa umsjón með
al þjóð legri fjölmiðlamiðstöð í tengslum við
leið togafund Reagans og Gorbatsjovs árið
1986 en hingað komu á þriðja þúsund fjöl­
miðla menn. „Við fengum mikla reynslu út
úr því sem hefur nýst okkur síðan,“ segir
Jón Hákon en starfsmenn KOM hafa séð
um ráðstefnur hér á landi, víða í Evrópu
og í Bandaríkjunum í 18 ár. „Þetta hefur þó
verið aukabúgrein hjá okkur en KOM er
fyrst og fremst almannatengslafyrirtæki.“
Starfsmönnum KOM fjölgaði úr þremur í
62 og fækkaði svo aftur niður í þrjá eftir að
leiðtogafundinum lauk í Höfða 1986.
Eins og margir muna eflaust eftir liðu 10
dagar frá því ákvörðun um leiðtogafund­
inn var tekin þar til hann hófst. „Fjölmiðla­
menn komu strax en það var ekkert að
gerast hérna. Þeir þurftu að fylla sína dálka
í blöðunum sem þeir unnu hjá og við þurft­
um að láta okkur detta allt mögulegt í hug.
Við héldum til dæmis dag Leifs Eiríkssonar
hátíðlegan við styttuna á Skólavörðuholti
fyrir bandarísku fjölmiðlamennina en um
opinberan dag í Bandaríkjunum er að ræða.
Við fengum bandaríska sendiherrann og
formann Íslensk­ameríska félagsins til að
koma á Skólavörðuholtið og segja nokk­
ur orð um Leif Eiríksson. Segja má að öll
heimspressan hafi mætt og þennan dag
skrifuðu margir um að Leifur Eiríksson
hefði fyrstur hvítra manna fundið Ameríku.
Þannig fórum við að þessu; við reyndum
hvað við gátum til að halda fjölmiðlamönn­
unum rólegum þar til fundurinn hófst.“
Jón Hákon segir að hann og starfsfólk
hans hafi fengið góð viðbrögð eftir verkefn­
ið tengt leiðtogafundinum. Þess má geta
að starf hans og starfsmanna KOM þótti
hafa gengið svo vel að hann var fenginn
til að annast sambærilegt verkefni vegna
leiðtoga fundar Bush og Gorbatsjovs á
Möltu þremur árum síðar.
„Leiðtogafundurinn gerði Íslandi mikið
gagn og kom okkur á heimskortið hvað
varðar funda­ og ráðstefnuhald. Margir
trúðu því ekki að Íslendingar gætu gert
þetta á svona stuttum tíma. Í raun og veru
var þetta kraftaverk. Íslendingar eiga það
til að vera dugnaðarforkar þegar eitthvað
stendur til og við leggjum allt í það.“
Hefur skipt sköpum
Jón Hákon segir ekki skipta máli hvort um
nokkurra manna fund sé að ræða eða nokk­
ur hundruð manna ráðstefnu: Aðalatriðið
sé að gera hlutina vel og muna eftir öllum
smáatriðunum; það sé þúfan sem velti
hlass inu. „Smáatriðin skipta mestu máli.“
Hann segir að passa þurfi meðal ann­
ars upp á að stólar séu í lagi, að borð séu á
rétt um stað, hljóðkerfi virki og að pennar
og vatnsglös séu á borðunum. „Við vinn um
náið með starfsmönnum hótela og fundar sala
og öllum sem koma að þessu hvort sem það
eru túlkar, þýðendur eða ljós myndarar. Ef
aðalfundur er framundan pössum við upp
á að ársskýrslan sé tilbúin tíman lega, að öll
gögn séu fyrir hendi og ræðu menn verða
að fara eftir þeim tíma sem þeim er úthlut­
að. Við förum ofan í smæstu smáatriði. Það
hefur skipt sköpum fyrir okkur og búið til
sterkt orðspor. Við auglýs um ekki þessa
þjónustu heldur vita menn af okkur.“
Friðelskandi þjóð
Að sögn Jóns Hákonar skiptir það máli
hvenær árs ráðstefnur eru haldnar. Ef
um er að ræða fólk í viðskiptalífinu þá sé
besti tíminn frá miðjum janúar fram yfir
miðjan maí. Þá fari fólk í frí. Hann segir að
Norðurlandabúar sæki hins vegar gjarnan
ráðstefnur á Íslandi á sumrin þar sem þeir
vilji margir hverjir nota dvölina hér á landi
einnig í tengslum við frí og lengi þá dvölina
Smáatriðin skipta mestu máli
„Við eigum mikla sóknarmöguleika og eigum ekkert endilega að sækjast
eftir stórum ráðstefnum,“ segir Jón Hákon Magnússon, framkvæmdastjóri
almannatengslafyrirtækisins KOM, sem hefur skipulagt ráðstefnur bæði hér
á landi og erlendis.
Jón Hákon Magnússon með Höfða í baksýn þar sem leiðtogafundurinn var haldinn 1986. „Leiðtogafund­
urinn gerði Íslandi mikið gagn og kom okkur á heimskortið hvað varðar funda­ og ráðstefnuhald.“
Jón Hákon Magnússon:
TEXTI: SVAVA JÓNSDÓTTIR MYND: GEIR ÓLAFSSON