Frjáls verslun - 01.01.2011, Blaðsíða 80

80 FRJÁLS VERSLUN 1.tbl.2011
Helga Jónsdóttir gull­smiður hefur rekið verslun og verkstæði á Laugaveginum frá
árinu 1993 og segir að sér hafi
þótt það mikilvægt frá upphafi
að halda sig við þessa helstu
verslunargötu Reykjavíkur.
„Við vorum fyrst á Laugavegi
40, fluttum okkur síðar í eigið
húsnæði á Laugavegi 45 og
árið 2005 festum við kaup á
Lauga vegi 13 og opnuðum
í núverandi húsnæði hinn 1.
desem ber 2005.“
­Helga lauk námi í gullsmíði
frá Iðnskólanum í Reykjavík
árið 1981. „Eftir að ég hafði
eign ast börn og sinnt heimilis­
störf um í nokkur ár tók ég
gull smíðina föstum tökum og
stofn aði Gullkúnst Helgu ásamt
eigin manni mínum, Hallgrími
T. Sveinssyni. Fyrirtækið hefur
stækkað hægt og rólega. Í
byrj un var ég ein á verkstæðinu
en nú er það breytt. Í dag erum
við fjórir gullsmiðir og þar á
meðal er yngsti sonur minn,
sem er nýútskrifaður gull smiður.
Í dag eru vörur frá okkur á fleiri
stöðum; í Bláa lóninu, Epal í
Leifs stöð, Kraumi og fleiri
stöðum úti á landi. Þó svo að
Íslendingar séu stór hluti við­
skipta vina er hlutur ferðamanna
sífellt að aukast.“
­Gullkúnst Helgu fékk í nóvem­
ber síðastliðnum Njarðarskjöld­
inn 2010, „shop of the year“.
Njarðarskjöldurinn er hvatning­
arverðlaun Reykjavíkurborgar,
Miðborgarinnar okkar, Global
Blue, Iceland Refund, Félags
atvinnurekenda og Kaupmanna­
samtakanna. Þar er leitast við
að verðlauna þá verslun sem
hefur náð hvað bestum árangri
við sölu til erlendra ferðamanna
milli ára. „Þetta var mikill heiður
og við erum fyrsta skartgripa­
verslunin til þess að hljóta þessi
eftirsóttu verðlaun í fimmtán ára
sögu verðlaunanna. Framund an
er svo ferð til München í febr­
ú ar, á sýningu sem við förum
á árlega. Síðastliðið haust fór
ég til Stokkhólms og haustið
þar áður til Berlínar með Félagi
kvenna í atvinnurekstri.
­Þó svo að segja megi að
aðal áhugamálið sé vinnan,
sem er krefjandi og áhugaverð,
er ekki svo að ferðir bæði
inn anlands og utan séu ekki
alltaf skemmti legar. Síðastliðið
vor fórum við til Flórída ásamt
vinahjónum og var spilað golf og
farið í sigl ingu. Þó svo ég sé ekki
með „golfdellu“ finnst mér gaman
að fara til Spánar í nokkra daga
að spila golf. Eins höfum við verið
í Bakka koti í Mosfellsdal og er
það yndislegur staður. Svo þegar
tími gefst til er gaman að hafa
barnabörnin hjá sér; þau eru
fimm og það sjötta væntanlegt í
febrúar.“
Nafn: Helga Jónsdóttir
Fæðingarstaður:
Reykjavík, 6. ágúst 1951
Foreldrar: Ingiríður Helga
Leifsdóttir og Jón Ingimundarson
Maki: Hallgrímur T. Sveinsson
Börn: Hallgrímur, Elmar,
Abra Dögg og Hrannar Freyr
Menntun: Gullsmiður
„Þó svo ég sé ekki með „golfdellu“ finnst mér gaman að fara til Spánar í nokkra daga að spila golf.
Eins höfum við verið í Bakkakoti í Mosfellsdal og er það yndislegur staður.“
FÓLK
Helga Jónsdóttir
eigandi Gullkúnstar Helgu
TEXTI: HILMAR KARLSSON