Frjáls verslun - 01.04.2010, Blaðsíða 22

22 F R J Á L S V E R S L U N • 4 . T B L . 2 0 1 0
Forsíðu grein
Er framtíðarskipulag bankanna komið á og
hver verður hlutur Arion banka þar í?
Höskuldur H. Ólafsson: Það er ljóst
að kerfið er of stórt. Þetta getur falið í
sér ýmsa valkosti en það er ótímabært
að segja fyrir um hverjir þeir verða.
Inn an Arion banka hefur verið lögð
áhersla á uppbyggingu og hagræðingu,
t.d. hefur mikil hagræðing orðið í úti­
búaneti bankans undanfarin misseri
og er hann nú með hagkvæmasta úti­
búanet hér á landi. Bankinn ætlar sér
að verða leiðandi í uppbyggingu efna­
hagslífsins. Arion banki er og verður
alhliða banki sem leggur áherslu á
þjón ustu við viðskiptavini sína á sviði
sparnaðar, lánveitinga, eignastýringar,
fyrirtækjaráðgjafar og markaðsviðskipta.
Gagnrýnt er að bankarnir séu fullir af fé en
lítið lánað út. Hver er skýringin á þessu?
HHÓ: Sem betur fer er fé í bönkunum
og þeim ber skylda samkvæmt FME til að
eiga alltaf laust fé sem nemur um 20% af
öllum innlánum og miða útlán við það.
Þar fyrir utan eru vextir á Íslandi háir
og því ekki mikil eftirspurn eftir lánsfé.
Það er hins vegar mjög mikilvægt að
um hverfið breytist hér á landi svo það
verði hagkvæmt að fjárfesta og koma
efnahagslífinu aftur í gang.
Áttu von á að breytingar verði á eignar­
haldi Arion banka í náinni framtíð?
HHÓ: Eigendur bankans eru tveir, ann­
ars vegar Kaupskil, dótturfélag í eigu
Kaupþings, sem á 87% hlut, og hins vegar
íslenska ríkið, sem á 13% hlut. Kaupskil fer
með eignar hlut inn sam kvæmt skilyrðum
Fjármálaeftirlitsins og Sam keppnis eftir­
litsins. Það er til að tryggja sjálf stæði stjórnar
Arion banka. Kröfuhafar hafa því enga beina
aðkomu að bank anum.
Kröfuhafar Kaupþings eru samkvæmt
kröfuskrá fjölmennur hópur. Meðal
stærstu kröfu hafa eru innlendar og er ­
lendar fjármálastofnanir, Seðlabanki
Íslands, lífeyrissjóðir auk ýmissa erlendra
fjár festingarsjóða, s.s. framtakssjóða, verð ­
bréfasjóða og vogunarsjóða.
Það er ljóst að listi kröfuhafa mun taka
verulegum breytingum þegar búið er að
taka endan lega afstöðu til krafna. Þá er
mikilvægt að hafa í huga að allir eigendur
Arion banka, jafnt nú sem í framtíðinni,
munu þurfa að standast skoðun
Fjármálaeftirlitsins, Sam keppniseftirlitsins
og uppfylla þær kröfur sem gerðar eru til
eigenda viðskiptabanka á Íslandi.
BANKAKERFIÐ OF STÓRT
HÖSKULDUR H. ÓLAFSSON, BANKASTJÓRI ARION BANKA:
Vextir á Íslandi eru háir og því ekki mikil eftirspurn eftir lánsfé. Það
er hins vegar mjög mikilvægt að umhverfið breytist hér á landi svo
það verði hagkvæmt að fjárfesta og koma efnahagslífinu aftur í gang.
Höskuldur H. Ólafsson,
bankastjóri Arion banka.