Frjáls verslun - 01.04.2010, Síða 85

F R J Á L S V E R S L U N • 4 . T B L . 2 0 1 0 85
Hreinn Pálsson, framkvæmdastjóri Íslendinga á heimssýningunni í Sjanghæ.
Sýningin stendur yfir í fimm mánuði.
– Hvers vegna var slagorðið Pure Energy and Healthy Living valið sem
yfirskrift þátttöku Íslendinga á EXPO 2010?
„Þema EXPO 2010 er Better City, Better Life þar sem áherslan er á
borgar sam félög, enda meirihluti jarðarbúa nú borgarbúar. Það, sem við
höfum sérstaklega fram að færa fyrir borgarsamfélög, eru lausnir okkar
á sviði orkuframleiðslu bæði í vatnsafls­ og jarðvarmavirkjunum.
Við leggjum því áherslu á að sýna þann kraft sem býr í náttúrunni
og hvernig má virkja hann á sjálfbæran hátt til orkuframleiðslu.
Samhliða því viljum við sýna þau lífskjör sem við höfum skapað okkur
á Íslandi á tiltölulega stuttum tíma sem stuðla að því að við lifum betur
og lengur en íbúar margra annarra þjóða. Auk þess að kynna landið sem
áfngastað sem áhugavert er að heimsækja.“
Hreinn segir að heimssýningin í Sjanghæ sé ekki eins og aðrar vöru ­
sýn ingar þar sem einstök fyrirtæki kynna vörur sínar heldur gangi sýn­
ing in út á að kynna lönd og fyrir hvað þau standa.
„Viðburðurinn er síðan vettvangur fyrir fyrirtæki til að koma sér á
framfæri, afla tengsla, fá ráðgjöf o.s.frv. Við erum að vinna með um
60 viðskiptaaðilum sem nýta sér aðstöðuna í skálanum eða þjónustu
starfs manna með einum eða öðrum hætti.“
Í hverjum mánuði er ákveðið þema í íslenska skálanum og sérstök
áhersla lögð á ákveðnar atvinnugreinar. „Í júní verður áherslan á ferða­
mál og í september verður áherslan á orkumálin, hönnun og hugvit.“
Hreinn segir að sjö þúsund kínverskir ferðamenn sæki Ísland heim
árlega og ástæða sé til að ætla að þeim fjölgi á næstu árum þar sem
Kín verjar ferðast í auknum mæli til Evrópu vegna aukinnar velferðar í
landinu.
„Við vinnum með Icelandair og Bláa lóninu, sem eru styrktaraðilar
þátttökunnar, við að markaðssetja áfangastaðinn Ísland hér í Kína.
Ferðamönnum frá Kína hefur fjölgað mjög og búist er við að sú fjölg­
un haldi áfram á næstu árum.
Við vinnum einnig náið með hinum Norðurlandaþjóðunum að
því að vekja athygli á Norðurlöndum sem spennandi kosti fyrir ferða­
menn. Við gerum okkur miklar vonir um fjölgun ferðamanna til
Norðurlandanna frá Kína eftir þá miklu kynningu og athygli sem þau
hafa fengið hér á heimssýningunni.“
Fyrsta heimssýningin var haldin í London 1851 en fyrsta formlega
þátttaka Íslands var á heimssýningunni í New York 1939. Ísland mun
þó hafa verið kynnt á heimssýningum fyrir 1939 en ekki sem form­
legur þátttakandi.
Yfir 350 þúsund gestir heimsóttu íslenska skálann í maí.