Frjáls verslun - 01.04.2010, Qupperneq 97

F R J Á L S V E R S L U N • 4 . T B L . 2 0 1 0 97
GUÐMUNDUR S. PÉTURSSON
gæðastjóri Landsvirkjunar
Nafn: Guðmundur S. Pétursson
Fæðingarstaður: Sauðárkrókur,
24. ágúst 1956
Foreldrar: Pétur Víglundsson og
Efemía Ragna Guðmundsdóttir
Maki: Elísabet Guðmundsdóttir
hjúkrunarfræðingur
Börn: Hugrún Helga veitingastjóri,
Sólveig Ragna arkitekt, Gunnhildur
Edda fatahönnuður og Guðmundur
Smári nýstúdent.
Menntun: Rafmagnstæknifræðingur
Guðmundur S. Pétursson:
„Tengdafjölskyldan á
sumarbústað skammt
frá Hellu sem við förum
nokkuð oft í og þar
hef ég komið okkur
upp litlum níu holu par
3­golfvelli.“
Ég hef séð um gæðastjórnun Lands-virkjunar frá árinu 1999. Við höf-um innleitt ISO-stjórnunarstaðla
og uppfyllum alþjóðlegar kröfur í stjórn un
fyrirtækisins ásamt umhverfis- og öryggis-
mál um og er starfsemi Lands virkj unar
vottuð samkvæmt þessum stöðlum. Þessi
al þjóðlega vottun gefur fyrirtækinu þá
stöðu að vera í fararbroddi í framleiðslu
rafmagns og að vinna markvisst að því að
uppfylla þarfir og væntingar viðskiptavina.
Mitt hlutverk í dag er að standa vörð um
þau gæði sem felast í þjónustunni og
virkni umhverfis- og öryggismála innan
fyrirtækisins. Starfsemi Landsvirkjunar
stendur nú á tímamótum með nýjum for-
stjóra og nú erum við að vinna að stefnu-
mótun sem tengist nýrri stefnu og ásýnd
fyrirtækisins.
Ég hef unun af því að starfa við mitt
fag og þreytist ekki á því að hafa nóg fyrir
stafni. Hef lengi starfað með Stjórnvísi
að gæðastjórnun og málefnum sem
varða gæðastjórnun og er þar ásamt öðru
góðu fólki virkur stjórnandi í fræðslu sem
tengist ISO-stjórnunarstöðlunum. Einnig
starfa ég sem kennari hjá Endurmenntun
Háskóla Íslands og hef kennt þar ISO
9001-stjórnunarstaðalinn og séð um
að skipuleggja heimsóknir nemenda til
fyrirtækja sem hafa byggt upp gæðastjórnun
samkvæmt ISO-stöðlunum.
Starfi mínu fylgir einnig að taka þátt í
starfsemi faghópa og umfjöllum sem tengist
þeim málaflokkum sem ég vinn mest með,
þ.e. gæða- og öryggisstjórnun. M.a. kom
ég að fundarstjórn fagfundar raforkusviðs
Samorku, samtaka orkufyrirtækja á Íslandi,
sem haldinn var á Sauðárkróki dagana 27.
og 28 maí.“
Guðmundur er rafmagnstæknifræðingur
frá Odense Teknikum í Danmörku og hefur
sótt viðbótarmenntun m.a. í gæða- og verk-
efnastjórnun. Hann býr ásamt fjölskyldu
sinni í Mosfellsbænum og nýtur þess að
vera í nálægð við náttúruna og rólegheitin.
„Ég er fjögurra barna faðir og á þrjú afa-
börn. Fjölskyldan er mikilvæg og í mínum
huga er mjög dýrmætt að rækta sambandið
við sína nánustu. Eiginkona mín vinnur við
svipuð störf og ég í heilbrigðisgeiranum og
í bílnum á leið til eða frá vinnu snúast sam-
ræður okkar oft um sameiginlega þætti í
störfum okkar.
Helstu áhugamálin eru golf og önnur
útivera. Elísabet og Guðmundur Smári,
tvítugur sonur okkar, stunda einnig golfið
og við njótum þess öll að vera saman
á golfvellinum og njóta útiverunnar.
Tengdafjölskyldan á sumarbústað skammt
frá Hellu sem við förum nokkuð oft í og þar
hef ég komið okkur upp litlum níu holu par
3-golfvelli.
Áhugamál okkar hjóna eru einnig sigl-
ingar á seglskútum og við erum einmitt á
leið í frí þar sem við ætlum ásamt vinum
okkar að sigla við Tyrklandsstrendur í
hálfan mánuð. Það er ólýsanlegur ævintýra-
ljómi yfir því að njóta útiveru og framandi
mann- og dýralífs í svona ferðum. Þá má
nefna handboltann en ég er mikill Aftur-
eldingarmaður og hef gaman af söng og
syng í karlakórnum Stefni í Mosfellsbæ.
Félagsmál höfða einnig mikið til mín
og ef einhvern sem les þetta langar til að
syngja með Stefni þá endilega hafa sam-
band við mig. Nú er einmitt verið að vinna
að því að styrkja kórinn með því að fjölga
söngmönnum fyrir næsta ár.“
Fólk