Frjáls verslun - 01.07.2008, Blaðsíða 9

F R J Á L S V E R S L U N • 7 . T B L . 2 0 0 8 9
verða vel búnar með góðu útsýni og nægum bílastæðum. Opnu svæðin
á Höfðatorgi skapa umgjörð fyrir fjölbreytt mannlíf, sem mun eiga sér
samastað innan um veitingastaði og kaffihús, verslanir og þjónustu.
Öll starfsemi miðast við að skapa hlýlegan miðbæjarkjarna sem þjónar
íbúum, starfsfólki, nágrönnum, gestum og gangandi. Göngugötur og
opin svæði munu ná yfir meira en helming af heildarfleti Höfðatorgs.
Þess má geta að torgið er jafnstórt og Austurvöllur og Ingólfstorg til
samans.
„Við leggjum ríka áherslu á að svæðið verði lifandi allan daginn,
ekki eingöngu þegar atvinnustarfsemin stendur yfir, heldur á svæðið að
loknum vinnutíma að vera lífæð þar sem eftirsóknarvert er að vera.“
Vönduð umgjörð og glæsilegt umhverfi
Höfðatorg verður í umsjá eins aðila sem mun stjórna rekstri þess. Það
fyrirkomulag tryggir samræmi og gott heildaryfirbragð, svo og hátt
þjónustustig. Á jarðhæð bygginga er gert ráð fyrir fjölbreyttri þjónustu-
starfsemi, svo sem verslunum og veitingahúsum. Skrifstofur og íbúðir
verða á efri hæðum. Áhersla er lögð á að atvinnuhúsnæði mæti óskum
kröfuharðra fyrirtækja og stofnana um vandaða umgjörð og glæsilegt
umhverfi sem styður við ímynd þeirra.
„Þegar á heildina er litið er Höfðatorg hugsað sem samfélag athafna-
lífs, menningar, verslunar og þjónustu í náinni sambúð við íbúa á
svæðinu. Líflegar uppákomur innan um gróður og falleg listaverk skapa
torgmenningu af því tagi sem Íslendingar hafa kynnst víða erlendis.
Höfðatorg mun soga til sín fólk úr öllum áttum. Íbúarnir koma og fara,
versla og nýta sér fjölbreytta þjónustu. Það sama gildir um starfsfólk fyrir-
tækjanna sem hafa aðsetur á Höfðatorgi.“
Á Höfðatorgi verða stór og smá fyrirtæki sem munu njóta góðs af
kröftugu samfélagi þar. Starfsfólk mun sækja hvíld og innblástur í gef-
andi umhverfi Höfðatorgs.
Á Höfðatorgi verður sólríkt og skjólgott opið svæði fyrir íbúa, starfsfólk og gesti.
Hugmyndin á bak við vörumerki
Höfðatorgs er að skapa heildstætt,
fágað samfélag með þróttmikilli
blöndu fólks og fyrirtækja sem slær
taktinn í líflegri miðborg.
www.hofdatorg.is