Frjáls verslun - 01.07.2008, Blaðsíða 113

F R J Á L S V E R S L U N • 7 . T B L . 2 0 0 8 113
s t j ó r n u n a r M o l i
tExtI: gísLi Kristjánsson
„Should I stay or should I go?” sungu Bret-
arnir í hljómsveitinni The Clash. Núna
eru sumarfríin að baki og grár veruleikinn
á vinnustað hefur tekið við af leik í sumri
og sól. Vikur hafa liðið – þær verða brátt
að mánuðum – og efinn læðist að fólki:
Á ég að skipta um vinnu eða vera
hér áfram?
Það er eins og fólk nái sér ekki á strik
eftir að hafa veri fjarri vinnustað um tíma
og það jafnvel ekki nema í einn mánuð.
Vinnan er ömurleg og ekkert nýtt út úr
henni að hafa!
Fólk spyr sig: „Skiptir þetta jag hérna í
húsinu mig nokkru máli?” Eða: „Var það
þetta sem ég ætlaði að verða þegar ég yrði
stór?”
Vinnusálfræðingar þekkja þessar spurn-
ingar vel. Þær koma oft þegar hallar að
vetri. Þeir segja að allir eigi að spyrja sig
þessara spurninga. Þó kunni ekki góðri
lukku að stýra að spyrja bara og leita aldrei
að svarinu. Sænski sálfræðingurinn Bosse
Angelöw hefur búið til einfalt próf fyrir
þá sem eru í efa. Það birtist upphaflega í
stjórnunartímaritinu Chef.
Að mati Angelöws er mikilvægast að
viðurkenna að þessi efi um vinnuna sé
eðlilegur og oft af hinu góða. Margir
hafa gott af því að standa upp og kveðja
gamla vinnustaðinn sinn. Mikilvægast er
að komast að niðurstöðu og eyða þannig
efanum.
Sálfræðingurinn segir:
Vertu kyrr ef:
Þú hefur gaumgæft málið í nokkrar •
vikur og komist að þeirri niðurstöðu
að kostirnir við núverandi vinnu séu
fleiri en gallarnir.
Óánægja þín í vinnunni stafar af því •
að þú nærð aldrei að slappa af og líta
yfir farinn veg. Bættu inn nokkrum
pásum til afslöppunar.
Þú eru ósátt(ur) við vissa hluti í •
vinnunni en veist að það er hægt að
bæta þar úr.
Þú finnur fyrir vinnugleði við að •
leysa sjálf verkefnin í vinnunni þótt
þér leiðist á vinnustað.
skiptu um vinnu ef:
Þér finnst enn, nokkrum vikum eftir •
frí, að gallarnir við vinnuna vegi
þyngra en kostirnir.
Þér var farið að leiðast í vinnunni •
löngu fyrir fríið
Það eru ókostir við núverandi vinnu, •
sem þér hefur ekki tekist að bæta
úr, og þú ert úrkula vonar um að
ástandið skáni.
Þú hefur ekki lengur áhuga á verk-•
efnum, sem þér þóttu skemmtileg og
spennandi áður.
tÍMi til að
segja Bless
Áttu að skipta um vinnu eða vera áfram á sama vinnustað? Margir spyrja sig
þessarar spurningar þegar sumarfríin eru að baki og grár veruleikinn hefur
tekið við af leik í sumri og sól. Hér koma nokkrar ráðleggingar sálfræðings.