Frjáls verslun - 01.07.2008, Blaðsíða 56

56 F R J Á L S V E R S L U N • 7 . T B L . 2 0 0 8
N æ r m y N d – s i g u r ð u r ó l i ó l a f s s o N
sigurður Óli Ólafsson tók nýlega við starfi forstjóra Actavis og segir komandi tíma leggjast mjög vel í sig þrátt fyrir samdrátt í samfélaginu, enda hugi fólk oft frekar að því að skipta yfir í samheitalyf þegar þannig standi á. Fyrirtækið
stendur traustum fótum og er eitt stærsta samheitalyfjafyrirtæki í
heimi með 11.000 starfsmenn og skrifstofur í 40 löndum.
Actavis hefur keypt meira en 20 fyrirtæki á undanförnum árum,
en í ár hefur megináherslan verið á innri vöxt. Gott stjórnendateymi
er innan fyrirtækisins. Sigurður segir mikilvægt að hafa slíkan hóp í
kringum sig og að sem stjórnandi þurfi hann að geta hlustað á ólíkar
skoðanir og tekið ákvarðanir í framhaldi af því ef með þarf.

Barnæska í laugarásnum
Sigurður er fæddur í Reykjavík árið 1968 en foreldrar hans eru Erla
Einarsdóttir og Ólafur Sigurðsson. Hann ólst upp í Laugarásnum,
gekk í Langholtsskóla og síðan Menntaskólann við Sund þaðan sem
hann útskrifaðist árið 1988. Þá hóf hann nám í lyfjafræði og útskrif-
aðist sem lyfjafræðingur árið 1993. Sigurður er langyngstur þriggja
systkina en segist hafa haft það mjög gott hjá systkinum sínum.
Í barnaskóla hafði Sigurður frábæra kennara, Hreiðar Stefánsson
rithöfund sem kenndi honum fyrstu árin og síðar konu hans Jennu
Jensdóttur rithöfund – sem kenndi honum á unglingsárunum.
Ástráður Hreiðarsson sonur þeirra kenndi síðar Sigurði í lyfja-
fræði og segir hann fjölskylduna því hafa gert sitt besta við að koma
sér til manns. Hann lærði á píanó sem barn og sat í stjórn nem-
endafélagsins í menntaskóla og sinnti þar félagsmálum. Á sumrin
stóð Sigurður á bak við kjötborð Sláturfélagsins í Glæsibæ og á
fleiri stöðum um borgina við afgreiðslu og segist halda að hann gæti
afgreitt nautahakk skammlaust enn þann dag í dag.
Í hvíta sloppnum
Aðspurður um námsval segist Sigurður hafa ákveðið að fara í lyfja-
fræði daginn sem skráningu lauk í háskólann og margt hafi komið
til greina á raungreinasviði. Hann hafi valið lyfjafræðina þar sem
hún spanni vítt svið og nemendur tileinki sér bæði vísinda- og við-
skiptahugsun. Námið hafi reynst virkilega skemmtilegt.
Eftir útskrift vann Sigurður við rannsóknir á Raunvísindastofnun
Háskólans, en þar hafði hann einnig starfaði með námi. Á Raun-
vísindastofnun starfaði Sigurður með Sigmundi Guðbjarnasyni,
fyrrverandi háskólarektor, og vann að rannsókn á áhrifum lýsis á
magasár í rottum. Þarna var Sigurður kominn í hvíta sloppinn og
segist hafa haft gaman af rannsóknum og gott hafi verið að vinna
með Sigmundi sem hafi kennt sér geysilega mikið.
Sigurður Óli Ólafsson, nýr forstjóri Actavis, hætti hjá Pfizer og stofn-
aði fyrstu skrifstofu Actavis í Bandaríkjunum.
Nýr forstjóri Actavis:
góður í mannlegum
samskiptum
Sigurður Óli Ólafsson, nýr forstjóri Actavis,
þykir einkar laginn í mannlegum sam-
skiptum og sagður góður í að leiða starfs-
fólk í gegnum erfið og flókin viðfangsefni.