Frjáls verslun - 01.07.2008, Blaðsíða 28
28 F R J Á L S V E R S L U N • 7 . T B L . 2 0 0 8
Forsíðu grein SPROTAFYRIRTÆKI
Sprotinn sem Svana Helen Björnsdóttir hefur fóstrað upp síðustu 16 árin er núna að skjóta rótum í útlöndum. Svana segir að fyrstu erlendu tekjur Stika komi á þessu ári. Og hún segir – nú
þegar hún lítur fyrir farinn veg – að sennilega hefði verið skynsamlegt
að stefna út strax í upphafi.
„Það er dýrt að þróa tæknilegar lausnir og halda þeim við á
íslenskum markaði einum,“ segir Svana. „Þess vegna er mikilvægt að
setja sér alþjóðlegt markmið strax í upphafi jafnvel þótt það sé á til-
tölulega þröngu sviði.“
En hvaða launsir eru það sem þau hjá Stika í Síðumúla eru fást við?
Stiki er hugbúnaðarfyrirtæki á sviði upplýsingaöryggis. Svana segir að
Stiki búi til hugbúnað sem eigi að tryggja:
að upplýsingarnar séu leynilegar og að trúnaðar sé gætt•
að upplýsingarnar séu aðgengilegar fyrir þá sem þurfa að nota •
þær
að upplýsingarnar séu réttar og áreiðanlegar •
að upplýsingarnar séu rekjanlegar og að uppruna réttar.•
Þetta eru allt vandamál sem hver tölvunotandi þekkir, sérstaklega
nú á þessum opnu Internet-tímum þegar allt virðist aðgengilegt en
enginn veit hverju er treystandi. Lausnir Stika nýtast í öllum greinum
atvinnulífsins. Þó hefur þjónusta Stika og samvinna einkum verið við
heilbrigðisgeirann og í viðskiptum. Stiki hefur meðal annars haft nána
samvinnu við Háskóla Íslands.
„Við notum alþjóðlega staðla og þróum hugbúnaðinn í samræmi
við það sem er í öðrum löndum,“ segir Svana. „Það er mikilvægt að
búa ekki til séríslenskar lausnir eins og stundum gerist. Staðlarnir
tryggja gæðin og eru forsenda þess að komast á stærri markað en þann
íslenska.“
Svana segir að Stiki hafi árið 2002 fengið vottun bresku staðlastofn-
unarinnar fyrir að fyrirtækið vinni sjálft samkvæmt gæða- og örygg-
isstöðlum og fyrir tveimur árum var dótturfélag stofnað í Bretlandi.
Núna er Stiki með söluskrifstofu í London og samstarfsaðila þar og
í Þýskalandi.
Árið 2007 kom einnig Nýsköpunarsjóður atvinnulífsins inn sem
einn eigenda Stika með 32 prósenta hlut. Áður áttu Svana og Bjarni
Þór Björnsson, stærðfræðingur og tæknilegur framkvæmdastjóri Stika,
fyrirtækið að hálfu hvort. Hann kom til Stika árið 1996. Um aðra
fjárfesta er ekki að ræða en núna er verið að gera kaupréttarsamninga
við starfsfólk þannig að það geti orðið meðeigendur.
„Við höfum leitað eftir erlendum fjárfestum en þeir eru tregir til að
fjárfesta á Íslandi, sérstaklega vegna veikleika krónunnar,“ segir Svana.
Hún segir að það myndi ótvírætt styrkja nýsköpun á Íslandi ef krón-
unni yrði kastað og Ísland yrði hluti af Evrópusambandinu eða að
minnsta kosti tengja krónuna við evruna.
Svana segir að markmið Stika nú sé að vaxa hratt og ná fótfestu á
erlendum markaði. Núna vinna 15 manns hjá fyrirtækinu á Íslandi
en æ meira af þróun hugbúnaðar er unnin hjá forritunarfyrirtæki í
Makedóníu.
„Við fáum ekki fólk innanlands og það hefur ekki orðið næg
nýliðun í tæknigreinum síðustu ár. Viðskiptagreinar hafa notið meiri
vinsælda,“ segir Svana og segir einnig að bankarnir hafi yfirboðið fólk
með tölvuþekkingu.
Svana segir að styrkur Stika umfram keppinautana felist í að bjóða
heildstæða lausn þar sem ráðgjöf er byggð inn í hugbúnaðinn.
„Hugbúnaðurinn hjálpar notandanum að fást við flókna hluti,“
segir Svana og allt er gert samkvæmt alþjóðlegum stöðlum og hefur
verið svo frá árinu 1998.
„Beiting alþjóðlegra staðla til að mæta kröfum viðskiptavina er for-
senda þess að komast á erlendan markað,“ segir Svana Helen Björns-
dóttir, framkvæmdastjóri Stika.
Stiki
vA l dIR S PRO TA R
„Beiting alþjóðlegra
staðla til að mæta
kröfum viðskiptavina
er forsenda þess að
komast á erlendan
markað,“
Svana Helen Björnsdóttir,
framkvæmdastjóri hugbúnaðarfyrirtækisins Stika:
MIKILvægT
AÐ STeFNA STRAx úT
Svana Helen Björnsdóttir, framkvæmdastjóri Stika.