Frjáls verslun - 01.07.2008, Blaðsíða 59
F R J Á L S V E R S L U N • 7 . T B L . 2 0 0 8 59
N æ r m y N d – g u ð B j ö r g e d d a e g g e r t s d ó t t i r
bjó ytra, enda dýrt að ferðast á milli landa á þesum tíma. Auk þess
var ekki talað í síma oft í viku heldur kannski einu sinni á ári, annars
einfaldlega skrifast á.
víðtæk starfsreynsla innan lyfjaiðnaðarins
Að námi loknu fluttist Guðbjörg Edda aftur heim og hóf störf hjá
lyfjaheildsölunni Farmasíu. Þar starfaði hún í fjögur ár við að sjá um
lyfjaskráningar, klínískar rannsóknir og að kynna lyf fyrir læknum,
sá að hluta til um innflutning og bar faglega ábyrgð á rekstri heild-
sölunnar.
Árið 1980 réð Guðbjörg Edda sig síðan til Pharmaco, nú Actavis,
og tók að sér að kynna fyrir íslenskum læknum þau lyf sem fyr-
irtækið framleiddi á þessum tíma. Þegar Delta, sem á þeim tíma var
dótturfyrirtæki Pharmaco, tók til starfa 1983 tók hún svo við starfi
þar sem markaðsstjóri og fór auk þess fljótlega að huga að skrán-
ingu lyfja erlendis. Eitt leiddi af öðru þar til Guðbjörg fór að sjá
um skráningar og sölu erlendis. Lengst af var hún þó markaðsstjóri
og síðan sviðsstjóri útflutnings- og þróunarsviðs hjá fyrirtækinu og
loks aðstoðarforstjóri Delta. Hún segist að námi loknu hafa haldið
að störf á rannsóknarstofu myndu eiga best við sig en eitt hafi leitt
af öðru eftir útskrift og hún sé ánægð með þá þróun. Hún telur sig
vera á réttri hillu í lyfjaiðnaðinum. Auk launaðrar vinnu starfaði
Guðbjörg Edda mikið fyrir fagfélag sitt, Lyfjafræðingafélag Íslands,
sat þar í stjórn í allmörg ár í ýmsum embættum, var varaformaður í
fjögur ár og formaður í önnur fjögur ár. En eftir að Delta hellti sér í
útrás af fullum krafti 1994 lét hún að mestu af félagsstörfum vegna
anna í starfinu.
fyrsta verulega breytingin
Guðbjörg Edda segir aðstoðarforstjórastarfið í raun vera fyrstu veru-
lega breytinguna á starfsferli sínum, þar sem sala lyfja erlendis er
ekki lengur hennar aðalábyrgðarsvið. Hún hefur nú tekið við ýmsum
starfsmönnum sem flestir heyrðu undir Sigurð áður. Auk þess að vera
staðgengill forstjóra ber hún ábyrgð á þeim einingum innan fyrirtæk-
isins, sem hafa umsjón með vexti og viðgangi lyfjaúrvals (portfolio
management), svo og einingum sem sjá um innkaup á lyfjum og
lyfjahugviti frá öðrum lyfjafyrirtækjum, markaðssetningu lyfja, sem
selja má án lyfseðils, svo og sjúkrahússlyfja. Allar þessar einingar hafa
mikil samskipti við sölu- og markaðsfólk Actavis um allan heim.
Hún verður því áfram á ferð og flugi í starfi sínu, en Íslandsmarkaður
heyrir einnig undir starfsvið Guðbjargar Eddu.
Ástralía heillar
Eiginmaður Guðbjargar Eddu er Eyjólfur Haraldsson og eiga þau
tvo uppkomna syni sem flognir eru úr hreiðrinu. Utan vinnunnar
segist hún fyrst og fremst reyna að vera sem mest með fjölskyld-
unni. Þau hjónin eiga ýmis sameiginleg áhugamál eins og ferðalög,
golf og stangveiði sem fjölskyldan hefur sinnt á sumrin í mörg ár og
segir Guðbjörg Edda þau vera veiðiklær í meðallagi. Af þeim stöðum
sem hún hefur heimsótt segir hún Ástralíu standa upp úr en þangað
hefur hún komið tvisvar sinnum og segir að tími sé kominn til að
fara í þriðja sinn. Þegar Guðbjörg Edda kom fyrst til Sidney hafi hún
hugsað með sér að þetta væri líklega eina erlenda borgin sem hún gæti
hugsað sér að búa í.
Aðstoðarforstjóri Actavis:
afkastamikil og skipulögð
Erla María Eggertsdóttir
kennari:
dúllar við matargerð
(Guðbjörg) Edda er litla systirin en það eru
tvö ár á milli okkar og þrjú skólaár. Sem
stelpur deildum við sama herbergi og hún
var leikfélagi minn meðan við vorum börn og
áttum sömu vinkonur, en það breyttist síðan
dálítið á unglingsárunum þegar við fórum
hvor í sinn skólann.
Þetta átti þó eftir að breytast aftur síðar
þegar við vorum báðar komnar með heim-
ili og fórum þá að ná saman aftur. Hún
var mjög rólegt barn, samviskusöm og sér-
staklega dugleg í skólanum, enda fór hún í
Kvennaskólann þegar barnaskóla lauk, en
það voru ekki allir sem komust þangað á
þeim árum.
Á fullorðinsárunum höfum við ferðast
heilmikið saman, bæði innanlands og utan.
Við erum báðar í golfi og höfum spilað
saman og farið í golfskóla í Danmörku. Þá
erum við líka með einskonar jeppaklúbb og
förum tvisvar á ári í jeppaferðir. Önnur ferðin
er gjarnan áramótaferð, þar sem við leigjum
bústað eða erum á hóteli og keyrum út frá
einhverjum stað, og síðan árleg páskaferð.
Það er mjög gott að leita til Eddu og hún
er tilbúin að gefa góð ráð þegar á reynir. Mér
finnst hún fyrst og fremst mjög skipulögð og
yfirveguð og afkastamikil, sem sýnir sig í að
hún kemst yfir ótrúlegustu hluti. Eins hefur
hún mikinn áhuga á matargerð og er góður
kokkur sem hefur gaman af að dúlla við
matargerðina og leitar þar ekkert endilega
eftir auðveldustu lausnunum.
Valur Ragnarsson,
framkvæmdastjóri hjá Actavis:
Hörkudugleg til vinnu
Við Guðbjörg Edda höfum unnið náið saman
síðastliðin sjö ár og hún er í alla staði mjög
traustur og góður yfirmaður. Það sem ein-
kennir hana er gríðarlega mikil þekking á því
starfsumhverfi sem við störfum í, bæði er
snýr að viðskiptalegum og faglegum hliðum.
Hún er sérlega afkastamikil og hörku-
dugleg til vinnu og hefur gengið í fararbroddi
í hvaða verkefni sem er þegar þess hefur
verið krafist. Það er gott að leita ráða til
Eddu og það vefst ekki fyrir henni að taka
ákvarðanir ef hún veit um hvað málið snýst,
jafnvel þó það geti verið óþægilegt að taka
afstöðu, sem er mikill kostur.
Fyrirtækið hefur vaxið gríðarlega hratt
og við höfum verið á sprettinum í mörg ár
og eins og gengur er vindurinn stundum í
fangið en Edda hefur alveg einstakt jafn-
aðargeð. Hún er algjör yfirburðastarfsmaður
á þessum vettvangi og á gríðarlega stóran
hlut í velgengni Actavis á undanförnum árum
og þeim grunni sem staðið hefur undir starf-
semi félagsins á árum áður. Bæði í starfi og
einkalífi er hún í góðu jafnvægi, jákvæð og
alltaf stutt í brosið og gleðina.
SAGT UM GUðBJÖRGU EDDU: