Frjáls verslun - 01.07.2008, Blaðsíða 76
76 F R J Á L S V E R S L U N • 7 . T B L . 2 0 0 8
S T J ó r N u N
Sigurður K. Kolbeinsson er 48 ára athafnamaður, búsettur í Kaupmannahöfn. Hann útskrifaðist sem viðskiptafræðingur frá Háskóla Íslands 1986 og hóf skömmu síðar störf
sem einn af framkvæmdastjórum Stöðvar 2, í árdaga þess
fyrirtækis. Þar starfaði hann fyrstu þrjú árin þar til hann
stofnaði heildverslunina Niko ehf. ásamt eiginkonu sinni,
Eddu Dagmar Sigurðardóttur, árið 1989.
Sigurður tók á sínum tíma eina stærstu stöðu sem ein-
staklingur hefur tekið innan DeCode þegar hann tók að
hluta til lán til að fjárfesta í fyrirtækinu og lagði allt sitt
undir, en andstætt ráðum um góða fjárfestingu snerist
dæmið við og svo fór að Sigurður mátti þola gjaldþrot og
missti nánast allt sitt. Nú, tæpum tíu árum síðar, rekur
hann alhliða ferðaþjónustufyrirtæki í Kaupmannahöfn
og unir hag sínum vel í borginni ásamt eiginkonu og
dætrum.
Á þeim tíma sem Sigurður keypti hlutabréfin í DeCode
hafði hann rekið heildsölufyrirtækið Niko í ein tólf ár.
„Gróðinn af hlutabréfaviðskiptum í DeCode blasti við
hinum megin við hornið og ég sá fyrir mér að borga þær
skuldir sem ég hafði safnað upp og lifa síðan góðu lífi með
fjölskyldunni. Að lokum endaði ég þó á því eins og margir
í dag, að brenna inni með fjárfestingar og tapaði þá um
tveimur milljónum dollara á þáverandi gengi. Þetta varð til
þess að ég seldi fyrirtækið og borgaði það sem hægt var að
borga. Síðan ákváðu bankarnir að fara í fullnustuaðgerðir
með fyrirtækið og mig í beinu framhaldi sem var í persónu-
legum ábyrgðum og þá kom að því að byrja upp á nýtt.
Þessi tími var erfiður og reyndi mjög á fjölskylduna sem
stóð þétt saman og á ég konunni minni mikið að þakka
fyrir stuðning hennar á þeim tíma,“ segir Sigurður.
Haldið inn á norskan markað
Sigurður ákvað nokkru síðar að byrja upp á nýtt í Dan-
mörku og fluttist til Kaupmannahafnar ásamt fjölskyldu
sinni þar sem hann stofnaði danska félagið Niko Nordic
sem upphaflega var stofnað til að flytja vörur frá Bandaríkj-
unum til Norðurlanda en varð síðar ferðaþjónustufyrirtæki
og hóf m.a. að selja ferðir til Íslands.
Innan fyrirtækisins er rekinn hótelbókunarvefurinn
www.koben.is eða Hótelbókanir í Kaupmannahöfn. Fyr-
irtækið sérhæfir sig í hótelbókunum á bestu hótelum
Kaupmannahafnar fyrir fólk í viðskiptaerindum, auk
skipulagningar á fundum og ráðstefnum fyrir hópa, svo
og skipulagningar fyrir afþreyingarhópa í nánu samstarfi
við Icelandair.
Fyrirtækið hefur smám saman byggst upp og starfssemi
þess hefur nú teygt sig til London og Stokkhólms en í haust
er stefnt að því að bjóða þjónustu í Osló. Sigurður segir að
SIGURðUR koLBEINSSoN:
FrESTAr ENgu
TiL MorguNS
Sigurður Kolbeinsson var þekktur í íslensku viðskiptalífi fyrir um tíu árum.
Hann tók eina stærstu stöðu sem einstaklingur hafði tekið innan DeCode og
fór flatt á því. En gjaldþrota reis hann upp úr öskustónni. Hann rekur núna
ferðaþjónustufyrirtæki í kaupmannahöfn.
TExTI: maría ólafsdóttir • MyNDIR: lára long