Frjáls verslun - 01.07.2008, Blaðsíða 97

F R J Á L S V E R S L U N • 7 . T B L . 2 0 0 8 97
S p A r i S J ó ð i r N i r
Þ
að er vægt til orða tekið þegar sagt er að harðir vindar
hafi blásið um nokkra af stærstu sparisjóðum landsins í
sumar. Staða þeirra hefur verið í brennidepli og segja má
að samnefnari umræðunnar sé sú bylgja sem gengið hefur
yfir Sparisjóð Mýrasýslu sem endaði á því að Kaupþing
dró sparisjóðinn að landi og eignaðist 70% hlut í honum og Straum-
borg Jóns Helga Guðmundssonar eignaðist 10%. Borgarbyggð, sem
átti sparisjóðinn að fullu áður, á því aðeins 20% hlut núna.
Sparisjóður Mýrasýslu hefur ævinlega auglýst undir yfirskriftinni
„Hornsteinn í héraði“ og þar í héraði er nú mörgum manninum
brugðið – og þar eru margir ævareiðir. Borgarbyggð átti stofnféð í
sjóðnum en ekki einstaklingar þannig að tap sjóðins snertir hinn
almenna íbúa á svæðinu beint.
Þetta mál hefur verið afar eldfimt í Borgarfirði og þar eru margir
ævareiðir út í stjórnendur sparisjóðsins og ekki síst fyrir að hafa tekið
hlutfallslega svo stóra stöðu í Exista – en hrun Existabréfanna hefur
leikið sparisjóðinn grátt. Þá lánaði Sparisjóður Mýrasýslu helstu
stjórnendum Icebank fyrir hlutabréfum í Icebank og var eingöngu
með veð í sjálfum bréfunum. Þessi viðskipti komust í hámæli í sumar
þegar Fjármálaeftirlitið gerði athugasemd við að þessi lán næmu 20%
af eigin fé sjóðsins og setti út á eiginfjárhlutfallið í kjölfarið. Það var
þá sem hornsteinninn varð valtari og steinar tóku að rúlla; það nötr-
aði allt í Borgarfirðinum.
Víða er ókyrrð í baklandi sparisjóðanna yfir því hvernig
málum er komið fyrir stærstu sparisjóðunum. Hrun hluta-
bréfamarkaðarins hefur leikið þá grátt. Margir sparisjóðir
hafa tapað á eigin fjárfestingum í hlutabréfum; sér-
staklega í Exista, og þá er ljóst að þeir sitja uppi
með mismunandi trygg lán til fjárfesta á
hlutabréfamarkaðnum. Margir velta því
fyrir sér hvers vegna sparisjóðirnir gripu
ekki til þess ráðs fyrir síðustu áramót, þegar halla tók undan fæti á
hlutabréfamarkaði, að selja ekki bréfin af hreinum og klárum örygg-
isástæðum.
ari teitsson:
Formúlan er einföld
Það er fróðlegt að vísa í nýlegt viðtal Ríkisútvarpsins við Ara Teitsson,
bónda á Hrísum í Þingeyjarsýslu og stjórnarformann Sparisjóðs
Suður-Þingeyinga, þar sem hann sagði að það væri óþolandi rugl
að sparisjóðirnir í landinu gætu ekki rekið sig sjálfir. En Sparisjóður
Suður-Þingeyinga hagnaðist um tæplega 53 milljónir á fyrstu sex
mánuðum ársins.
Haft var eftir Ara að lykillinn að velgengni sparisjóðs Suður-Þing-
eyinga væri sá að hann ætti ekkert í Exista, væri löngu búinn að selja
hlut sinn í Kaupþingi og hefði ekki tekið erlend lán. Formúlan væri
einföld: Útlán takmörkuðust af innlánsfé.
Guðjón Guðmundsson,
Sambandi íslenskra sparisjóða:
í höndum stjórnmálamanna
hvort sparisjóðirnir hverfi
Guðjón Guðmundsson, framkvæmdastjóri Sam-
bands íslenskra sparisjóða, segir að almennt
séu sparisjóðir í góðri stöðu en nokkrir
hafi þó tapað umtalsverðum fjár-
munum vegna lækkunar hluta-
Hrun hlutabréfamarkaðarins hefur leikið nokkra af stærstu sparisjóðunum grátt.
Guðjón Guðmundsson, framkvæmdastjóri Sambands íslenskra sparisjóða, segir
hins vegar að almennt standi sparisjóðirnir í landinu vel en óvissa ríki um framtíð
þeirra. rúlla þessir hornsteinar í héraði inn í stóru bankana á næstu misserum?
HorNSteiNAr
í HérAði