Frjáls verslun - 01.11.2009, Síða 55

50 græjurnarBestu
F R J Á L S V E R S L U N • 1 1 . T B L . 2 0 0 9 55
HTC tryggja að notandinn hefur fjölmarga möguleika á að sérsníða
símann.
17. MIcroSoft Zune hd
stafrænn tónlistar- og myndspilari (verð sennilegast frá 60.000 kr.,
www.zune.com). Þetta er sá Zune-spilari sem við hefðum viljað
sjá frá Microsoft strax á síðasta ári – hann er öflugri, einfaldari í
notkun og betur hannaður en fyrirrennari hans. Zune er frábær til
að horfa á háskerpumyndir í sjónvarpinu og hlusta á tónlist auk
þess sem hinn vel heppnaði Zune 4.0 hugbúnaður gerir notkunina
enn ánægjulegri.
18. G-dAtA Internet SecurIty 2010
Öryggishugbúnaður (u.þ.b. 4.000 kr. fyrir eina tölvu, www.gdata-
software.com). Besti öryggishugbúnaðurinn sem við prófuðum á
þessu ári er þessi lítt þekkti hugbúnaðarpakki frá G-Data. Þrátt fyrir
að notendaskilin stíli einkum inn á lengra komna tölvunotendur
eru þau nægilega skýr til að flestir ættu að geta lært inn á búnaðinn
– og verðið er samkeppnishæft þar að auki.
19. lenovo thInkpAd t400S-línAn
Fartölvur (verð frá 381.900 kr. hjá www.netverslun.is). Snemma
á árinu gaf Lenovo út trausta alhliða fartölvu. Með T400s
línunni tókst Lenovo hins vegar að minnka þykkt þeirrar tölvu
um helming og bæta við fjölsnertifleti til að nýta betur þann
möguleika Windows 7 stýrikerfisins. Frábær valkostur fyrir
viðskiptaferðalangana.
20. BoXee
Netsjónvarpsþjónusta (ókeypis, www.boxee.com). Úrvalið hefur
aldrei verið meira þegar kemur að netuppsprettum fyrir sjónvarp og
annað myndefni. Hugbúnaður Boxee fyrir Windows, Mac og Linux
safnar þessu öllu saman á einn stað – ókeypis.
21. SAndISk eXtreMe
pro coMpActflASh cArd
Minniskort (99.900 kr. fyrir 16 GB hjá www.sm.is).
Extreme Pro CompactFlash minniskortin eru gríðarlega hraðvirk,
enda með allt að 90 megabæta les/skrifhraða. Það kostar sitt, en er
þess virði fyrir ljósmyndara sem vilja ekki missa af einu einasta skoti
í fullum gæðum.
22. Apple Iphone 3GS
snjallsími (139.900 kr. t.d. hjá www.nova.is). Loksins kom hann
til Íslands, en hann kostar líka sitt. iPhone-síminn frá Apple hefur
farið sigurför um heiminn frá því hann kom fyrst á markað, enda
bæði flottur og fjölhæfur. 3G-línan er nýjasta útgáfan af símanum
og hún hefur ýmislegt fram yfir eldri iPhone-síma eins og t.d.
vídeótökumöguleika.
23. hp envy 13
Fartölva (grunnverð sennilega frá 350.000 kr., www.hp.com).
Þessi ofurlétta fartölva minnir helst á MacBook, eitt helsta flaggskip
Apple, hvað varðar flotta hönnun. Ýmsir hágæða íhlutir tryggja það
að þessi PC-tölva er enginn eftirbátur fyrirmyndarinnar.
24. AteBItS tweetIe 2
iPhone forrit (ókeypis, www.atebits.com/tweetie-iphone). Besta
Twitter-forritið fyrir iPhone. Flott notendaskil og einfaldleiki
Tweetie 2 tryggja að þeir sem eiga iPhone geti auðveldlega nýtt sér
alla helstu eiginleika Twitter á símanum sínum.
25. pAnASonIc luMIX dMc-Gf1
stafræn myndavél (189.900 kr. á www.fotoval.is). Þetta er strangt
til tekið ekki stafræn SLR-myndavél, en e.t.v. það næsta sem hægt er
að komast án þess að fara alla leið. Hægt er að skipta um linsur og
taka 720p háskerpuvídeó með sjálfvirkum fókus auk margra annarra
eiginleika.
26. XMArkS
Vafraviðbót (ókeypis, www.xmarks.com). Þetta er algjör nauðsyn
fyrir þá sem nota margar mismunandi tölvur og vilja hafa sömu
bókamerkin í vöfrum þeirra allra. Ef bókamerki er breytt á einni tölvu
uppfærist það sjálfkrafa á öðrum tölvum sem eru með viðbótina upp-
setta. Virkar fyrir Internet Explorer, Firefox, Safari og Google Chrome.
19 Thinkpad kemst oftast inn á
topp 100 lista PC World - í þetta
sinn var það T400s-línan.
Nýjasti iPhone-síminn frá Apple er að sjálfsögðu á listanum.
Panasonic Lumix GF1 er ein flottasta myndavélin á markaðnum.