Læknablaðið - 01.03.2015, Blaðsíða 54

174 LÆKNAblaðið 2015/101
Frá stjórn Félags áhugamanna
um sögu læknisfræðinnar
Dagana 12.-16. ágúst 2015 verður norræna þingið um sögu læknisfræðinnar haldið hér á landi. Þetta
þing, sem er hið 25. í röðinni, er haldið annað hvert ár og var síðast á Íslandi árið 2005. Það þing
heppnaðist mjög vel og varð mikil lyftistöng fyrir félagið okkar. Rétt er að geta þess að þó að þingið sé
norrænt þá koma gestir víðar að á það. Eins og hefð er fyrir, þegar þingið er haldið hér á landi, leggjum
við land undir fót og förum með þinggesti í dagsferð. Förinni er nú heitið til Vestmannaeyja þar sem
við hlýðum á fyrirlestra um baráttuna við ungbarnadauðann í Vestmannaeyjum og fjöllum um áhrif
eldgosa á söguna. Þá gefst einnig tækifæri til að skoða landslag og gosminjar í Vestmannaeyjum.

Stjórn FÁSL hvetur áhugasama samlanda til að koma á þingið og ennþá er mögulegt að senda inn
ágrip til flutnings. Skráðir meðlimir í FÁSL fá ráðstefnugjald á lægra verði. Allar frekari upplýsingar
koma fram á heimasíðu þingsins og slóðin á hana er: https://events.artegis.com/event/sagalaek2015

Þeir sem vilja leita frekari upplýsinga um skráninguna og þingið eru beðnir að senda póst á:
conferences@icelandtravel.is
Óttar Guðmundsson, formaður FÁSL
Barnalæknir á Þroska- og hegðunarstöð
Heilsugæslunnar
Laust er til umsóknar starf sérfræðings í barnalækningum eða barna- og unglingageðlæknis við Þroska- og hegðunarstöð. Um er að ræða
allt að 100% starfshlutfall eftir nánara samkomulagi. Æskilegt er að viðkomandi getið hafið störf sem fyrst eða eftir nánara samkomulagi.
Þroska- og hegðunarstöð er miðlæg sérhæfð starfseining innan Heilsugæslu höfuðborgarsvæðisins. Stöðin er mönnuð þverfaglegum
starfshópi sem sinnir m.a. greiningu, ráðgjöf, meðferð, fræðslu, rannsóknum, framþróun og starfsþjálfun í tengslum við börn sem hafa frávik
í þroska, hegðun og/eða líðan. Markhópur starfseminnar eru börn að 18 ára aldri og foreldrar þeirra.
Helstu verkefni og ábyrgð
Starf barnalæknis/barna- og unglingageðlæknis felst einkum í greiningu, ráðgjöf og meðferð barna með þroska- og hegðunarvanda í
þverfaglegu samstarfi við aðra sérfræðinga stöðvarinnar. Boðið er upp á fjölbreytt starf í örvandi starfsumhverfi og góðum starfsanda.
Hæfnikröfur
Leitað er að umsækjanda sem er sérfræðingur í barnalækningum eða barna- og unglingageðlækningum. Til greina kemur að ráða sér-
fræðing í heimilislækningum með áhuga á greiningu og meðferð vegna þroska- og hegðunarfrávika barna eða lækni í sérfræðinámi í áður-
nefndum sérgreinum. Mikilvægur eiginleiki er færni í mannlegum samskiptum og áhugi og vilji til að starfa í þverfaglegu teymi.
Frekari upplýsingar um starfið
Laun eru samkvæmt kjarasamningi Læknafélags Íslands og fjármálaráðherra fyrir hönd ríkissjóðs.
Umsókn skal fylgja ítarleg náms- og starfsferilsskrá. Jafnframt skal leggja fram staðfestar upplýsingar um læknismenntun og fyrri störf,
ásamt staðfestu afriti af opinberu starfsleyfi. Umsækjendum sem uppfylla hæfnikröfur verður boðið í viðtal og byggir ráðning á frammistöðu
í viðtali, umsögnum og innsendum gögnum. Gögn sem ekki er hægt að senda rafrænt skulu berast Svövu Þorkelsdóttur, mannauðsstjóra
Heilsugæslu höfuðborgarsvæðisins, Álfabakka 16, 109 Reykjavík.
Öllum umsóknum verður svarað þegar ákvörðun um ráðningu hefur verið tekin. Tekið er mið af jafnréttisstefnu Heilsugæslu
höfuðborgarsvæðisins við ráðningu í störfin. Umsókn getur gilt í 6 mánuði.
Sækja skal um störfin á starfatorg.is eða á vef Heilsugæslu höfuðborgarsvæðisins undir „laus störf“.
Umsóknarfrestur er til og með 9. mars. 2015
Nánari upplýsingar um starfið veitir Gyða Haraldsdóttir forstöðumaður Þroska- og hegðunarstöðvar í síma 585-1350
eða gyda.haraldsdottir@heilsugaeslan.is

HH Þroska- og hegðunarstöð Heilsugæslunnar
Þönglabakkia 1, 109 Reykjavík