Frjáls verslun - 01.04.2005, Side 8

KYNNING8 F R J Á L S V E R S L U N • 4 . T B L . 2 0 0 5
Á
rið 1993 stofnuðu bræðurnir Friðrik og Jóhannes Larsen
fyrirtæki sem sérhæfði sig í því að selja og merkja boli. Það
fékk nafnið Bros-bolir. Fyrirtækið var fljótt að ná fótfestu
og hefur verið í stöðugri sókn síðan og nú er svo komið að
fyrirtækið selur og merkir nánast allan fatnað og auglýsingavörur
sem fyrirtæki og félög geta notað í sínu kynningarstarfi. Nafni
fyrirtækisins var breytt og heitir það nú einfaldlega Bros. Frá upphafi
hefur allt kapp verið lagt á að finna erlenda framleiðendur sem bjóða
vandaðar vörur og geta afgreitt þær með stuttum fyrirvara á góðu
verði. Sturlaugur Þór Halldórsson er sölu- og markaðsstjóri Bross og
var hann beðinn að segja frá fyrirtækinu og starfsemi þess:
„Við sérhæfum okkur í að merkja vörur og með sanni má segja
að mikil fjölbreytni er hjá okkur hvað þetta varðar. Við flytjum inn
megnið af þeim vörum sem við merkjum og erum í dag með mikið
af góðum umboðum sem bjóða uppá vandaðar vörur. Í upphafi hét
fyrirtækið Bros-bolir og þá var nánast eingöngu unnið í að merkja
boli og erum við leiðandi á þeim markaði enn þann dag í dag og
seljum um 150 þúsund stuttermaboli á ári. Starfsemin hefur síðan
víkkað jafnt og þétt eftir því sem fjölbreytnin hefur aukist.“
Miklar breytingar á stuttum tíma Bros hefur frá upphafi verið til
húsa í Síðumúla 33 í Reykjavík og hefur nú yfir að ráða 1500 fermet-
rum í húseigninni. Starfsmenn eru 25, þar af 5 sölumenn.
Samheldinn hópur starfar hjá fyrirtækinu. Allt starfsfólkið leggst
á eitt um að finna réttu lausnina þegar fyrirtæki og félög leita að
gjöfum handa starfsfólki og viðskiptavinum. Ávallt er leitast við að
ná fram hagstæðustu kjörum.
Sturlaugur segir að stærsta breytingin á rekstri fyrirtækisins hafi
orðið árið 2000. „Þá byrjuðum við í gjafavörunum. Í framhaldi af því
kaupum við Fjölprent, en það fyrirtæki var aðallega í fánum og silki-
prentuðum miðum. Síðar kaupum við fyrirtækið Snara sem var með
auglýsinga- og hátíðarvörur og Bros stækkar enn. Þessum kaupum
fylgdu umboð sem bættust við þau umboð sem Bros var með fyrir. Í
framhaldi af þessum höfum við enn verið að auka við starfsemina og
erum við nýlega komnir með umboð fyrir sérlega vandaðan Storm-
tech útivistar- og golffatnað. Stormtech hefur 25 ára reynslu af fram-
leiðslu á hágæða útivistarfatnaði fyrir kröfuharðan markað Kanada
og Norður-Ameríku. Einnig hafa þeir um árabil verið leiðandi í sölu
og framleiðslu á golffatnaði.“
Sérstakar gjafir Bros hefur einnig góð sambönd við fyrirtæki sem
standa utan við auglýsingavörumarkaðinn þannig að flestir ættu
að geta fundið vöruna sem þá vantar með þeirra hjálp. „Við leitum
stöðugt að nýjum fyrirtækjum sem bjóða frambærilegar vörur á
góðu verði. Og í dag horfum við sérstaklega til þeirra sem framleiða
vandaðar klassískar hönnunar- og gjafavörur.“
TEXTI: HILMAR KARLSSON
BROS - AUGLÝSINGAVÖRUR:
VANDAÐAR VÖRUR
AFGREIDDAR MEÐ STUTTUM FYRIRVARA
Bros er til húsa að Síðumúla 33.