Frjáls verslun - 01.04.2005, Page 20

FORSÍÐUGREIN
20 F R J Á L S V E R S L U N • 4 . T B L . 2 0 0 5
Þ
að ráku margir upp stór augu þegar sagt var frá því í lok
apríl sl. að eigendur veitingastaðarins Greifans á Akureyri
hefðu tekið Hótel Borg á leigu. „Innrásin að norðan,“ varð
sumum á orði. Þetta var þó engan veginn fyrsta hótelið
sem þeir tóku yfir. Vanir menn. Eignarhaldsfélagið Greif-
inn hf. rekur Veitingastaðinn Greifann og 6 hótel. Það er
með 165 manns í vinnu og áætluð velta þessa árs er um 800 milljónir
kr. Það er í raun hægt að tala um íslenska hótelkeðju.
„Frá árinu 2000 höfum við keypt eða tekið yfir rekstur þriggja
hótela á Akureyri, tveggja í Reykjavík og eins við Mývatn. Ekkert af
þessu þótti hins vegar jafn fréttnæmt og þegar við tókum við rekstri
Hótel Borgar,“ segir Páll Lárus Sigurjónsson, framkvæmdastjóri
Keahótela ehf., dótturfélags Eignarhaldsfélagsins Greifans hf.
Jóhannes á Borg var Akureyringur
„Stundum er sagt að sagan fari í hringi. Segja má að Borgin sé aftur
komin í akureyrskar hendur því stofnandi þess og fyrsti eigandi,
Jóhannes Jósepsson á Borg, var fæddur og uppalinn Akureyringur
eða Oddeyringur eins og hann sagði sjálfur. En án allrar kerskni,
þá erum við afar meðvitaðir um sögu og virðuleika Hótel Borgar
og stoltir að fá þetta tækifæri en hótelið er það sjötta sem rekið er
undir hatti Keahótela,“ segir Páll og útilokar ekki frekari umsvif í
hótelrekstri í Reykjavík.
Byrjaði í pítsubakstri
Eins og öll góð ævintýri, þá byrjar saga Greifans á orðunum „einu
sinni var...“ Árið var 1989 og stofnandinn, Hlynur Jónsson, sem nú
er framkvæmda- og fjármálastjóri Eignarhaldsfélagsins, var 22 ára
matreiðslunemi á Hótel Kea. Nemalaunin voru ekki svimandi há
og þegar honum var boðið ásamt öðrum félaga að baka pítsur í
aukavinnu á skemmtistaðnum Bleika fílnum sem rekinn var í Hafnar-
stræti á Akureyri, þekktist hann boðið.
„Þetta var í janúar og við félagarnir keyptum tæki og tól á okkar
reikning og byrjuðum að baka pítsur á bjórdeginum, 1. mars 1989.
Þær urðu hins vegar fljótlega svo vinsælar að það sem átti bara að
vera aukavinna á meðan á náminu stóð varð, á nokkrum mánuðum,
að aðalvinnu og á endanum varð námið að víkja. Á Bleika fílnum
vorum við í rúmt ár eða þar til skemmtistaðurinn varð gjaldþrota
og húsnæðið innsiglað en þá vorum við félagarnar á götunni
með ofninn okkar, tæki og tól. Við tókum hins vegar fljótlega þá
Hótel Kea á Akureyri. Stendur á einu þekktasta horni bæjarins.
Hótel Borg við Austurvöll í Reykjavík, hjarta borgarinnar.
INNRÁSIN
AÐ NORÐAN