Tímarit Máls og menningar - 01.04.1959, Side 106

TÍMARIT MÁLS OG MENNINGAR
dæma; „að býtta henni“ (I, 199), og „fyrir
ári síðan“, sem kemur fyrir a. m. k. þrisv-
ar. — Af öðrum toga er hinsvegar rangbeyg-
ing orðsins hönd, sem kemur fyrir á nokkr-
um stöðum, orðasambandið „draup höfði“
(II, 45 og 291), „hverjum“ í stað „hvorum“,
þar sem um tvo er að ræða (þrisvar á bls.
178, II) og „ljóstaður" (II, 405 — í staðinn
fyrir „lostinn", sem mun vera a. m. k. al-
gengari orðmynd). -— Loks vil ég til gam-
ands benda hatursmönnum bókstafsins „y“
á hænu eina framtakssama, sem um getur á
bls. 170 í fyrra bindi. Þeim góðu herrutn
finnst víst ekkert athugavert, þótt hún laum-
aðist út úr girðingu „til þess að frílista sig“.
Eg fæ aftur á móti ekki annað séð en hún
hafi strokið í því skyni einu að láta skrá sig
á einhverskonar frílista, og efast ég þó um,
að liöf. hafi viljað gefa nokkuð slíkt í skyn.
Þetta síðasttalda — og reyndar fleira —-
kann að vera sök prófarkalesara, og urn
prófarkalesturinn er það að segja, að hann
hefði mátt vera betri á jafn vandaðri bók í
útgáfu að öðru leyti.
En því skyldi maður vera að festa sig við
aðra eins smámuni? Miklu nærtækara er að
hugleiða það, hvort bók sem þessi geti ekki
orðið til mikils gagns — auk skemmtunar
— íslenzkum almenningi einmitt í dag, þeg-
ar upp er að rísa glæpastétt unglinga meðal
vor, vistmenn fangelsanna strjúka svotil
daglega — ellegar taka í eigin hendur hús-
bændavaldið innan þeirra veggja þar sem
hrúgað er saman afbrotamönnum allskyns
tegunda og án tillits til aldursmunar. Skyldu
t. d. íslenzkir uppeldisfrömuðir og aðrir
framámenn um velferð æskunnar á landi
hér ekki geta lært eitthvað af þessari hók?
— Eða er e. t. v. sannleikurinn sá, að rót-
tæk bylting þurfi að eiga sér stað í einu
þjóðfélagi, hylting á grundvelli nýrrar lífs-
trúar og jafnréttishugsjóna, svo að menn
eins og A. S. Makarenko fái lagt fram
krafta sina með varanlegum árangri?
Elías Mar.
96