Tímarit Máls og menningar - 01.03.1982, Side 12

Ádrepur
Þetta Tímaritshefti er að nokkrum hluta helgað skáldverkum Halldórs Laxness
í tilefni af áttræðisafmæli hans nú í vor. Rétt er að geta þess að þeirri umfjöllun
er alls ekki þar með lokið; m. a. mun Peter Hallberg skrifa í næsta hefti um
sjálfsævisögulegar skáldsögur Halldórs frá síðustu árum.
Ritstjórn Tímaritsins hefur nú bæst góður liðsauki. Silja Aðalsteinsdóttir
hefur verið ráðin meðritstjóri frá og með þessu hefti. Um leið — og samfara
nýjum tækjakosti í prentsmiðju — sjáum við kannski fram á uppfyllingu þess
gamla draums að geta gefið út Tímaritshefti á tveggja mánaða fresti. Stefnt er að
útgáfu fimm hefta í ár og sex hefta siðan, frá og með árinu 1983.
Þessi breyting mun í ár hafa í för með sér örlítið meiri hækkun á félagsgjaldi
en almenn verðlagshækkun segir til um. Þó verður félagsgjald enn nokkru lægra
en nemur verði einnar meðalbókar, en blaðsíðutala hvers árgangs er þegar
komin á sjötta hundraðið. A móti vonumst við til að geta vandað enn betur til
Tímaritsins, sótt efnisföngin víðar að, gert það að virkari vettvangi brýnnar
menningarlegrar og þjóðfélagslegrar umræðu.
Rétt er að segja deili á tveimur höfundum sem ekki hafa áður birt hér efni.
Árni Sigurjónsson er f. 1955. Hann hefur lokið B.A. prófi í bókmenntum og
sálarfræði frá HÍ og er nú í doktorsnámi í bókmenntum við Stokkhólmshá-
skóla. Dr. Gunnar Kristjánsson er f. 1945. Að loknu guðfræðiprófi 1970
dvaldist hann eitt ár í Bandaríkjunum og lauk Mastersprófi í guðfræði Paul
Tillich við Bostonháskóla. Gunnar vígðist síðan til Vallaness og sat þar 1971 — 5
en hélt þá til Þýskalands og varði við háskólann í Bochum doktorsritgerð sína
um trúarlegar fyrirmyndir og kristileg minni í Heimsljósi Halldórs Laxness.
Gunnar er nú prestur á Reynivöllum í Kjós. j.
Böávar Guðmundsson
Á hröðu undanhaldi
Ef saga andstöðunnar við erlendan her á Islandi er skoðuð kemur margt
undarlegt i Ijós. Bæði undarlegt og ljótt. Eins og allir vita hefur hún fyrst og
2