Tímarit Máls og menningar - 01.09.1997, Qupperneq 11

Friðrik Rafnsson
Nokkrir punktar úr ævi
Nietzsches
Friedrich Wilhelm Nietzsche var þýskur heimspekingur, skáld og
sérfræðingur í klassískum textafræðum. Hann er sennilega sá hugs-
uður 19. aldarinnar sem einna mest áhrif hefur haft á heimspekinga
og rithöfunda á þessari öld.
Hann fæddist þann 15. október 1844 í bænum Röcken í þáverandi Prúss-
landi. Faðir hans, sem var lúterskur prestur, lést þegar Nietzsche var fimm
ára að aldri. Hann var því alinn upp af móður sinni, en auk þess voru amma
hans, systir og tvær frænkur í heimili þar. Hann lagði stund á klassíska
textafræði við háskólana í Bonn og Leipzig og var skipaður kennari við
háskólann í Basel þegar hann var 24 ára. Hann varð að hætta kennslu m.a.
af heilsufarsástæðum árið 1879, en hann þjáðist allt sitt líf af mígreni og
sjóndepru. Tíu árum síðar varð hann geðveikur og læknaðist ekki af þeirri
veiki það sem hann átti eftir ólifað. Hann lést í Weimar þann 25. ágúst 1900.
Nietzsche var undir miklum áhrifum frá grískri menningu, einkum heim-
spekingunum Platóni og Aristotelesi, en hugsun hans var einnig mjög mótuð
af þýska heimspekingnum Arthur Schopenhauer, þróunarkenningu Dar-
wins og vináttu Nietzsches og þýska tónskáldsins Richards Wagner.
TMM 1997:3
9