Frjáls verslun - 01.10.2007, Síða 35

F R J Á L S V E R S L U N • 1 0 . T B L . 2 0 0 7 35
Almannatengslafyrirtæki
Elsta almannatengslafyrirtæki landsins er KOM (Kynning og
markaður) sem er í eigu Jóns Hákonar Magnússonar, gamalreynds
blaðamanns og fjölmiðlahauks, en það fyrirtæki var stofnað árið
1986. Hjá því fyrirtæki starfa aðrir þekktir fjölmiðlamenn, s.s.
Þorsteinn G. Gunnarsson og Snorri Sturluson og þar vann til
skamms tíma Sigurður Sverrisson sem farinn er utan til náms.
Annar gamalreyndur í hettunni er Gunnar Steinn Pálsson, sem
var auglýsingastjóri og blaðamaður við Þjóðviljann, en hann fór út
í rekstur auglýsingastofu árið 1979 en síðustu tíu árin hefur hann
starfrækt eigið almannatengsla- og kynningarfyrirtæki sem nefnist
GSP samskipti. Annar fyrrum Þjóðviljamaður, sem hefur langa
reynslu af kynningarmálum, er Einar Karl Haraldsson en hann
var nú síðast ráðinn í starf ráðgjafa Össurar Skarphéðinssonar
iðnaðarráðherra. Þeir Gunnar Steinn og Einar Karl hafa um árabil
verið ráðgjafar Kaupþings í almannatengslamálum.
Af öðrum stærri almannatengslafyrirtækjum landsins má fyrst
nefna Athygli ehf. sem stofnað var árið 1989 en fyrirtækið er með
starfsstöðvar í Reykjavík og á Akureyri. Þar halda um stjórnvölinn
fyrrum blaða- og fréttamennirnir Valþór Hlöðversson og Atli
Rúnar Halldórsson. Aðrir starfsmenn úr fjölmiðlastétt eru m.a. Árni
Þórður Jónsson, Gunnar E. Kvaran, Jóhann Ólafur Halldórsson,
Óskar Þór Halldórsson og Sigurður Bogi Sævarsson. Þess má geta
að Sigurður Bogi skrifar reglulega greinar í tímarit samhliða störfum
sínum hjá Athygli.
AP almannatengsl
Annað stórt fyrirtæki á þessum vettvangi er AP almannatengsl ehf.
sem er fyrirtæki Áslaugar Pálsdóttur. Hún er með meistaragráðu
í almannatengslum og hefur því nokkuð annan bakgrunn en flestir
aðrir stjórnendur slíkra fyrirtækja. Hjá AP almannatengslum starfa
m.a. fyrrum blaðamennirnir Haukur L. Hauksson og Kristinn Jón
Arnarson.
Á Akureyri er starfrækt almannatengslafyrirtækið Fremri ehf. sem
Bragi V. Bergmann, fyrrverandi ritstjóri Dags, stofnaði á sínum
tíma.
Af nýrri almannatengslafyrirtækjum er hægt að nefna til
sögunnar Íslensk almannatengsl ehf. sem Ómar R. Valdimarsson
stofnaði en hjá því fyrirtæki starfar m.a. Sigurður Sigurðarson sem
margreyndur er í útgáfustarfsemi. Bæjarútgerðin ehf. er nýlegt
ú r b l a ð a m e n n s k u í a l m a n n a t e n g s l
ALMANNATENGLAR
ÍSLANDS
eggert Skúlason. Ásgeir Friðgeirsson. erna Indriðadóttir.
ÞAU ERU Á MEÐAL 34 FRÉTTAMANNA SEM SINNA NÚ ALMANNATENGSLUM