Frjáls verslun - 01.10.2007, Blaðsíða 50

50 F R J Á L S V E R S L U N • 1 0 . T B L . 2 0 0 7
miklu minni hér en almennt gerist. Þetta er
hins vegar töluvert vandamál víða erlendis þar
sem s.s. sveppir, skordýr og veirusýkingar gera
ræktendum oft lífið leitt. Einnig má nefna að
við kynnum okkar framleiðslu sem „biorisk
free“ en með því er m.a. átt við að þar sem
sérvirku próteinin okkar eru ekki framleidd
með bakteríum, eins og algengast er, þá er
styrkur svokallaðra endótoxína nánast ekki
mælanlegur.
Endótoxín eru aukaafurð sem verður til í
framleiðslu á sérvirkum próteinum í bakteríum
og við getum stutt það vísindalegum rökum að í okkar afurðum er 100
til 1000 sinnum minna af þessum óæskilegu aukaefnum. Við erum
sömuleiðis með mjög lága prótesavirkni en þetta eru
ensím sem geta brotið prótein niður. Því eru líkurnar
á því að próteinið okkar skemmist mun minni en
hjá samkeppnisaðilunum. Loks má svo geta þess að
ofnæmisvirknin eða hitamyndunarvirknin er miklu
lægri hjá okkur.“
Fyrsta lyfið verður fyrir krabbameinssjúklinga
Að sögn Björns er nú þegar búið að ákveða
hvaða lyf verður fyrst farið með í þróun í Kína.
Fræðiheiti þess er granulocyte colony-stimulating
factor. Í dag er á markaði lyf með sambærilega
verkun sem heitir Filgrastim en það er þekkt hérlendis undir
heitinu Neupogen.
o r f l í f t æ k n i
SÖGuLeG STuNd
Björn Lárus Örvar, framkvæmdastjóri ORF Líftækni, og Yin Xiaohong frá Sinopharm handsöluðu samninginn í Kína. Í aftari röð eru
Júlíus Kristinsson, stjórnarformaður ORF, Gunnar Snorri Gunnarsson, sendiherra í Kína, Ólafur Ragnar Grímsson, forseti Íslands,
Jón Ásbergsson, framkvæmdastjóri Útflutningsráðs, og fulltrúar Sinopharm.
Það vakti athygli allra sem hlustuðu á
forseta Íslands, Ólaf Ragnar Grímsson,
flytja ávarp við undirskrift ORF Líftækni
við kínverska lyfjarisann Sinopharm í
Kína nýlega hvað hann var ótrúlega
hástemmdur um þetta lítt þekkta
íslenska líftæknifyrirtæki.
Það duldist engum að þetta
fyrirtæki er í miklu uppáhaldi hjá
forsetanum. Hann sagði í ræðu
sinni að það vekti hjá honum mikla
ánægju og væri honum sérlega mikils
virði að fyrirtæki sem væri sprottið
upp úr menntun og rannsóknum
háskólaumhverfisins væri að taka svo
stórt skref í Kína. Hann hefði ætíð
lagt áherslu á mikilvægi menntunar,
rannsókna og þekkingar í útrásinni.
Samningurinn við Sinopharm,
stærsta lyfjafyrirtækis í Kína, er um
samstarf í þróun, framleiðslu og sölu á
líftæknilyfjum.
ORF Líftækni hefur þróað aðferð til
að framleiða sérvirk prótein í lyfjaþróun
og lyfjagerð á mun öruggari og ódýrari
hátt en áður hefur þekkst.
Forsetinn hældi þeim í hástert
„Við vonumst til að
öðlast dýrmæta reynslu
í kína og að út úr því
verkefni komi lyf sem
virki ekki verr en þau
sem fyrir eru á markaði,
séu mun ódýrari og
uppfylli ströngustu
gæðastaðla.“