Frjáls verslun - 01.10.2007, Page 52

52 F R J Á L S V E R S L U N • 1 0 . T B L . 2 0 0 7
A
llir vita hver Bill Gates og Warren Buffett eru, en
mexíkóski auðkýfingurinn Carlos Slim Helù er
ekki mikið gefinn fyrir að spjalla við fjölmiðla.
Því spurðu margir hver hann væri þessi Slim, eins
og hann kallast í heimalandinu, þegar tímaritið
Forbes reiknaði út síðsumars að auðæfi hans hefðu skotið
honum úr þriðja sæti Forbes-listans og upp í fyrsta sætið.
Auðmannalistinn kemur út einu sinni á ári svo Slim er
opinberlega ekki kominn í efsta sæti Forbes-listans en allar
líkur á að hann tróni á toppnum á næsta ári.
Það er gamaldags rekstur eins og verslanir og svo símafélög
sem mynda auðinn – og svo reyndar flestar aðrar atvinnugreinar:
hinn 67 ára Slim er þvílíkur jöfur að auðlegð hans er talin
jafnast á við auðæfi níu auðugustu landa hans sem næstir
koma. Mexíkóbúar, sem eiga meira en til hnífs og skeiðar, þurfa
ekki að skipta við önnur fyrirtæki en í eigu Slims frá vöggu til
grafar. Sumir tala því orðið um Mexíkó sem Slimland.
Orðið „samkeppni“ er ekki ofarlega í orðaforða
Slims yfir lykilhugtök viðskiptanna og það er einmitt
einokunartilhneigingin í viðskiptaveldi hans sem vekur
gagnrýni. Í ár lýsti hann því yfir að líkt og Gates og Buffett
ætlaði hann að stofna góðgerðarfélag en þær raddir heyrast að
viðskiptavinum hans kæmi betur lægra verð vöru og þjónustu
í geirum þar sem fyrirtæki Slims hafa undirtökin. Í skýrslu
Alþjóðabankans kemur fram að ýmis símagjöld eru hvergi
hærri en í Mexíkó.
Á lista Transparency International samtakanna, sem fylgjast
með spillingu um gjörvalla heimsbyggðina, er Mexíkó í 70.
sæti spillingarlistans þar sem Ísland og Finnland deila fyrsta
sætinu sem fyrirmyndarlönd án spillingar. Samband Slims við
leiðandi stjórnmálamenn hefur yfirleitt verið fjarska náið – og
þau sambönd, að viðbættu annáluðu talnaskyni, á efalaust
ríkan þátt í viðskiptavelgengni hans.
Braskað frá blautu barnsbeini
Slim er einn af þessum umsvifamönnum sem byrjuðu að
braska á barnsaldri. Faðir hans, Youssef Salim, var ættaður
frá Líbanon en fluttist til Mexíkó upp úr aldamótunum eins
og fleiri landar hans, breytti nafni sínu í Julián Slim og hóf
verslunarrekstur sem þróaðist yfir í önnur viðskipti. Slim ólst
því upp í kaupmannsanda. Faðirinn lét hann meðal annars
halda bókhald yfir vasapeningana og Slim hefur gömlu
bókhaldsbækurnar enn á skrifstofu sinni.
Slim lagði stund á verkfræði en kenndi stærðfræði með
náminu þó hann skorti ekki fé. Þegar á táningsárunum var
hann farinn að kaupa og selja hlutabréf og að námi loknu
setti hann á laggirnar hlutabréfafyrirtæki. Þegar hann kvæntist
26 ára gamall var hann þegar orðinn milljónamæringur.
Eiginkonuna, Soumaya Domit Gemayel, sótti hann heim í
gamla ættlandið. Gemayel-nafnið er þekkt í 20. aldar sögu
Líbanons og hún er af ættum líbanskra stjórnmálamanna og
leiðtoga. Eigin eignum safnaði Slim í eignahaldsfélagið Grupo
p i s t i l l s i g r ú n a r d a v í ð s d ó t t u r
texti: sigrún davíðsdóttir • Mynd: corbis
Carlos Slim hefur verið kallaður óþekktasti auðkýfingur heims og þó er hann
orðinn ríkasti maður veraldar – en uppgangur hans tengist einkavæðingu
Mexíkó sem minnir á einkavæðingu og ólígarkaauð Austur-Evrópu.
CARLOS SLIM, óÞEKKtI AUðKýFINGURINN:
RíkAStI mAðUR
veRALdAR