Frjáls verslun - 01.10.2007, Blaðsíða 76
Lífsstíll
76 F R J Á L S V E R S L U N • 1 0 . T B L . 2 0 0 7
Hvers vegna að prófa
þennan bíl?
Eflaust er orðið ljóst að skrifari
hefur dálæti nokkurt á jeppum
og jepplingum. Land Rover
Freelander er með þeim álitlegri
í þeim hópi og byggir þar á
gömlum grunni; fyrsti Land
Roverinn kom hingað laust fyrir
áramót árið 1948 og síðan hefur
Land Rover staðið fyrir sínu á
Íslandi, þó hann væri í nokkurri
lægð um tíma.
Freelander er snotur og
sterklegur útlits með greinilegu
yfirbragði framleiðanda
síns. Byggingarlag bílsins og
rammi virkar þétt og traust.
Þar að auki var hann kjörinn
bíll ársins á Íslandi 2008 í
árlegu vali Bandalags íslenskra
bílablaðamanna (BÍBB) sem
fram fer í október ár hvert.
Vél- og tæknibúnaður
Freelander er aðeins boðinn
í einni útfærslu hér á landi,
með 4 strokka dísilvél með
forþjöppu, 160 ha með 400
Newtonmetra snúningsvægi.
Bara þessar tölur gefa tilefni
til að ætla að hann sé snarpur
nokkuð og hann stenst
væntingar. Eyðsla á reynslutíma
í mjög blönduðum akstri var
10,8. Framleiðandi gefur upp
7,5 l meðaleyðslu.
Sjálfskiptingin er 5 gíra með
handskiptivali. Staðaldrif er á
framhjólum en sjálfvirkt inngrip
afturhjóla ef mishröðun verður
á aflhjólum. Það er ekki með
seigjukúplingu eins og algengast
er heldur vökvaknúnum
diskum og mjög hraðvirkt;
bíllinn á ekki að geta spólað á
framhjólum einum, ekki einu
sinni í upptakti. Það tókst
heldur ekki á reynslubílnum. Í
líkingu við Land Rover jeppann
Discovery er Freelander með
svonefnda Terrain Response
drifskynjun sem auðveldar
akstur við margháttuð skilyrði,
ef staðalstillingin sýnist ekki
ætla að duga.
Vinnuumhverfi
ökumanns
Framsæti eru þægileg sæti
og rafstýrð, leðurklædd.
Aðgerðastýri fer vel í
hendi og auðvelt að velja
sér góða stellingu við það.
Mælar og upplýsingatölva
greinileg og liggja vel við.
Tölvustýrð miðstöð er með
sjálfstæðar stillingar hvora
sínum megin frammi í,
auk sjálfvirknistillingar.
Framrúðusyllan hægra megin
er gríðarlega fyrirferðarmikil og
frekar fráhrindandi. Hefði mátt
hafa á henni smámunabakka
eða eitthvað þvílíkt til að létta
yfirbragðið.
Freelander er með sérstakan
hnapp til að ræsa vélina og
drepa á henni. „Lykillinn“ er
kubbur sem stungið er í gróp en
síðan startað með hnappnum.
Skrýtin ráðstöfun og vandséð
hvers vegna þetta er ekki sett
frekar í botn „lykil“-grópsins og
startað/drepið á með „lyklinum“
sjálfum heldur en krefjast
annars handtaks til þess.
Nú á dögum þegar allir eru
hættir að reykja eða hættir að
byrja að reykja eru enn tveir
sígarettukveikjarar í þessum
bíl. Annar þeirra a.m.k. er
á afkáralegum stað þar sem
Land Rover Freelander Sport:
Traustlegur, vel búinn
og skemmtilegur
bílar:
sigurður
hreiðar
Land Rover Freelander
sver sig greinilega í
ættina og ber vissan
keim bæði af Discover
og Range Rover.
Jepplingur með
traustlegt yfirbragð.