Dagrenning - 01.04.1956, Síða 37

Grunnflötur Babelshorgar, sem sýnir staðsetn-
ingu Babelsturns og helztu hofa annarra.
enskum lesendum. En það væri nákvæm-
lega jafnrétt að segja „og sé himinninn
á toppi hans', í þeirri merkingu, að efsti
hluti turnsins (zigguratsins) hafi verið
skreyttur merkjum himinhvolfsins, þ. e.
dýrahringnum. Þá er meiningin auð-
skilin.
Mennirnir í Babel voru ekki svo barna-
legir, að þeim dytti í hug, að þeir gætu
komist upp í efnishimin, þótt þeir
byggðu nógu háan turn. Nei, „ziggurat"
þeirra var musteri sólar- og hnattaguða.
Frásögnin í 11. kap. I. Móseb. er enn
ein sagan um mistök og óhlýðni mann-
anna. Þeir hópuðust saman í borgir, og
þegar þangað var komið, höfnuðu þeir
Jehóva og tóku að tilbiðja sína eigin
guði, með sínum eigin aðferðum. Og
þessu hefir mannkynið haldið áfram æ
síðan. Menn hafa revnt að semja sín eig-
in trúarbrögð og hafnað þeirri leið, sem
mörkuð er í hinni helgu bók —leið fórn-
arinnar, sem benti á þá fórn, sem Guð
færði með Jesú Kristi. Babelturninn
endurspeglast í tugum hofa, sem grafin
hafa verið upp í Austurlöndum, með öll-
um sínum sauruga heiðindómi, og rúst-
um þröngsetinna borga umhverfis hæð-
irnar.
Hin hróplega eigingirni þessara Babel-
búa sannar að þeir hafa verið syndugir
og óhlýðnir menn. Þeir skýra oss frá
ástæðunni til þess, að þeir einbeittu sér
að því að reisa þessa borg og þennan
turn. Þeir vildu reisa hæsta og glæsileg-
asta turn í Austurlöndum til þess „að
nöfn þeirra gleymdust ekki“. Þá langaði
til að þjóðirnar umhverfis þá dáðust að
viti þeirra, valdi og glæsibrag, og þeir
einsettu sér að óhlýðnast Guði og beita
allri orku sinni til þess að ná þessu marki.
Er þetta ekki ólíkt anda Biblíunnar og
Kristindómsins! Míka minnir þjóð sína
á, að „gánga fram í lítillæti fyrir Guði“.
Og á frummálinu kemur skýrt fram, að
hógværð er einkenni almáttugs Guðs.
Drottinn Jesús segir: „Sælir eru hóg-
værir“. Fornfræðingar vorir hafa stað-
fest það sem Biblían kennir — að menn
hafa verið og eru ólæknandi af eigin-
girni, reyna að láta allt snúast um sjálfa
sig og komast til metorða í heiminum.
Þetta blasir við sjónum vorum í dag.
Nú er öld sérfræðinganna! Ef vér að-
eins leggjumst allir á eitt, getum vér
leyst vandamálin án Guðs og opinber-
unar hans. Þetta er, í raun og veru, það
sem stjórnmálamenn vorir, hagfræðingar
o. s. frv. segja. Sameinuðu þjóðirnar eru
alþjóðlegt dæmi um þetta. Þær leita ráða
og aðstoðar allra, nema Guðs. Honum er
úthýst rækilega og að yfirlögðu ráði. Og
afleiðingin er sú, að yfir oss vofir ringul-
reið, miklu verri en sú, sem sagt er frá
í Biblíunni, þegar mennimir tvístruðust
í Babel. Vér þurfum að hafa það efst í
DAGRENNING 29