Dagrenning - 01.04.1956, Síða 49

um vil ég láta þig vita, að ég vil, með
Guðs hjálp, leitast við að styðja þann
flokk eftir minni takmörkuðu getu.“
Sami maður skrifar einnig:
„Ég held að þú hafir tekið rétta
s<efnu með Dagrenningu. Það er ekki
jafnan allt komið undir orðafjölda.
Mikið af þeim ritmosktri sem einkenn-
ir nútímann hefir mjög litla raunhæfa
þýðingu. Mundi ekki geta komið til
mála að fara á fleiri sviðum svipað að
og með Dagrenningu, að draga saman
seglin og sveigja til hófsemi og spar-
semi? Á mörgum sviðum þjóðlífs og ein-
staklinga mundi það vissulega vera tírna-
bært, og líklegra til þrifnaðar en það óhóf
og eyðslu kapphlaup, sem nú ætlar allt
að sliga. Er hér sannarlega verkefni fyr-
ir hinn nýja flokk. Finnst mér byrjun-
in góð og all frumleg, því flestum
mundi líklega hafa fundist undir svip-
uðum kringumstæðum, — stofnun nýs
stjórnmálaflokks, — að fremur bæri að
auka blaðakostinn en rýra.“
Húnvetningur sluifar:
„Eftir tíu ára kyninngu á Dagrenn-
ingu vil ég þakka þér fyrir vel unnið
starf. Það er nú vegna hins fyrirhugaða
stjórnmálaflokks, sem ég tek mér penna
í hönd og hripa þér nokkrar línur.----
Ég hefi nú hugleitt þetta mál og mér
finnst að hér þurfi mjög til að vanda,
og að undir því sé aðallega komið með
væntanlegt fylgi að vel takist með að
móta stefnuna, á traustum, kristilegum
grundvelli, svo að einlægir, kristnir
menn geti sameinast um hana. En þd
er ég lika bjartsýnn á vöxt og viðgang
flokksins. Ég hefi verið að lesa yfir drög
þau að stefnuskrá, sem birtust í Dag-
renningu. í flestum meginatriðum er ég
þeim samþykkur, en þó eru nokkur
veigamikil atriði, sem ég vil taka hér
til athugunar:--------
Ég ætla nú ekki að hafa hér fleiri orð
um að þessu sinni, en ég fagna því mjög
ef það tækist að stofna fyrirhugaðan,
kristilegan flokk, án verulegra mistaka,
svo mjög er maður leiður á að hafa ekki
annars kost, en að velja milli þeirra
flokka, sem nú virðast stefna öllu í
beinan voða.“-------
íslendingur, sem dvelur
erlendis, skrifar:
„Ég vona af alhug að þér heppnist að
stofna nýjan flokk á kristilegum grund-
velli. Mín skoðun er sú að sjaldan eða
aldrei hafi verið meiri þörf en nú, að
bjarga þjóðinni úr klóm ævintýra-
manna. Það verður erfitt verk, en þess
meiri sigur landi og þjóð til heilla, ef
vel tekst.-------
Mér þætti leitt, ef ég frétti það, að þú
stæðir einn um þetta mikla nauðsynja-
mál, því ég veit það eru margir, sem
gjarnan vildu styðja þig, en þeir þora
það ekki fyrir flokkavaldinu. Mér þykir
þeir menn þó harla miklar heybrækur,
sem sjá þörfina, en þora svo hvergi
nærri að koma til framkvæmdanna. Það
yrði lítið gert í veröldinni, ef allir hugs-
uðu þannig. Hvar er nú víkingseðli ís-
lendinga? Ég vona að þér heppnist að
finna eitthvað af góðum mönnum. í
byrjun gerir lítið til þó þeir séu fáir,
aðeins að þeir séu traustir og öruggir.“
II.
Fleira skal ekki rakið að sinni, en
þessir bréfakaflar sýna að ýmsir sjá og
skilja þörfina á nýjum flokki, sem taki
þjóðmálin öðrum tökum en þeir flokk-
ar gera, sem nú eru með þjóð vorri.
DAGRENNING 41