Dagrenning - 01.08.1958, Blaðsíða 3

DAGRENNIN G
2. TOLUBLAÐ
13. ÁRGANGUR
REYKJAVÍK
JÚNÍ-ÁGÚST 1958
Ritstjóri: JÓNAS GUÐMUNDSSON, Reynimel 28, Reykjavík. Simi 1-11-96
SEXTUGUR!
Er ég þá orðinn sextugur? Síðustu árin hefir mér stundum fundizt
sem lok þessa áratugs mundu tákna einhverja mikilvæga breytingu í lífi
mínu eða starfi. Það er þó ekki af því að ég haldi að dauðinn sé á næstu
grösum — þó að það geti náttúrlega vel verið, — heldur af hinu, að mér
hefir fundizt sem þá hlyti eitthvað mikilvægt að koma fyrir, eitthvað,
sem ég hefi þó ekki getað gert mér neina grein fyrir, en sem hlyti að
gjörbreyta öllu fyrir sjálfum m.ér — og jafnvel fyrir mörgum öðrum
líka, Og nú eru þessi tímamót liðin hjá. Og þó ennþá hafi ekkert það
gerzt í mínu lífi, sem mikilvægt geti talizt fyrir mig eða aðra, hefi ég
þó, á þessum vegamótum, átt mér ýmsar afmælishugleiðingar, sem ég
hefi skrifað niður, og reynt að gera mér grein fyrir viðhorfi mínu til
lífsins eins og það er nú orðið.
★
Þegar ég lít til liðins tíma, þá er flest það, sem ég mundi áður fyrr
hafa talið mestu skipta og eftirsóknarverðast, nú lítilsvert. Ég sé nú
allt það, sem menn telja svo mikilsvert og sækjast svo mjög eftir, í allt
öðru Ijósi en áður. Það sem almennt er talið mest um vert, svo sem auður,
völd og upphefð hvers konar, hafa ekki lengur neitt aðdráttarafl, því að
það er allt af „hinu ytra“ og vantar hið sanna, raunverulega gildi.
Hefi ég ekki á þessum sextíu árum mínum séð svo vel fallvaltleik auðs
og valds? Hefi ég ekki séð flestöll konungsríki og keisaradæmi veraldar
vorrar kollvarpast? Hafi ég ekki séð sórveldi, sem staðið höfðu aldir,
liðast sundur og gleymast? Hefi ég ekki séð stórauðugar þjóðir verða
gjaldþrota og ríka höfðingja verða bónbjargarmenn? Hefi ég ekki séð
menn eins og Stalín, Hitler og Mussolini setjast á veldisstóla konunga og
keisara, eftir að hafa komizt þangað með lygum, svikum, morðum og
hvers konar blekkingum, og hefi ég ekki séð þá alla hrapa úr þessum
hásætum brjálaða og fyrirlitna — og að lokum drepna af leyniöflum
þeim, sem höfðu hafið þá til valda, þegar hlutverki þeirra var lokið?
Jú, jú, — þetta hefir allt gerzt á sextíu árunum mínum og svo margt,
margt fleira, sem hér er ekki hægt upp að télja. Hvar eru nú sum þeirra
DAGRENNING I