Morgunblaðið - 30.04.2015, Qupperneq 24
24 UMRÆÐAN
MORGUNBLAÐIÐ FIMMTUDAGUR 30. APRÍL 2015
ER KOMINN TÍMI
Á SJÓNMÆLINGU?
Traust og góð þjónusta í 18 ár
Hamraborg 10 – Sími: 554 3200 – Opið: Virka daga 9.30-18 Laugardaga 11–14
Í dag 30. apríl gefur Íslandspóstur út þrjú frímerki og eina
smáörk til að minnast stórafmæla. Íslenski fáninn 100 ára,
kosningaréttur íslenskra kvenna 100 ára og Hið íslenska
biblíufélag 200 ára. Einnig kemur út frímerki í tilefni
Smáþjóðaleikanna 2015 auk Evrópufrímerkja, en þema
þeirra eru gömul íslensk leikföng.
Fyrstadagsumslög fást á helstu pósthúsum.
Einnig er hægt að panta þau hjá
Frímerkjasölunni. Sími: 580 1050.
Netfang: stamps@stamps.is
Heimasíða: www.stamps.is
facebook.com/icelandicstamps
Safnaðu litlum listaverkum
Nú verða allir að taka
upp budduna. Við
verðum að styrkja
Krabbameinsfélag Ís-
lands. Það liggur ekki
einu sinni líf við, það
liggja mörg líf við. Við
verðum öll að gera
eins og við getum. Við
sigruðum berklana á
sínum tíma og við
sigruðum löm-
unarveikina, við hljót-
um að geta sigrað
þennan hrikalega
sjúkdóm sem krabbinn er. Það
verður ekkert gert nema að fá
meiri peninga. Fólk hreinlega fellur
eins og flugur fyrir þessum óboðna
gesti, alveg sama hvað heilbrigð-
isstéttirnar leggja hart að sér, ef
allir sjúkdómar féllu fyrir pen-
ingum, þá gætu þjóðir heims verið
glaðar. Okkur vantar tæki og til
þess að kaupa þau vantar meiri
peninga. Íslendingar hafa alltaf ver-
ið framarlega í að bregðast fljótt
við ef leitað er til þeirra þegar eitt-
hvað bjátar á hjá fólki. Nú eiga
þúsundir Íslendinga óskaplegan
tíma framundan ef ekki fást tæki og
lækning nú þegar. Ég læknaðist af
þessum sjúkdómi og ég hef aðeins
fundið smjörþefinn af þessu. Nú vil
ég hjálpa öðrum, hugsum okkur, þú
getur verið næstur!
Karl Jóhann Ormsson.
Velvakandi Svarað í síma 569-1100 frá kl. 10-12 velvakandi@mbl.is
Íslendingar!
Þjóðmenningarhús Húsið baðað bleikum lit.
Ég heiti Silja Edv-
ardsdóttir, er dýra-
læknir og vinn hjá
Matvælastofnun. Á
hverjum degi sinnum
við verkefnum sem
miða að því að tryggja
matvælaöryggi neyt-
enda, svo að hlutirnir
gangi fyrir sig í sam-
félaginu eins og al-
menningur gerir
kröfu um. Jafnframt sjáum við
dýralæknarnir til þess að sjúkdóm-
ar í dýrum smitist ekki yfir í menn
og ógni þannig heilsu almennings.
Slík áföll gætu kostað samfélagið
gríðarlega fjármuni.
Að auki snýst starf mitt um
dýravernd og öryggi dýra sem er
gríðarlega mikilvægt fyrir jafn ein-
angrað land og Ísland. Landið
okkar hefur algjöra sérstöðu í
heiminum varðandi sjúkdóma en
vegna strangra innflutningsreglna
og landfræðilegrar einangrunar
höfum við að mestu komist hjá al-
varlegum smitsjúkdómum í dýrum.
Með þessu móti hefur einnig tekist
að halda stórum hluta hins ís-
lenska búfjárstofns óblönduðum
öldum saman og er hann hluti af
menningararfleifð okkar Íslend-
inga. Störf mín eru því áhugaverð
og krefjast sérfræðimenntunar, að
lágmarki fimm og hálfs árs há-
skólamenntunar.
Eins og aðrir dýralæknar hef ég
þurft að sækja mína
menntun til útlanda.
Því fylgir töluverður
kostnaður sem tak-
markast ekki einungis
við námslán og fram-
færslu í dýrri stór-
borg heldur einnig
fimm og hálfs árs
fjarveru frá vinnu-
markaði. Dýralækn-
anámið er gríðarlega
krefjandi en einnig
gefandi og skemmti-
legt. Ég hef alltaf
stefnt á frekara sérfræðinám. Það
var því með vilja gert að vinna
ekki samhliða námi, enda mun
betri námsárangur og meiri
menntun skila sér í betri framtíð-
armöguleikum. Eða hvað?
Meðan á dýralæknanáminu stóð
hófst skuldaferill minn. Námslánin
dugðu til að lifa af en ekki tókst
mér að safna í sjóð. Eins og svo
margir aðrir stofnaði ég fjölskyldu
á meðan ég var í námi og hef því
fleiri munna að metta nú. Við bú-
um í leiguhúsnæði og líðum ekki
skort en höfum ekki efni á að leyfa
okkur margt. Í sumar mun ég
hefja afborgun námslána. Mér
skilst að þær afborganir nemi sem
svarar 3ja vikna launum á ári hjá
hverjum félaga BHM og er ég
þegar farin að kvíða því.
Þegar ég hóf nám hafði ég vænt-
ingar um að fjárfesting í þessari
menntun myndi skila mér áhuga-
verðu og krefjandi starfi. Mér
fannst líka eðlilegt að ætla að
námið tryggði mér meiri kaupmátt
en ef ég hefði ekki farið í nám.
Starf mitt er sannarlega áhugavert
og krefjandi en ég get ekki sé að
það sé góð fjárfesting fyrir há-
skólamenntaða að starfa hjá ríkinu
ef það býður ekki betri kjör.
Sérfræðiþekkingu, rétt eins og
grunnnámið, þurfa dýralæknar að
sækja út fyrir landsteinana og því
fylgja enn meiri skuldir. Ég hef
alla tíð verið stolt af uppruna mín-
um og sérstöðu Íslands varðandi
búfjárstofna og sjúkdóma. Ég hef
lagt hart að mér að komast þangað
sem ég er í dag og er þakklát fyrir
þau tækifæri sem ég hef fengið.
Ég hef unnið við dýralækningar
erlendis og veit hvaða kjör standa
mér þar til boða. Ég hef hins veg-
ar haft metnað til að nýta þekk-
ingu mína ekki einungis mér til
hagsbóta, heldur einnig í íslensku
samfélagi. Nú er mér hins vegar
að verða æ betur ljóst að menntun
virðist ekki metin til launa á Ís-
landi, a.m.k hjá sumum stéttum.
Framtíð mín og fjölskyldu minnar
veltur því að miklu leyti á kjara-
baráttu um ókomna tíð.
Menntun skal metin til launa
Eftir Silju
Edvardsdóttur »Dýralæknanámið er
gríðarlega krefjandi
en einnig gefandi og
skemmtilegt.
Silja Edvardsdóttir
Höfundur er dýralæknir.
Á síðasta sumri
skrifaði Haraldur Sig-
urðsson eldfjallafræð-
ingur grein á blogg-
síðu sína
(vulkan.blog.is) um
fyrirtækið Silicor
Materials, sem hyggst
framleiða sólarkísil á
Grundartanga. Í
grein sinni varaði
Haraldur bæði við
fyrirtækinu sjálfu og fyrirhugaðri
framleiðslu þess, sem hann taldi
mengandi.
Haraldur Sigurðsson starfaði um
áratugi við vísindastörf í Bandaríkj-
unum, er mikilsvirtur fræðimaður á
alþjóðavettvangi, og af skrifum hans
að dæma þekkir hann vel til banda-
rískra málefna.
Um fyrirtækið Silicor skrifaði
hann meðal annars í umræddri
grein sinni 18.7.2014:
„Silicor hét áður Calisolar og
breytti um nafn til að fela sinn fyrri
feril í viðskiptaheiminum vestra.
Calisolar rak um tíma verksmiðju í
Toronto, Kanada. Það fóru ljótar
sögur af þeim rekstri, eins og sagt
er frá í dagblaðinu Col-
umbus Dispatch. Fyr-
irtækið var í Kaliforníu
en reyndi svo fyrir sér
fyrst í Ohio-fylki og síð-
ar í Mississippi og leit-
aði þar fyrir sér með
lán til að reisa verk-
smiðju. Þeir urðu að
hverfa frá Mississippi
vegna þess að fyr-
irtækið gat ekki einu
sinni lagt fram $150.000
sem stofnfé.“
Eftir að Haraldur
birti grein sína brást fulltrúi fyr-
irtækisins hart við í fjölmiðlum til
varnar væntanlegri framleiðslu,
sem hann kvað verða næstum
mengunarlausa. Ef fyrirtækið hefur
brugðizt við til varnar orðspori sínu,
hefur það farið fram hjá mér.
Íslenzk yfirvöld, sem greiða götu
fyrirtækisins hér á landi, meðal
annars með fjárhagslegum íviln-
unum, hafa sjálfsagt rannsakað ít-
arlega feril viðsemjanda síns. Hafi
þau ekki þegar verið búin að því,
hafa þau örugglega gert það í tilefni
af skrifum Haralds, sem ekki verð-
ur séð, að séu af öðrum hvötum
runnin en þeim, að honum er annt
um íslenzka hagsmuni, hagsmuni
ættlands síns, sem hann hefur snúið
aftur til.
Í tilefni af því, að Haraldur hefur
á nýjan leik séð ástæðu til að rifja
upp orðspor Silicor – og meira að
segja heldur bætt í frá fyrri skrifum
(pistill 27.4. 2015 á síðu hans) tel ég
óhjákvæmilegt að óska eftir upplýs-
ingum frá íslenzkum yfirvöldum,
sem bera ábyrgð á samningum við
fyrirtækið, einkum atvinnuvega- og
nýsköpunarráðherra. Þess er óskað:
Að ráðuneytið/önnur yfirvöld birti
mér og öðrum almenningi þær upp-
lýsingar, sem íslenzk yfirvöld hafa
aflað um feril, orðspor og stöðu um-
rædds fyrirtækis í tilefni af upplýs-
ingum Haralds Sigurðssonar um
það og gagnrýni hans á fyrirtækið
sem slíkt, sem og þau gögn, sem
ráðuneytið/yfirvöld áttu fyrir um
feril, orðspor og stöðu fyrirtækisins.
Orðspor Silicor
Eftir Hörð
Einarsson
Hörður Einarsson
» „Silicor hét áður
Calisolar og breytti
um nafn til að fela sinn
fyrri feril í viðskipta-
heiminum vestra.“
Höfundur er lögfræðingur.