Morgunblaðið - 30.04.2015, Síða 25
UMRÆÐAN 25
MORGUNBLAÐIÐ FIMMTUDAGUR 30. APRÍL 2015
Eik fasteignafélag hf.
Álfheimum 74, 104 Reykjavík
www.eik.is
Aðalfundur Eikar fasteignafélags hf.
Aðalfundur Eikar fasteignafélags hf. verður haldinn kl.
09:00, fimmtudaginn 21. maí 2015, á 20. hæð í Turninum,
Smáratorgi 3.
Dagskrá fundar:
1. Skýrsla stjórnar um starfsemi félagsins síðastliðið starfsár
2. Ársreikningur og samstæðureikningur félagsins, ásamt skýrslu endurskoðenda, er lagður fram til stað-
festingar og ákvörðun er tekin um hvernig fara skuli með hagnað eða tap félagsins á reikningsárinu
3. Ákvörðun um þóknun til stjórnar fyrir störf þeirra fyrir komandi starfsár, að fengnum tillögum félagsstjórnar
4. Tillaga félagsstjórnar um starfskjarastefnu félagsins
5. Kosning félagsstjórnar
6. Kosning löggilts endurskoðanda eða endurskoðunarfélags
7. Önnur mál sem löglega eru fram borin
Aðrar upplýsingar:
Hluthafi getur látið umboðsmann sækja hluthafafund fyrir sína hönd. Umboðsmaður skal leggja fram skriflegt, vottfest
og dagsett umboð. Umboð verða ekki afturkölluð svo gilt sé gagnvart félaginu eftir að þeim hefur verið framvísað við
afhendingu fundargagna eða eftir setningu fundarins, hvort heldur sem fyrr er. Umboðseyðublað má nálgast inn á
www.eik.is/fjarfestar/hluthafar.
Hver hluthafi á rétt á að fá ákveðið mál tekið til meðferðar á aðalfundinum ef hann gerir skriflega kröfu um það til
stjórnar eigi síðar en 7. maí 2015. Mál, sem ekki hafa verið greind í dagskrá aðalfundar, er ekki unnt að taka til
endanlegrar úrlausnar á fundinum nema með samþykki 2/3 hluta atkvæða viðstaddra hluthafa en gera má um þau
ályktun til leiðbeiningar fyrir félagsstjórn. Nánari upplýsingar um heimildir hluthafa til að fá mál tekin til meðferðar á
fundinum er að finna í samþykktum félagsins sem finna má á heimasíðu þess, www.eik.is/fjarfestar/hluthafar.
Á hluthafafundum félagsins fylgir eitt atkvæði hverri einni krónu í hlutafé. Eigin bréf félagsins njóta ekki atkvæðisréttar.
Atkvæðagreiðslur og kosningar verða einungis skriflegar á fundinum ef einhver atkvæðisbærra fundarmanna krefst
þess. Stjórnarkjör skal jafnan vera skriflegt, ef tillögur koma fram um fleiri menn en kjósa skal um. Nánari upplýsingar
um réttindi hluthafa er að finna í samþykktum félagsins sem finna má á heimasíðu þess, www.eik.is/fjarfestar/
hluthafar, þ.m.t. drög að dagskrá fundarins, tillögur stjórnar félagsins, ársreikning félagsins fyrir árið 2014, upplýsingar
um heildarfjölda hluta og atkvæðafjölda í félaginu m.v. 30. apríl 2015, atkvæðaseðil sem hægt er að senda bréflega
og samantekt um hlutafáreign í félaginu.
Frestur til að tilkynna um framboð til stjórnar lýkur fimm dögum fyrir aðalfund eða 16. maí 2015. Eyðublöð vegna
framboðs til stjórnarsetu er að finna á heimasíðu félagsins www.eik.is/fjarfestar/hluthafar. Framboðum skal skila á
skrifstofu félagsins að Álfheimum 74, 104 Reykjavík eða á netfangið stjornun@eik.is. Upplýsingar um frambjóðendur
til stjórnar verða birtar eigi síðar en tveimur dögum fyrir aðalfund á vefsíðu félagsins www.eik.is/fjarfestar/hluthafar.
Aðalfundur er lögmætur ef fulltrúar sem hafa yfir að ráða helmingi hlutafjárins hið minnsta mæta eða taka þátt, sbr.
11. gr. samþykkta félagsins.
Endanleg dagskrá og skjöl, þar á meðal tillögur stjórnar og eftir atvikum hluthafa, sem lögð verða fyrir aðalfund eru
birtar tveimur vikum fyrir aðalfund á vefsíðu félagsins, www.eik.is/fjarfestar/hluthafar, og liggja frammi í höfuðstöðvum
félagsins, að Álfheimum 74, 104 Reykjavík.
Atkvæðaseðlar og fundargögn verða afhent á fundarstað.
Reykjavík, 30. apríl 2015
Stjórn Eikar fasteignafélags hf.
Þegar þetta er skrif-
að hafa nokkrar stéttir
á Landspítalanum verið
í verkfalli frá 7. apríl
eða í nærfellt þrjár vik-
ur. Af þessu hafa hlotist
erfiðleikar og óvissa
fyrir notendur en áhrif
á viðsemjendur eru ekki
merkjanleg. Þess vegna
hljóta forsvarsmenn
þeirra sem standa í bar-
áttu til að fá laun sín bætt að hugsa til
þess hvernig megi auka þrýsting af
aðgerðum.
Landspítalinn tekur á hverjum degi
við fólki sem hefur veikst eða orðið
fyrir áföllum. Það er hans hlutverk.
Heilmikið hefur verið rætt um stöðu
bráðadeildanna þar sem ástandið hef-
ur verið mjög slæmt og eðlilegt að
áhyggjur séu af því meðal starfsfólks
og landsmanna allra enda veit enginn
hvenær hann þarf sjálfur á aðstoð að
halda.
Hitt hefur ekki verið alveg eins
mikið í umræðunni að á Landspít-
alanum fer fram gríðarmikið end-
urhæfingarstarf. Það er nefnilega
ekki nóg að taka við bráðveiku fólki,
það þarf að koma því aftur út í lífið á
einn eða annan hátt. Þetta er nauðsyn-
leg forsenda þess að hægt sé að taka á
móti þeim sem þurfa á því að halda.
Á Landspítalanum vinnur tals-
verður fjöldi sjúkraþjálfara, iðju-
þjálfa, félagsráðgjafa og
einnig sálfræðingar,
næringarfræðingar og
prestar. Þetta er fólkið
sem ásamt læknum og
hjúkrunarfólki stendur í
þeirri baráttu að koma
þeim sem hafa lagst inn
aftur til heilsu og í þær
aðstæður að útskrift sé
möguleg. Þetta eru fé-
lagsmenn BHM sem
hafa á undanförnum
áratugum, ásamt öllum
þorra launafólks, mátt
búa við það að tekjur og afkomu-
möguleikar hafa dregist aftur úr þeim
sem hafa haft betri aðstöðu til að
skammta sér endurgjald. Bilið í þjóð-
félaginu hefur breikkað. Við vorum
eitt sinn samfélag tiltölulegs jöfnuðar
en svo er ekki lengur. Læknar útlist-
uðu vel í sinni baráttu hverjar afleið-
ingar slíkrar þróunar verða til lengri
tíma. Þær röksemdir eiga líka við
þessar stéttir sem hér hafa verið
nefndar.
Stundum hefur verið reynt að halda
þeim áróðri að fólki að þá sem vinna
hjá ríkinu skorti dugnað, frumkvæði
og metnað. Þeir sem hafi þessa eig-
inleika velji sér vinnu annars staðar.
Því hefur líka verið haldið fram að
ekki sé heppilegt að starfsfólk í
umönnunarstörfum beri of mikið úr
býtum því slík störf eigi að vera unnin
af hugsjón en ekki af fjárhags-
ástæðum. Hvorugt er rétt. Hjá ríkinu
vinnur upp til hópa fólk sem sinnir
störfum sínum bæði af metnaði og
mikilli trúmennsku þrátt fyrir heldur
lélegt endurgjald. Hins vegar hafa
allmargir úr þessum ágætu stéttum
neyðst til að hverfa til starfa hjá öðr-
um vegna þess að laun þeirra dugðu
ekki til framfærslu. Þegar svo er
komið er rétt að staldra við. Viljum
við landsmenn að okkar fyrirtæki,
ríkið, sé ekki samkeppnisfært um
vinnukraft? Viljum við að starfsfólk
sem VIÐ höfum staðið í að mennta til
starfa fyrir okkur fari annað með sína
þekkingu? Hvert viljum við stefna
með okkar heilbrigðiskerfi sem einu
sinni var í fremstu röð, státaði af góð-
um aðstæðum, góðum tækjakosti og
starfsfólki sem fannst það vera virt
og metið og ynni frábært starf?
Vissulega hafa ýmsar áskoranir orðið
á vegi heilbrigðiskerfa, ekki bara hér
heldur um allan heiminn. En stóra
málið er samt sem áður forgangsröð-
unin. Og það er þar sem við, sem
þjóð, kjörnir fulltrúar og kjósendur
þurfum að hugsa okkar gang.
Endurhæfing á LSH
Eftir Helgu S.
Ragnarsdóttur »Hitt hefur ekki verið
alveg eins mikið í
umræðunni að á Land-
spítalanum fer fram
gríðarmikið endurhæf-
ingarstarf.
Helga S Ragnarsdóttir
Höfundur er félagsráðgjafi á LSH.
Eitt af þeim málum
sem ég hef fjallað mikið
um frá því í byrjun októ-
ber 2014 sem fulltrúi
Framsóknar og flugvall-
arvina, bæði í borg-
arstjórn og í skóla- og
frístundaráði, er málefni
barna með fjölþættan
vanda. Kveikjan að
þeirri vinnu var samtal
mitt við skólastjóra í
Reykjavík í byrjun október sl. varðandi
hvaða mál innan grunnskólans honum
þætti brýnast að unnið yrði nú þegar
með. Það sem skólastjóranum var efst í
huga var vandi nemenda sem væru að
fara út í eða komnir í neyslu fíkniefna.
Skólastjórinn sagði:
„Nemanda sem er kominn í neyslu
er vikið tímabundið úr skóla á meðan
reynt er að finna lausn á máli hans. Sú
lausn er því miður vandfundin. Nem-
andinn getur ekki verið í skólanum ef
hann er í neyslu, hvað þá ef hann er
farinn að selja. Bakland þessara barna
heima fyrir er mjög misjafnt og er
stundum svo til ekkert. Það er alltaf
bið eftir meðferðarúrræði og börnin
verða af lögbundinni kennslu á meðan
þau bíða heima eftir að komast í úr-
ræði.“
Verklagsreglur
Þegar upp kemur fíkniefnavandi í
einhverri mynd í grunnskóla í Reykja-
vík er unnið með málið samkvæmt
ákveðnum verklagsreglum skóla- og
frístundasviðs og velferðarsviðs frá
2012 sem voru síðast uppfærðar 2013.
Þar segir að vísa megi nemanda tíma-
bundið úr skóla í eina viku en sé nem-
anda vikið ótímabundið úr skóla beri
skólanefnd ábyrgð á að nemandanum
sé tryggð skólavist eða önnur viðeig-
andi kennsluúrræði ekki síðar en innan
þriggja vikna.
Þegar nemendur komast í meðferð-
arúrræði njóta þeir kennslufræðilegr-
ar leiðsagnar sérmenntaðra meðferð-
araðila en slík þjónusta er ekki fyrir
hendi í skólunum. Vissulega er brýnt
að nemandinn nái að vinna upp það
sem hann er orðinn eftir á með í náms-
efninu, en það þarf þó fyrst og fremst
að vinna að því að aðstoða nemandann
við að komast yfir fíknina, byggja upp
sjálfstraustið, sjálfsvirðinguna, ánægju
og gleði.
Á borgarstjórnarfundi 21. október
2014 fjallaði ég ítarlega um þetta mál
og lagði fram tillögu Framsóknar og
flugvallarvina um að borgarstjórn feli
skóla- og frístundasviði, velferðarsviði
og mannréttindaskrifstofu að endur-
skoða gildandi verklagsreglur sem
samþykktar voru 2012 um þjónustu við
grunnskólanemendur með fjölþættan
vanda með áherslu á nemendur í vímu-
efnavanda. Samþykkt var að vísa til-
lögunni til afgreiðslu borgarráðs.
Það ánægjulega er að í kjölfarið fór
af stað vinna við að taka saman yfirlit
yfir þau úrræði sem eru til staðar í dag
og jafnframt litið til þess hvernig
standa má að umræddum stuðningi
með sem bestum árangri. Þeirri vinnu
er ekki lokið en von er til þess að nið-
urstöður starfshópa verði kynntar
fljótlega.
Ég tel brýnt að Reykjavíkurborg efli
meðferðarúrræðin sem í dag standa
ungum fíkniefnaneyt-
endum og fjölskyldum
þeirra til boða og biðtími
eftir virkri þjónustu
styttist þannig að það
fari ekki eftir því í hvaða
hverfi borgarinnar barn-
ið býr hve fljótt það
kemst í ýmsar grein-
ingar og virk úrræði til
að ná bata eftir fíkniefna-
neysluna. Hér verður að
ríkja jafnræði meðal
reykvískra barna.
Fjölskyldan þarf stuðning
Notkun fíkniefna setur ekki aðeins
spor á sjálfan fíkilinn heldur getur fjöl-
skylda hans ekki síður þurft á miklum
stuðningi að halda sem og fræðslu
varðandi hvernig sé best að veita fíkl-
inum aðhald og stuðning. Annað getur
ekki verið án hins ef varanlegur bati á
að nást og því áríðandi að samtvinna
meðferðarúrræði til handa bæði nem-
andanum og fjölskyldu hans.
Fórnarlömb vímuefna?
En hvaða nemendur eru líklegri en
aðrir til að leita í vímuefnafíknina?
Ánægður, glaðlyndur unglingur sem
er fullur sjálfstrausts, er í góðum sam-
skiptum við fjölskyldu sína og félaga,
tekur þátt í markvissu félags-, íþrótta-
eða tómstundastarfi og gengur vel í
skólanum, hann eða hún er að öllum
líkindum mun ólíklegri til að lenda í
klóm vímu- og eiturlyfjafíkninnar en
unglingur sem á í erfiðleikum í námi,
er með brotna sjálfsmynd og lélegt
sjálfstraust, er í lélegum félagslegum
samskiptum og er hugsanlega þolandi
eineltis, andlegs og eða líkamlegs of-
beldis eða misnotkunar. Eitt besta
forvarnarúrræðið hlýtur að vera að
leggja aukna áherslu á að byggja upp
vellíðan, gott sjálfstraust, sjálfsvirð-
ingu og innri gleði unga fólksins.
Við hjá Framsókn og flugvallar-
vinum viljum efla uppbyggingarstarf
innan skólanna til að byggja betur upp
andlega sterka einstaklinga sem fá að
njóta sín betur í skólakerfinu og dag-
legu lífi, þeir fái að vaxa, dafna og
þroskast á eigin forsendum, verða fé-
lagslega sterkir ekki síður en vel
menntaðir.
Það hlýtur að eiga að vera eitt af for-
gangsverkefnum skóla- og borgaryf-
irvalda að standa vel að öflugu forvarn-
arstarfi og að vinna að sem allra
bestum úrbótum í þessum málaflokki.
Það þarf að efla og styrkja unga fólkið
okkar eftir því sem tök eru á. Til þess
þarf aukið fé, auknar fjárveitingar til
öflugri forvarna og uppbyggingar sem
geta skilað sér margfalt til borgarinnar
síðar.
Ungir fíklar
þurfa stuðning
Eftir Jónu Björgu
Sætran
Jóna Björg Sætran
» Grunnskólanem-
endur sem eru
komnir í vímuefnavanda
þurfa virk meðferð-
arúrræði og marg-
víslegan stuðning til að
ná bata. Fjölskyldan
þarf líka stuðning.
Höfundur er borgarfulltrúi Fram-
sóknar og flugvallarvina, situr í skóla-
og frístundaráði og mannréttindaráði.
BRIDS
Umsjón Arnór G.
Ragnarsson| brids@mbl.is
Jöfn og góð þátttaka hjá eldri
borgurum í Reykjavík
Mánudaginn 27. apríl var spilaður
tvímenningur á 15 borðum hjá brids-
deild Félags eldri borgara í Reykja-
vík.
Efstu pör í N/S
Jón Þ. Karlsson – Jón Hákon Jónss. 386
Björn Árnason – Auðunn R. Guðmss. 366
Ingibj. Stefánsd. – Elín Guðmannsd. 365
A/V
Albert Þorsteinss. – Bragi Björnsson 391
Ormarr Snæbjss. – Sturla Snæbjörnss. 374
Logi Þormóðss. – Eggert Þórhallsson 370
Spilað er í Síðumúla 37.
Tólf borð í Gullsmára
Spilað var á 12 borðum í Gullsmára
mánudaginn 27. apríl.
Úrslit í N/S:
Örn Einarsson - Pétur Antonsson 214
Vigdís Sigurjónsd. - Þorl. Þórarinss. 200
Þórður Jörundss. - Jörundur Þórðars. 185
Sigurður Björnss. - Ari Þórðarson 177
A/V
Sigurður Njálsson - Pétur Jónsson 215
Unnar Guðmss. - Guðm. Sigursteinss. 208
Sigurður Gíslas. - Reynir Bjarnason 197
Gunnar M.Hanss. - Hjörtur Hanness. 197