Reykjalundur - 01.06.1968, Blaðsíða 57
starfskrafta, að það var ekki hlutgengt á hinum
frjálsa vinnumarkaði. - Þessu fólki þurfti að
hjarga, og í því skyni var öryrkjavinnustofunum
í Múlalundi komið upp, og bærti það mikið úr
brýnustu þörfinni.
Á því herrans ári 1960 hafði Vífilsstaðahæli
starfað í 50 ár. Var berklaveikin þá á hröðu und-
anhaldi, og fór tölu nýrra sjúklinga og einnig
dauðsföllum mjög fækkandi. Þótti því tímabært
að samþykkja breytingu á lögum sambandsins á
þingi því, sem haldið var í júní þetta ár á Víf-
ilsstöðum í tilefni af 50 ára afmæli hælisins.
Breytingin var fyrst og fremst fólgin í því, að nú
gátu allir öryrkjar af völdum brjóstholssjúkdóma
fengið full félagsréttindi og vist í stofnunum
sambandsins, þótt berklasjúklingar skyldu jafnan
ganga fyrir. Var þetta fyrsti vísirinn að því, að
S.Í.B.S. hefði tök á að seilast út fyrir raðir berkla-
öryrkja með aðstoð sína.
Allt fram undir þetta hafði sambandið haft að-
setur sitt og skrifstofu hér í bænum í leiguhús-
næði. Haustið 1959 var gerður samningur við
Búnaðarbanka íslands um kaup á stórhýsi við
Bræðraborgarstíg 9 ,og fór afhending þess form-
lega fram að afloknum þingslitum 12. júní 1960.
Síðan hefur S.Í.B.S. haft þar aðalbækistöðvar
sínar og einnig getað miðlað öðrum öryrkjasam-
tökum af húsnæði sínu.
Og enn færir sambandið út starfssvið sitt. í
október þetta sama ár er Oddur Ólafsson boðinn
til Vínarborgar, ásamt fulltrúum frá Norðurlönd-
um, Þýzkalandi og Sviss, til undirbúnings að
stofnun alþjóðlegs bandalags félaga, sem vinna
að endurhæfingu öryrkja af völdum brjósthols-
sjúkdóma, og var S. í. B. S. skráð sem þátttakandi
árið eftir. Þá er stofnsett Öryrkjabandalag íslands
með þátttöku S. í. B. S., og Oddur Ólafsson kosinn
formaður þess, en Guðmundur Löve ráðinn fram-
kvæmdastjóri, og hverfur hann þá frá störfum hjá
S. í. B. S. eftir 17 ára starf. Velgerður Helgadóttir
lét þá einnig af störfum sem yfirhjúkrunarkona og
húsfreyja í Reykjalundi, en þeim störfum hafði
hún gegnt frá stofnun heimilisins. Dagbjört Þórð-
ardóttir tók við störfum Valgerðar. Skömmu síðar
hætti Snjáfríður Jónsdóttir matráðskona störf-
um, en hún hafði einnig starfað í Reykjalundi
frá byrjun og unnið stofnuninni heilladrjúgt starf.
„Já, Árdagur“, segi ég. „Þerta er mikil saga,
ef hún væri öll sögð. Nú telst berklaveikin ekki
lengur til hinna alvarlegu sjúkdóma hér á landi.
Þó skilst mér, að S.Í.B.S. hafi ekki lagt árar í
bát eða telji hlutverki sínu lokið. Aldrei hefur
starfsemi þess verið öflugri en einmitt nú“.
„Það er rétt“, svaraði Árdagur. „Þegar berkla-
veikin rénaði, fann S.Í.B.S. gnægð annarra verk-
efna. í fyrsta lagi hefur Múlalundur verið full-
gerður og er að sjálfsögðu alltaf fullsetinn. Þrjú
ný smáhús hafa verið reist í Reykjalundi til við-
bótar þeim ellefu, sem fyrir voru. Ennfremur er
langt komið smíði þriggja sams konar húsa þar
á staðnum á vegum Geðverndarfélags íslands. -
Jakob Jónasson, læknir, sérfræðingur í taugasjúk-
dómum, hefur í nokkur ár starfað í Reykjalundi,
og hefur hann til meðferðar taugasjúklinga þá,
sem þar dvelja. í kjallara aðalbyggingarinnar er
starfandi fullkomin endurhæfingarstöð, og er
Haukur Þórðarson þar yfirlæknir. Bókasöfn hæl-
anna og Reykjalundar hafa fengið árlegan fjár-
styrk nú síðari árin og þannig mætti lengi telja
hin fjölmörgu menningar- og þjóðnytjastörf sam-
bandsins.
Við minnumst allra hinna mörgu velunnara S.í.
B.S., þótt þeir verði ekki með nöfnum taldir. Þó
mun ég nefna hér mann, sem einna hæst ber í
þessum fórnfúsa flokki. Það er Gísli Jónsson,
fyrrverandi alþingismaður. Hann hefur gefið sam-
bandinu land sitt við Hrafnagjá í Þingvallasveit,
ásamt hinu fagra húsi, sem á því stendur, og allt
sem því fylgir. Auk þess hefur hann gefið sam-
bandinu allan hagnað af útgáfu þeirra tveggja
bóka, sem hann hefur ritað. Allar þessar ríku-
legu gjafir eru gefnar í minningu um látna konu
hans, frú Hlín Þorsteinsdóttur. Þökk sé mætum
manni fyrir frábæra höfðingslund“.
Árdagur þagði um stund, en mælti svo — og
þó hljóðlega:
„Já, ég vildi geta nefnt þá alla með nafni,
hvern fyrir sig. í þessari frásögn hefur verið
REYKJALUNDUR
55