Reykjalundur - 01.06.1971, Blaðsíða 3

REYKJALUNDUR OKTÓBER 1971 25. ÁRG.
Ingibjörg Sigurðardóttir frá Torfufelli:
Undrið um Reykjalund gerist á tuttugustu öldinni,
öldinni okkar. Ég segi undrið, því að er ekki öll saga
Reykjalundar mikið undur, ævintýri, sem á engan sinn
líka með þjóð vorri?
Nokkrir fátækir og sjúkir menn bindast samtökum.
Ciuð er í verki með þeim. Hann gaf þeim hugsjón. Og
staður og starf blessast. Og svo mun enn verða, meðan
orð Krists eru í heiðri höfð og rækt lögð við sannleik,
trúmennsku, góðvild og mannkærleika.
Það þarf mikla liæfileika, dugnað og framsýni til þess
að skapa, móta, viðhalda og efla slíka stofnun, sem
Reykjalundur er. Heill og blessun sé með þeim öllum,
lífs og liðnum, er hér hafa að unnið til hagsbóta fyrir
Reykjalund, unnið fyrir sjúka meðbræður og systur,
læknað, aukið bjartsýni, endurvakið trú og þrek og skapað skilyrði fyrir einstaklinga til
starfa á ný, þeim sjálfum og þjóðfélaginu til ómetanlegs gagns.
Hér verður áfram haldið. Guð gefi, að æðsta boðorð þessarar stofnunar og annarra
þeirra, sem að mannúðarmálum vinna, verði fyrst og fremst að likna og lœkna og umfram
allt að auðsýna hœrleika. Sól kærleikans á að skína á alla menn! Þau sjónarmið, að jafn-
vel skuggarnir séu nauðsynlegir, skulu víkja. Samkvæmt þeim á það ekki að skipta máli,
þótt hópur samferðamannanna lifi sífellt í skugga. Þannig hafi það ávallt verið og því
verði ekki breytt. En er þetta ekki gagnstætt þeirri trú, sem við játum og þeim sið ænu
hugmyndum, er við teljum réttar? Sannar ekki ævintýrið um Reykjalund það, að s' rétt
hugsað og unnið í kærleika, þá er hægt að fækka skuggum mannlegra meina.
Grískur spekingur bar eitt sinn fram þá bæn við voldugan keisara, að hann færði sig
til, svo að sólin næði að skína á fleiri en hann einan.
Undanfarin 25 ár hefur skuggum fækkað í lífi fjölda margra, sem dvalið hafa hér á
Reykjalundi, um lengri eða skemmri tíma. Á aldarfjórðungsafmælinu skulu orð hins
gríska spekings undirstrikuð og sú ósk borin fram, Reykjalundi til handa, að kærleiks-
sól Guðs megi skína hér áfram um ókomna tíð, þjóð vorri og landi til blessunar.
Avarp
R EYKJALUNDUR
3