Húnavaka - 01.05.1963, Blaðsíða 76

74
H Ú N A V A K A
ég að biðja þar afsökunar á ókunnugleika mínurn á fyrri hluta
starfsferils Sambandsins.
Ungmennasamband Austur-Húnavatnssýslu var stofnað 30. marz
1912 af 9 sambandsfélögum. Starfaði það óslitið til 1931, en þá féll
starfsemi þess niður um nokkurra ára skeið. Á þessu árabili gegndu
fjórir menn formannsstörfum í Sambandinu, það voru þeir Jón
Pálmason, síðar alþm. Akri, Hafsteinn Pétursson, Gunnsteinsstöð-
um, Bjarni Ó. Frímannsson, Efri-Mýrum, og Sigurgeir Björnsson,
Orrastöðum.
Nokkrir stofnenda Sambandsins eru enn á lífi og hefur USAH
kosið þá fyrir heiðursfélaga og verða þeim síðar í þessu hófi af-
lient heiðursskjöl, en það eru: Jón Pálmason, Jón Guðmundsson,
Steingrímur Davíðsson, Magnús Björnsson, Níels Jónsson, Guðrún
Teitsdóttir, Rannveig Stefánsdóttir, Bjarni Ó. Frímannsson og Sig-
urjón Jóhannsson. Áður hefur USAH kosið fyrir heiðursfélaga þá
Kristján Sigurðsson og Snorra Arnfinnsson.
Fyrir forgöngu Kennarafélags Austur-Húnavatnssýslu var Sam-
bandið endurreist 1938. Við lok annars starfsársins voru í Sam-
bandinu 6 félög með 240 félaga, en nú eru Sambandsfélögin 10 og
félagsmenn alls 434. Síðan USAH var endurvakið hafa sjö menn
verið þar formenn, þeir Halldór Jónsson, Bjarni Jónasson, Jón
Jónsson, sr. Pétur Ingjaldsson, Guðmundur Jónasson, Snorri Arn-
finnsson og Ingvar Jónsson.
Strax eftir stofnun Ungmennasambandsins mun hafa verið hafizt
handa um árleg Héraðsmót á vegum þess. Á mótum þessum mun
hafa verið keppt í hlaupum, stökkum og glímu, auk þess sem ung-
ir menn og vaskir þreyttu sund í ósi Blöndu. Efniviður hér í sýslu
mun hafa verið góður á þessum árum, þó að engin gögn muni vera
til um árangur einstakra íþróttamanna heima í héraði. Athyglis-
vert er, að úr hópi húnvetnskra æskumanna komu tveir þekktustu
hlauparar íslendinga á sinni tíð, í þolhlaupi og millivegalengdum,
þeir Jón Kaldal og Geir Gígja. Var hinn fyrrnefndi, sem kunnugt
er, í hópi beztu hlaupara Norðurlanda á þeim tíma á hinum lengri
vegalengdum, enda stóð íslandsmet hans í 5000 metra hlaupi
óhnekkt lengst allra meta eða í þrjá áratugi.
Þegar eftir endurvakningu Ungmennasambandsins 1938 komst
endurreisn Héraðsmótanna þegar á dagskrá. Fyrst í stað var þó
fyrst og fremst um að ræða kynningarmót æskufólks í héraðinu, þar
J