Morgunblaðið - Sunnudagur - 07.06.2015, Qupperneq 21

aftur lýsa heimasmíðaðri leið til
að upplifa áfangastaðinn.
Þeir sem fara á sambærilegan
flæking og hér er greint frá um
Suðaustur-Asíu munu eflaust
kynnast því að ferðast með
næturrútu, en það er einstaklega
ódýr en óþægilegur ferðamáti.
Þegar slík rúta kemur árla morg-
uns til Sapa er heil hersing
kvenna úr nærliggjandi þorpum
búin að gera um hana umsátur.
Þær keppast við að bjóða ný-
vöknuðum túristum þjónustu sína,
sem felst einfaldlega í því að
ganga um nærsveitir Sapa og
þiggja mat og gistingu í heima-
húsi þeirra. Við hefðum vitaskuld
verið smeyk við að þiggja slíkt
boð af ókunnugum ef áðurnefndur
ástralskur kunningi okkar hefði
ekki haft eins góðar sögur af því
að segja og raun bar vitni. Það
var einmitt hann sem gaf okkur
símanúmerið hjá henni Xa.
Við hefðum ekki getað greint
Xa frá kvennaskaranum sem sat
um rútuna ef við hefðum ekki
getað hringt í hana, en hún
mætti okkur strax brosandi og
átti eftir að reynast prýðilegur
gestgjafi næstu daga, eftir að við
höfðum prúttað um sanngjarnt
verð. Hún gekk með okkur í
nokkra klukkutíma, í gegnum
nokkur þorp og yfir misgóða
göngustíga, þar til við loks kom-
um í þorpið hennar. Heimkynni
fjölskyldu hennar voru hógvær á
vestrænan mælikvarða, lítið óein-
angrað timburhús sem var útbúið
öllu sem þurfti en ekki mikið
meiru. Heimilislífið var hins vegar
skrautlegt. Sonur hennar, eig-
inmaðurinn, hundurinn og kett-
irnir (að okkur túristunum
ónefndum) höfðu sig til við eld-
stæðið á meðan húsmóðirin
kepptist við að elda kvöldmat
með annarri hendi og reka svínin
og hænurnar út úr húsinu með
hinni. Hún stóð sig eins og hetja,
og eldaði prýðisgóðar vorrúllur í
þokkabót.
Hér hef ég lýst því eft-
irminnilegasta úr ógleymanlegri
ferð til Víetnam. Enn er fjöl-
margt ónefnt, hafnarbærinn róm-
antíski Hoi An, þar sem saga og
menning ólíkra heimshluta verður
að einum allsherjar suðupotti,
hellarnir í Phong Nha-þjóðgarði,
einu víðfeðmasta hellakerfi heims
sem skartar ótrúlegum dropa-
steinsmyndunum, og fornu hofin
við My Son, svo eitthvað sé
nefnt. Hvort sem ferðalangar eru
gæddir óslökkvandi ævintýraþrá
eða vilja gera vel við sig í matar-
og menningarnautn er Víetnam
áfangastaður sem allir ættu að
hafa í sigtinu.
Ýmislegt getur orðið á
vegi manns í Hanoí.
Oft virtist gamli bær Hanoí
vera einsog völundarhús.
Víða skarta hofin kínversku
letri, en Víetnamar hættu að
nota slíkt árið 1918.
Setið að sumbli. Plaststólar og ódýr
bjór einkenndu ófáar knæpur.
Konur með oddhvassa hatta
seldu okkur varning sinn.
Hanoí er mjög
lífleg borg.
7.6. 2015 MORGUNBLAÐIÐ SUNNUDAGUR 21
VÍKKAÐU HRINGINN
Morgunblaðinu er það mikilvægt að sýna lesendum hlutina
í víðara samhengi. Fram undan er spennandi sumar fyrir
áskrifendur Morgunblaðsins vítt og breitt um landið.
Í dag sýnum við hvað framtíðin ber í skauti sér
fyrir einn af áskrifendum okkar.
Allir áskrifendur Morgunblaðsins
eru með í áskriftarleiknum.
Fylgstu með þegar við drögum út
vinningshafann þann 17. júlí.