Dagblaðið Vísir - DV - 02.10.2009, Blaðsíða 18
Greiðslubyrði íbúðalána verður fyr-
ir 1. október færð til þess sem hún
var fyrir bankahrunið. Verðtryggð
lán, sem hafa hingað til tengst vísi-
tölu neysluverðs, taka framveg-
is mið af greiðslujöfnunarvísitölu,
það er launaþróun, atvinnustigi og
stöðu krónunnar. Með þessu von-
ast stjórnvöld til þess að koma megi
í veg fyrir misgengi launaþróunar
og greiðslubyrðar. Þetta er inntakið í
þeim aðgerðum sem Árni Páll Árna-
son félagsmálaráðherra hefur kynnt
fjölmiðlum.
Vonast til að krónan styrkist
Greiðslubyrði verðtryggðra lána
verður færð aftur til 1. janúar 2008.
Greiðslubyrði gengistryggðra lána,
eða svokallaðra myntkörfulána, verð-
ur færð aftur til 2. maí 2008. Þá hafði
gengi krónunnar lækkað nokkuð
frá því hún var sem sterkust. Stærsti
skellurinn varð hins vegar í kjölfar
bankahrunsins fyrir ári.
Standi eitthvað eftir, þegar upp-
haflegum lánstíma er lokið að við-
bættri þriggja ára lengingu, verða
lánin afskrifuð af lánastofnunum.
Bankarnir taka því skellinn að hluta.
Á fjölmiðlafundi sem Árni Páll hélt
í vikunni kom fram að stjórnvöld
bindi vonir við að gengi krónunn-
ar gangi að einhverju leyti til baka
þannig að minna en ella þurfi að af-
skrifa af gengistryggðum lánum.
Skuldirnar hverfa ekki
Aðspurður hvers vegna ekki komi til
greina að afskrifa lánin strax, svarar
Árni Páll því til að óvíst væri hversu
mikið tjónið af hruninu verður. „Ef
við afskrifum í dag gæti vel farið svo
að við þyrftum að afskrifa aftur eft-
ir hálft ár. Við höfum ekki forsendur
til að gera upp þennan kreppuhala.
Við erum að búa til farveg til þess
að tryggja að ef halinn verður mjög
langur muni hann verða skorinn,“
segir hann en bætir við að almenn-
ingur þurfi að takast á við þetta verk-
efni sem samfélag. Skuldbindingarn-
ar hverfi ekki.
„Það er ekki einsýnt hvers vegna
við ættum að skuldsetja samfélag-
ið í dag fyrir skuldum sem við verð-
um kannski ekki í neinum vand-
ræðum með að borga þegar fram í
sækir,“ segir Árni. Hann bætir einn-
ig við að hugsanlega styrkist krónan
á lánstímanum, sem þýðir að höfuð-
stóll erlendra lána lækkar. Ef krónan
veikist enn meira taki lánastofnanir
skellinn. Fólk þurfi því ekki að óttast
þó höfuðstóllinn hækki.
Gylfi Magnússon viðskiptaráð-
herra segir að stjórnvöld séu með
aðgerðum sínum að leyfa fólki að
greiða af mun lægri lánum en hvíla
á húsunum þeirra. Í þeim skilningi
sé verið að færa lánin aftur til þess
sem þau voru fyrir hrun. Líta megi
á þetta sem afskrift sem hugsanlega
gangi svo til baka ef raunlaun hækka
á næstu árum.
Launavísitalan hækkar hraðar
Eins og áður sagði verða afborganir
tengdar við launaþróun og atvinnu-
stig, í stað vísitölu neysluverðs eins
og hingað til hefur verið. Í því sam-
bandi er forvitnilegt að bera saman
18 föstudagur 2. október 2009 fréttir
Greiðslubyrði lækkar - dæmi 10m kr. íbúðalán tekið í júlí 2007
Verðtr. lán 4,15% Gengiskarfa Jen+SFR*
40 ár 30 ár 30 ár
Upphafleg greiðslubyrði 42.700 kr. 53.700 kr. 45.400 kr.
Greiðslubyrði 1. okt. 2009 54.800 kr. 76.900 kr. 99.800 kr.
Greiðslubyrði eftir jöfnun 45.600 kr. 67.200 kr. 70.400 kr.
*SViSSneSkuR FRanki
2m kr. bílalán tekið í júlí 2007
Gengiskarfa Jen+SFR
7 ár 30 ár
Upphafleg greiðslubyrði 43.800 kr. 32.100 kr.
Greiðslubyrði 1. okt. 2009 59.110 kr. 75.000 kr.
Greiðslubyrði eftir jöfnun 45.340 kr. 49.700 kr.
Greiðslubyrði allra lána verður færð til þess sem hún var fyrir efnahagshrunið. Tenging við vísitölu verður
afnumin og afborganirnar tengdar við atvinnuþróun, laun og gengi krónunnar. Vísitala launa hefur hækkað
meira en vísitala neysluverðs undanfarin 20 ár. Lánin verða lengd að hámarki um þrjú ár. Það sem kann að
standa eftir verður afskrifað, leggi fjármálastofnanir blessun sína yfir boðaðar aðgerðir.
BALDUR GUÐMUNDSSON
blaðamaður skrifar baldur@dv.is
Áhættunni
velt yfir Á bankana
Frá kynningarfundinum Árni Páll Árnason kynnti aðgerðir stjórnvalda gegn skuldavanda heimilanna í gær, ásamt þeim Rögnu
Árnadóttur dómsmálráðherra og Gylfa Magnússyni viðskiptaráðherra. MyND RóBeRt
„Það er ekki búið að girða
fyrir það hversu mikið lán-
in geta í raun hækkað.“